Inoqarfik Qeqertarsuaq Teknikkeqarnermut sanaartukkanullu siunnersortimik pissarsiorpoq

Teknikkimut sanaartukkanullu tunngasumik ilinniagaqarpit imaluunniit misilittagaqarpit, ineriartortitseqataanissarnullu piumassuseqarlutit ?

Taava Teknikkeqarnermi sanaartugassanullu tunngasumik siunnersortitut atorfik una ilinnut tulluarpoq.

Suliassaqarfik Inoqarfik Qeqertarsuaq teknikkeqarnermut sanaartukkanillu siunnersortimik pissarsiorpoq 01. februar 2024 imaluunniit isumaqatigiissuteqarnikkut atorfinittussamik.

Suliffitsinni siumut pilersaarusiorsinnaassuseqarneq akisussaassuseqarnerlu naleqartippagut, taamaattummilu suliffitsinni allanngorartuartunik suliassaqarfiusumi ineriartortitseqataarusuttumik piumassuseqarluartumillu suleqateqarnissarput pingaartipparput.

Inoqarfik Qeqertarsuaq siammasissumik suliassaqarfiuvoq, illillu siunnersortitut illoqarfitsinni teknikkeqarnikkut sanaartukkatigullu suliassat piareersarnissaat ineriartortinnissaallu suleqataaffigissavatit.

Pingaartitaraarput suliffeqarfitta iluani, sumiiffiit akimorlugit aammalu avataani suleqatigut peqatigalugit suleqatigiinnerup pitsaasuunissaanik qulakkeerinninnissaq, innuttaasunut pitsaanerpaamik sullissinissarput qitiutillugu.

Taamaattumik sulisumik namminersorluarsinnaasumik, akisussaassusilimmik, suleqateqarluarsinnaasumillu pissarsiorpugut.

Atorfik pillugu paasissutissat:

Teknikkeqarnermut sanaartukkanullu siunnersorti Inoqarfik Qeqertarsuarmi allaffeqassaaq, qaninnertut pisortarissallugu Inoqarfimmi aqutsisoq.

Kommune Qeqertaliup neqeroorutigaa suliffeqarfik ineriartortoq, suleqatit aalajaattut, suliassat siammasissut, sulinermi inuttullu piginnaasatigut ineriartornissamut periarfissiisut.

Atorfimmut atatillugu pingaaruteqarluinnarpoq inatsisinik maleruagassanillu atuuttunik malinninnissaq qulakkeerinnittarnissarlu.

Ataani piumasaqaatit arlaat eqquutsissinnaagukku – imaluunniit misilittagaqarfiginerulerusukkukku qinnuteqarnissarnik kaammattorpatsigit.

Pingaarnertut suliassat:

• Najoqqutassanik suleriutsinillu ineriartortitsineq atuutsitsinerlu
• Teknikkeqarnermut sanaartugassanullu tunngatillugu siunnersuineq, pilersaarusiorneq ineriartortitsinerlu
• Politikkikkut aaliangiiffigisassanik saqqummiussassanik suliaqarneq
• Avatangiisinut tunngassuteqartunik suleqataaneq
• Suliniutinik (projektinik) ingerlataqarneq
• Ilisimasanik avitseqatiginninneq isumasioqatigiinneq suleqatit pisortarisallu akornanni
• Suliassaqarfiit akimorlugit suleqataaneq
• Avataani suleqatinik sullitanillu naapeqatiginnittarneq 
• Ad hoc

Piginnaasat:

• Ingeniøritut, bygningskonstruktøritut assingusumilluunniit ilinniagaqarsimanissaq, imaluunniit teknikkeqarnermut sanaartukkanullu tunngatillugu sulinermik misilittagaqarnissaq
• Aalajaatsuuneq unneqqarissunerlu
• Siumut pilersaarusiorsinnaaneq akisussaassuseqarnerlu
• Saaffigiuminartoq suleqatikkuminartorlu
• Pisuni ulapaarfiusuni imminut aqussinnaasoq
• Innuttaasunut suleqatinullu attaveqallaqqissoq

Akissarsiat atorfimmullu atungassarititaasut:Akissarsiaqartitsineq atorfininnermullu tunngasut pissapput atorfininnermi isumaqatigiissutit atuuttut naapertorlugit.

Inissaq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.

Erseqqissaatigineqassaaq atorfinitsinneqarnerup uppernarsarneqarnerata kinguninnguatigut ingerlaannartumik initaarnissaq pisinnaanngimmat, aatsaalli inissaq pissarsiarineqarpat nuuttoqarsinnaalluni/ atorfinittoqarsinnaalluni. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Atorfik pillugu paasissutissat sukumiinerusut Illoqarfimmi sullissiviini pisortamut, Benedikte Mølgaard saaffiginninnikkut piniarneqarsinnaapput: benm@qeqertalik.gl imaluunniit oqarasuaat: 70 19 00.

Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu. 

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.

Qinnuteqaatissat tigunissaanut qilanaaraarput.