Sagsbehandler for børn- og familieområdet, Uummannaq

Avannaata Kommunia Uummannami, Ilaqutareeqarnermut Immikkoortoqarfik Meeqqanut ilaqutariinnullu sullissisumik 15. oktober 2023 isumaqatigiissuteqarnikkulluunniit sulilertussamik pissarsiorpoq.

Sullissisup qaninnertut qullersarissavaa immikkoortortami pisortaq.

Suliassat akisussaaffiillu:

·Meeqqat qanoq inuuneqarnersut kommunimi nakkutigalugit, ikiorsiinissarlu pisariaqartillugu nalunaarnissaq, (sumiginnaasoqartillugu imaluunniit innarluutilinnut) imaluunniit naartusoq ikiortariaqartillugu.
Annertunerusumik ilaqutariit ulorianartorsiortut pillugit annertusisamik nalunaartussaatitaaneq, tassani meeraq ikiortariaqartillugu nalunaartarnissat pineqarlutik.

·Saaffiginnissutinik tigooraaneq, meeqqat inuusuttuaqqallu ilaqutariillu pillugit siunnersuinerit ingerlallugit.

·Illup iluani avataanilu suliffeqarfiit akimorlugit suleqatit suleqatingalugit meeqqat pillugit immikkoortortaqarfimmi misissuinerit.

·Sulisunut pisortaq suleqatingalugu meeqqanut inuusuttuaqqanullu ikiorsiisarnermi peqqussutit tunngavingalugit ikiorsiinissamut nalilersuinerq, taassuma ataani tapersersortinik pisariaqartitsisoqarnersoq, angerlarsimaffiup avataanut inissiisoqassanersoq imaluunniit kinguneqartitsisoqassanersoq nalilersorlugu.

·Pilersaarusiorluni, suleqatigiit ataatsimiinnerini meeqqanut iliuusissanik innersuussinerit, sulisunut pisortaq suleqatigalugu suliffeqarfiit akimorlugit ataatsimiittaliamut innersuussinerit. Suleqatigiinnut pisortaq isumaginninnermilu pisortaq suleqatigalugit, isumaginninnermut ataatsimiititaliamut innersuussinerit.

·Kommunimi meeqqanik ilaqutariinnut inissinneqarsimasumik nakkutilliineq, taassuma ataani angajoqqaarsianut akulikitsumik attaveqartarneq, sapinngisamillu angajoqqaanut ilaqutaanullu attaveqartarneri nakkutigalugit.

·Meeqanik ulloq unnuarlu paaqqinnittarfimmi imaluunniit kommunip avataani efterskolertunut inissinneqarsimasunut nakkutilliineq sulisutullu inissisimaneq, taassuma ataani meeqqanut angajoqqaajusut ilaqutaasullu attavigalugit.

·Angerlarsimaffiup avataanut inissiineq unitsinneqarpat suliniutinik aallartitsineq, (kinguneqartitsineq) taamaalilluni meeqqap inuusuttuaqqalluunniit siunissaa aaqqissorneqarniassammat.

·Meeqqanut peqqussutit tunngavingalugit aalajangerneqarsimasut, ikiorsiissutitut aningaasatigut tapersersorneqarnerit isumaginnittoqarfimmi aningaasatigut nakkutilliisoq suleqatingalugu nakkutilliinerit.

·Isumaginnittoqarfimmi aningaasatigut nakkutilliisoq suleqatingalugu angajoqqaaq akiliutaat ingerlanneqarnersut nakkutingalugit aammalu akiliuteqannginnisamut innersuussinerit suliaralugit.

·Meeqqat kinguaassiutitigut kanngutsaalliorfigineqannginnissaannut suliniarnermut suleqataaneq.

·Nunaqarfinni meeqqanut sullissisunut oqaloqatiginnittartutut inissisimaneq.

·Sumiiffimmi isumaginninnermi pingaartartunut suleqataaneq.

·Pisariaqartitsisoqartillugu suliassat “suliarineqapallattussat” tamaasa suliarisassavai, soorlu assersuutigalugu napparsimasoqartillugu, sulinngiffeqartoqartillugu assigisaanilluunniit sulinngittoqaraangat.

Pisinnaasat:

• Suliassamut naapertuuttumik ilinniagaqarsimasoq.
• Meeqqanik ilaqutareeqarnermullu tunngasunik sullisserusuttoq.
• Sulilluartoq, imigassamik aanngajaarniutinillu ajornartorsiuteqanngitsoq.
• Marluinnik oqaaseqartoq, kalaallisut qallunaatullu, kisiannili piumasaqaataanngilaq.

Akissarsiat atorfininnermilu atugassaritaasut:

Akissarsiat atorfininnermilu atugassarititaasut, Naalakkersuisut kiisalu kattuffik isumaqatigiinniarnissamut pisinnaatitaaffeqartup akornanni akissarsiat pillugit isumaqatigiissutaat naapertorlugit ingerlanneqarput.

Atorfimmut atatillugu inissaqartitsisoqanngilaq.

Atorfinititsineq ingerlanneqassaaq pineqaatissinneqarsimanermut uppernarsaatit naammaginartumik eqquutsinneqarsimanerat aallaavigalugu, taanna sulisitsisumit Rigspoliteeqarfimmut qinnuteqartup atsioreerneragut pissarsiarineqassaaq.

Attavissaq:

Atorfik pillugu ersarinnerusumik paasissutissat aaneqarsinnaapput Ilaqutareeqarnermut Immikkoortoqarfimmi aqutsisuungallartumut Edvrad Kristiansen-imut  oqarasuaat +299 38 78 31 imaluunniit mail: edkr@avannaata.gl   saaffiginninnikkut

Qinnuteqaat soraarummeernermut uppernarsaatit qinnuteqarnermut attuumassuteqartut assilineri ilanngullugit, CV kiisalu oqaaseqaatit sumilu sulisimanermut uppernarsaatit, meeqqanut pinerlussimannginnermut kiisalu pinerluuteqarsimannginnermut uppernarsaatit kingusinnerpaamik nassiunneqassapput ulloq 10. oktober 2023 Avannaata Kommuniata nittartangaani allagarsiussami ”Atorfik una qinnuteqarfigiuk” toorneratigut.