IT-Konsulent/Specialkonsulent til Nukissiorfiit

Nukissiorfiit IT-mut immikkoortoqarfianut IT-konsulenti/Specialkonsulenti

Suleqatigiiffitsinni ilaalersussaq IT-konsulenti/specialkonsulenti pikkorillunilu tamatigoortoq ujarparput. Atorfeqartussap Office 365-imut akisussaasuussaaq, mailinut serveritsinnut teknikkikkut ikiuisassaaq, hardwareni softwarenilu ajornartorsiutaasunik ujaasisassaaq, ingerlatsiviillu systemit ilusissaat iluarsaattassallugit. Qinnuteqartoq attaveqaqatigiinnikkut suleqatigiissinnaanikkullu piginnaasaqalluassaaq. Ajornartorsiutinik iluarsiinissamut piginnaasamigut nukittussaaq, aammalu it-mi attaveqaatit aaqqiissutillu iternga tikillugit paasisimassavai.

Akisussaaffigisassat:

• Office 365-mik atuutsitsilerneq, naleqqussaaneq il.il.
• Qarasaasiani uninngaannartuni angallattakkanilu, aamma immikkoortukkuutaani angallattakkani hardwareni softwarenilu ajornartorsiutaasunik ujaasisarneq
• Softwarenik hardwarenillu ivertiteralunilu ilusissaannik iluarsaassisarneq
• Oqarasuaatikkut, e-mailitigut orniguffigalugillu sulisunut nioqquteqarfinnullu teknikkikkut ikiorsiisarneq
• Suleqatigisanut imaluunniit pilersuisunut teknikkikkut ajornartorsiutinik paasiuminaatsunik suussusersisarneq iluarsiisarnerlu
• Teknikkikkut uppernarsaassutinik atuisartunullu ilitsersuutinik ineriartortitsillunilu taamaaginnartitsisarnerit

Makku piginnaasarissagitit isumaliutigaavut:

• Attuumassutilimmik IT pillugu ilinniagaqarsimaneq
• IT-mik ingerlatsinerup/ikiorsiisarnerup, imaluunniit attuumassutilittut suliassaqarfiup iluini misilittagaqarneq
• Ingerlatsivittut aaqqiissutaasunik nalinginnaasunik ilisimasaqarluarneq
• Aaqqiissutinik aqutsinermik, aammalu serverini attaveqaasersuutinik ingerlatsinermik misilittagaqarneq
• Attaveqarfinnik aaqqiissutillu ilusaannik paasisimasaqarluarneq
• Microsoft Officemik, aammalu sulianik ingerlatsivittut programminik allanik misilittagaqarneq
• Namminersuutigisamik aammalu suleqatigiinni ilaalluni sulisinnaassuseqarneq
• Teknologiinik nutaanik piaartumik ilikkagaqarsinnaaneq, aaqqiissutitsinnullu taakkuninnga atuutsitsilersinnaaneq
• Cloud computingimik, aamma container teknologiinik misilittagaqarneq

Ingerlatat piaartumik suliarineqartarfianni, aammalu aalajangiussinermit atuutsitaqalernermut sivikitsumik aqquteqarfimmi aaqqissuussiffimmi savituumi pisoqaanngitsumilu annertuunik ilinniagaqarnissamut periarfissalimmik atorfimmik tamaviaarfiullunilu pissanganartumik ilinnut neqerooruteqarsinnaavugut. Atorfimmiipput ineriartornissamut periarfissarpassuit, akisussaaffittut suliaqarfigisanut attuumassutilinnut pikkorissartitsisarnernik neqerooruteqartoqartarmat. Atorfiup iluaniippoq vagteqartarnissamut peqataasarnissaq qaammatit pingasut misiliinermi qaangiunnerani.

Aningaasarsiani atorfinitsitaanermilu piumasaqaatit:
Atorfinitsitaaneq Naalakkersuisut (Namminersorlutik Oqartussat) aamma attuumassutilittut sulisartut kattuffiata akornanni isumaqatigiissut naapertorlugu pissaaq.

Qinnuteqartumut uppernarsarsinnaasatut eqqortunik piginnaasaqartumut isumaqatigiissut atuuttoq naapertorlugu specialkonsulent imaluunniit chefkonsulentitut/seniorrådgiveritut atorfinitsitsisoqarsinnaavoq

Atorfimmut sulisumut inissamik innersuussisoqarsinnaanngilaq.
Namminersorlutik Oqartussani atorfeqarneq aqqutigalugu sulisumut inissiamik innersuunneqareersimassaguit sulisumut inissiamut innersuussutaasumut pisinnaatitaaffik pigiinnarsinnaavat.

Atorfinitsitaaneq qaammatini pingasuni misilitsinnertalerlugu pissaaq.

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu Nukissiorfiit pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat Nukissiorfiit pineqaatissinneqarsimannginnermut uppernarsaammik Politiinit aatsaat pissarsereerpat.

Paasissutissat allat:Suliassat akisussaaffigisassarlu pillugit annerusumik paasisaqarusukkaanni IT-pisortaq Alu Gunnar Petrussen gap@nukissiorfiit.gl attavigineqarsinnaavoq oqarasuaammut : +299349500.

Allanut nalinginnaanerusunut tunngatillugu apeqqutissaqaruit sulisoqarnermut immikkoortortaqarfik saaffigisinnaavat uunga: hr-afdelingen@nukissiorfiit.gl
Piumasaqaatit naapertuutsissinnaagukkit, atorfillu soqutigalugu hr@nukissiorfiit.gl CV-t qinnuteqaatillu nassiuteqquneqarput imaluunniit linki atorlugu atorfik iserfigalugu qinnuteqarsinnaavutit: https://nukissiorfiit.gl/kl/Nukissiorfiit-pillugu/Atorfiit-inuttassarsiuussat