”Uanga qupperninnut iserit” toorukku qanoq pisoqassava?
Uani illit atuisutut ilisarnaaternut isersinnaavutit. Tamanna pissaaq NemID atorlugu, aammalu paasissutissat ilinnut tunngasut allanniarlugit Sullissivik-iup isernissamut qupperneranut ingerlateqqinneqassaatit. Tassunga isereeruit, taava suli.gl-imut uterteqqinneqassaatit.
Isernialeraangama sooq sullissivik.gl-imut ingerlateqqinneqarpunga?
Suli.gl imatut aaqqissuunneqarpoq isernialeraanni Sullissivik.gl-imut ingerlateqqinneqartartunngorlugu. Isereeruit suli.gl-imut uterteqqinneqassaatit.
Ilisarnaateqarluni isertarnissami suut iluaqutissartaappat?
Atuisutut ilisarnaateqaruit atorfiit inuttaqanngitsut, suliffissanut ussassaarutit suut qinnuteqarfigisimmanerlugit, CV-it nutartigaq, aammalu allakkiat uppernarsaatit ikkussimasatit aammalu suliffissarsioraangavit atorneqartussat (soraarummeersimanermut uppernarsaatit, oqaaseqaatit il.il.) takoriaannanngussavatit. Assersuutigalugu ussassaarutit soqutiginaatillit misissorniarlugit suli.gl iserfigisimagukku qimerloorlugulu, ilisarnaaterni ussassaarutit toqqorsinnaavatit, taakkualu kingusinnerusukkut pisariitsuaqqamik saqqummerseqqissinnaavatit. Taamatuttaaq jobagent-itit ikkussorsinnaavatit iluarsaassinnaallugillu.
Suli.gl atorniarlugu atuisutut ilisarnaateqartariaqarpunga?
Naamik pisariaqanngilaq, kisianni taamaalioruit pisuni amerlasuuni amerlanerusunik periarfissaqalissaatit imaluunniit periarfissatit pillugit paasisaqarsinnaanerulissallutit.
NemID sunaava, aammalu kiap ikiorsinnaavaanga?
NemID suunersoq, qanoq inniminniissanerlutik, atorneqarsinnaatilersinnaanerlugu allarpassuillu pillugit uani atuarsinnaavatit. Malugiuk ataasiakkaat Sullissivik-mut tunngassuteqarput, kisianni tamatumunnga pissutaavoq suli.gl-ip Sullissivik-up NemID-mut isernissamut aaqqiisimanera atormagu.
Qanoq iliorlunga isissaanga?
Uani qanoq iliorlutit isissanerlutit atuarsinnaavat. Aamma kommunimut illit ataffigisarnut attaveqarfissanut paasissutissat tassani nassaarissavatit.
Isertaatiga kode puiorsimagukku qanoq iliussaanga?
Kode isertaatit puiorsimagukku nemid.nu, illit najugarni Innuttaasunut sullissivik imaluunniit illit aningaaseriviit aqqutigalugu utaqqiisaagallartumik isertaammik kode-mik qanoq iliorlutit pissarsisinnaanerlutit uani atuarsinnaavat.
Iserniarnerni ajornartorsiuteqarpit?
Ajoraluartumik iserniarnerni ajornartorsioruit, tamanna assersuutigalugu NemID-ip ingerlatinneqarnerata kukkuneqarnera imaluunniit Java-p immaqa nutartertariaqarnera tamatumunnga pissutaasinnaavoq. Uani qanoq iliorsinnaanerlutit atuarsinnaavat.