Kommune Qeqertalik Qasigiannguani, suliassaqarfik INUA Sullissivimmi fuldmægtigimik pissarsiorpoq, 01. februar 2024 imaluunniit isumaqatigiissuteqarikkut sulilertussamik.

Innuttaasunik sullissinerup pitsanngorsarneqarneranut ilaarusuppit, suliffeqarfiullu ineriartorteqqinneqarnissaanut peqataarusullutit ? Taamaappat atorfik una ilinnut tulluarpoq.

Suliassaqarfik INUA siammasissumik suliassaqarfiuvoq, allaffissornermiit, inuussutissarsiutinut teknikkeqarnermullu tunngasut ilanngullugit.

Sullissivimmi qaninnertut qullersarissavaa Sulissivimmi immikkoortortami aqutsisoq.

Suliassat ilaatigut makkuussapput:

·Innuttaasunik sullissineq

·Inuussutissarsiutinut, aalisarnermut piniarnermullu tunngassunik suliaqarneq

·Teknikkeqarnermut tunngasunik suleqataaneq

·Innuttaasut allattorsimaffiannik suliaqarneq

·Nunaminertalerineq

·MIT ID-lerinermik suliaqarneq

·Suliassaqarfiit akimorlugit suleqataaneq

·Saaffiginnissutinik tamalaanik suliaqarneq

Malugiuk Inoqarfimmi suliassat siammasissuummata, suliassallu allanngorartuummata

Uku piginnaaneqarfigissagitit naatsorsuutigaarput:

·Allaffimmiutut imaluunniit assigusumik ilinniagaqarsimaneq

·Pilersaarusiullaqqissoq

·Aalajaatsoq

·Sullitanit suleqatinillu saaffigiuminartoq

·Ulapaarfimmi imminut aqussinnaasoq

·Inatsisinik atuuttunik eqqummaarissoq

·Pitsaassutsimik qulakkeerinnissinnaassusilik akisussaassuseqallaqqissorlu

Akissaatit atorfininnermilu atugassarititaasut:

Atorfininnermi atugassarititaasut Naalakkersuisut kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.

Atorfinitsitsineq qaammatini pingasuni misiliutaaqqaassaaq.

Atorfimmut atatillugu inissaqartitsisoqanngilaq.

Pineqaatissinneqarsimannginnermut meeqqanillu pinerliisimannginnermut uppernarsaatit:

Atorfik taanna pineqaatissinneqarsimannginnermut inatsimmi nalunaarsimanermi uppernarsaammik tunniussaqarnissamik pisussaatitaaffeqarpoq. Inatsit naapertorlugu Kommune pineqaatissinneqarsimannginnermut aamma meeqqanut pinerliisimannginnermut uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit tiguneqarpat atorfininnissaq inissinneqassammat.
Meeqqanik pinerliisimannginnermut uppernarsaat Kommunimit piniarneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Atorfik pillugu paasissutissat allat Qasigiannguit immikkoortortami aqutsisumut Lola Johansen oqarasuaat 70 19 00 e-mail lola@qeqertalik.gl atorlugu saaffiginninnikkut piniarneqarsinnaapput.

Qinnuteqarnissamut killissarititaasoq 15. januar 2024

Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu. 

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.

Qinnuteqaatissat tigunissaanut qilanaaraarput.