sullissivik.gl
Ussassaarut taanna oqaatsini makkunani nassaassaavoq
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Souschef - Mako Aleqa

Avannaata Kommunia

Ilulissat
Ikkunneqarpoq: 12-10-2021
Piffissaq atuuffissaa naassaaq: 02-11-2021
Suliffissamut ID normut: LJA-82796655
Suliffiup suussusaa: Tamakkiisoq
Suliassaqarfik: Meeqqat & inuusuttut

Avannaata Kommuniani Mako Aleqa Tullersortissarsiorpoq 15.11.2021 aallarnerfigalungu imaluunniit isumaqatigiissuteqarnikkulluunniit atorfinittussamik.

Tullersortip qaninnertut qullersarissavaa pisortaq Mako Aleqa-mi

Suliassat akisussaaffiillu:

·Avannaata Kommuniani meeqqanut inuusuttuaqqanullu politikkikkut anguniakkat naapertorlugit sullissineq

·Sulisut aalajangersimasumik qulequtaqarluni kommunip iluani kommunillu avataani ingerlatsinikkut piginnaasaannik inuttullu piginnaasaannik pitsanngorsaaneq, piginnaasanik sammisaqartitsisarnikkut kiisalu pikkorissaasarnikkut

·Perorsaanikkut periutsinik suleriutsinillu nutaanik saqqummiisarneq

·Meeqqanut, angajoqqaanut kiisalu sulisitsisunut isumannaatsumik toqqissisimanartumillu ulluunerani paaqqinnittarfimmik qulakkeerinninneq

·Ulluunerani paaqqinnittarfik pillugu paasissutissanik imalimmik quppersagaliortarneq

·Eqqarsaatit nutaat politikkikkullu anguniakkat naapertorlugit ersarissumik anguniagaqarluni sulineq

·Aqutsisorisamik ulluinnarni qanimut suleqateqarneq

Piginnaasat:

·Perorsaasutut ilinniagaqarsimaneq

·Ulluunerani paaqqinnittarfinni sulisitsinermik allaffissornermillu misilittagaqarneq

·Akisussaassuseqarneq, pissutsinut malinnaaqqinnaassuseqarneq kiisalu paasinnissinnaassuseqarneq ingerlariaatsinillu allannguisinnaassuseqarneq

·Uippakajaarnartunik suliassaqartillugu eqqissisimasinnaaneq, eqaatsumik suleriuseqarsinnaaneq, suleqatikkumiartuuneq, inussiarnersuuneq kiisalu aalajaatsuuneq

·Timikkut tarnikkullu peqqissuuneq, ammasuuneq qiimasuunerlu

·Ulluunerani paaqqinnittarfiup anguniagai iliuusissatullu pilersaarutai naapertorlugit sulinissamut piareersimasuuneq

Akissaatit atorfeqartitaanermullu atugassarititaasut:

Atorfininnermi atugassarititaasut Naalakkersuisut kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.


Atorfimmut atatillugu inissaqartitsisoqarpoq.


Pinerlussimannginnermut uppernarsaat aammalu meeqqanut pinerliisimannginnermut uppernarsaatit naammaginartut tunngavigalugit atorfinitsitaaneq pissaaq, taakkulu qinnuteqartup akuersineratigut Rigspolitiinit sulisitsisumiit piumaneqassapput.

Attaveqarfissaq :

Atorfimmut paasissutissat sukumiinerusut pineqarsinnaapput meeqqerivik Mako Aleqa-mi aqutsisoq Eva Sofie Mølgaard oqarasuaat  385501/265920 imaluunniit e-mail: Ilu_Aleqa@avannaata.gl imaluunniit esmo@avannaata.gl  

Qinnuteqaat ilinniarsimanermut siornatigullu sulisimanermut paasissutissanik imalik, ilanngullugit soraarummeernermut il.il. allagartat Sulisoqarnermut Immikkoortortaqarfimmut apuutereersimassapput 2.11.2021 nassiunneqassapput Avannaata Kommuniata nittartangaa: Avannaata.gl/ledige-stillinger iserfingalugu.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia