Genopslag: Pisiffik A/S HR-imi ineriartortitsinermut siunnersortissarsiorpoq / HR Udviklingskonsulent søges til Pisiffik A/S

Pisiffik A/S

Ikkunneqarpoq: 21-08-2024

Piffissaq atuuffissaa naassaaq: 31-08-2024

Suliffissamut ID normut: 331599983

Suliffiup suussusaa: Tamakkiisoq

Suliassaqarfik: Allaffik & allaffissorneq, Pisiniarfik & sullissineq

Atorfiup taaguutaa:

Misilittakkat - Annertunerusumik:

Oqaatsit:

Danskisut	Atuarneq/ oqalunneq/ allanneq
Kallaallisut	Atuarneq/ oqalunneq/ allanneq

Pisiffik A/S Kalaallit Nunaanni niuertarfeqarfinni annerpaat ilagaat 53-inik pisiniarfeqarluni 800-nillu sulisoqarluni. Pisisartutsinnut nioqqutissanik siammasissunik pitsaalluinnartunillu kiffartuussinerni niuertarfinni orniginarnerpaanissarput anguniagaraarput. Anguniagaraarputtaaq nutaaliornikkut, piujuartitsilluta aammalu innuttaasunut atassuteqarluarluta pisiniarnermi asseqanngitsunik misigititsinissarput.

Soqutiginarluinnartunik suliniuteqarpugut ukiullu kingulliit arfinillit aqutsisunik sulisunillu ineriartortitsinikkut sulisunut toqqissisimanerunissamut tunngavissiiniarluta Pisiffimmi ineriartortitsinermik pilersitseqataalluta.

Atorfik pillugu:

Pisiffimmi HR-imi Ineriartortitsinermi siunnersortitut periusissiatta siuarsarnissaanut suliniutinilu ineriartortitsinermut tunngasuni qitiusumik inissisimasuussaatit. Aqutsisunut sulisunullu ilinniartitsinermut kiisalu aaqqissuussatut suisutullu naammasigimaarinninnerup nalerisimaarinninnerullu pitsaanerpaanissaanut akisussaasuussaatit. Aamma Pisiffiup suliffittut pilerinartutut isiginiarneqarnerata pitsaanerulernissaa sulissutigissavat.

Pingaarnertut akisussaaffigissavatit:

• Sulisutsinnut inuusuttunut mentoreqartitsinerput
• Aqutsisunut ineriartortitseqqinneq, piginnaanillit, ilinniartut allallu sulisut
• HR-imi suliniutit aaqqissuussallu isumassarsiarineraniit piviusunngortinnissaannut suliarissallugit.
• Taakku saniatigut illoqarfinni eqimattat aqutsisut avitseqatigisassavatit intranetittalu Pisiffik Ilinnut ineriartortinnissaa ingerlannissaalu akisussaaffigissallugu.

Atorfinni tassani aamma pikkorissaanermi imarisassat suliarisassallugillu pikkorissaasassaatit, illoqarfinni aqutsisut ataatsimiinneranni peqataasassallutit minnerpaamik ukiumut marloriarlutit, aqutsinermut tunngatillugu apeqquteqartoqartillugu kiisalu HR-imi ingerlariaatsit ineriartortillugillu aallartittarlugillu sulisut pillugit allaffissornikkut aaqqissuussaanerput taperserlugu. Suliassat allat ulluinnarni suliassannut aamma ilaassapput.

Piginnaanerit:

• Ataqatigiissaallaqqissumik, sunniuteqarluarsinnaasumik aamma attaveqaqateqallaqqissuussaatit
• Qarasaasialerillaqqissuussaatit minnerpaamillu atorfimmi assingusumi ukiunik 2-4-nik misilittagaqarsimasuussallutit.
• Thomas International testværktøjer pillugit ilisimasaqaruit aammalu tassunga allagartaqaruit iluaqutaassaaq.
• Marluinnik oqaaseqassaatit Kalaallisut/Danskisut tuluttuullaqqissuullutillu.
• Inussiarnersuussaatit, ammasuullutit suliffeqarfimmilu assigiinngiaarnermut akuersaartuullutillu arlariinnik oqaaseqartuni kultureqartunilu avatangiiseqarneq ammaffigissavat.
• Pingaaruteqarportaaq pitsaasunik isummersinnaanermut pissuserissaarnermullu maligassiuisuunissat.

Inuttut piginnaasatit:

Inuk atorfimmut piukkunnarnerpaaq imminut ilisimasuussaaq, sungiussiasuulluni ulapikkaluarlunilu eqqissisimasumik suleriuseqartuussalluni. Ineriartortitsinissamut pingaartitsisuussaatit, aallartitsisartuullutit, unneqqarissuullutit, ilumoortumik pissuseqassallutit peqqissaarluartuullutillu. Pinngorartitsisinnaaneq namminersorsinnaa, aammali suleqateqarsinnaaneq piginnaanerupput pingaarutillit.

Neqeroorutigaagut:

Pisiffik A/S-imi suliffik uummaarissoq unammillernartuusorlu inuttut sulianullu tunngasunik ineriartorfiulluarsinnaasoq neqeroorutigaarput. Suleqatigiit nukittuut tapersersuisullu ilagilissavatit, akissarsiallu unammillerluarsinnaasut atorfininnermilu atugassarititat pitsaasut neqeroorutigisinnaavagut.

Atorfiniffissaq:
Sulilersinnaavutit 1. august 2024 aallarnerfigalugu imaluunniit immikkut isumaqatigiissuteqarnikkut.

Qinnuteqarfissaq:
Suleqatiginissatsinnut soqutiginnikkuit qinnuteqaatit nittartagarput aqqutigalugu nassiuguk ugguuna: www.pisiffik.gl kingusinnerpaamik 23. juni 2024. Atorfik pillugu paasisaqarnerorusukkuit HR-imi aqutsisoq Naasunnguaq Berthelsen mailikkut attavigisinnaavat nabe@pisiffik.gl

Tusarfiginissat qilanaaraarput, oqaloqateqarnerillu qinnuteqartut tigunerisa kinguninngua ingerlanneqartarumaarput.