sullissivik.gl
Ussassaarut taanna oqaatsini makkunani nassaassaavoq
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Genopslag: Teamleder - Børn - unge og familieområdet

Avannaata Kommunia

Upernavik
Ikkunneqarpoq: 10-06-2022
Piffissaq atuuffissaa naassaaq: 15-07-2022
Suliffissamut ID normut: LJA-83708046
Suliffiup suussusaa: Tamakkiisoq
Suliassaqarfik: Meeqqat & inuusuttut, Aqutsineq, Allaffik & allaffissorneq, Isumaginnittoqarfik

Avannaata Kommuniani Upernavimmi inuttassarsiuuppaa meeqqanut inuusuttuaqqanut ilaqutariinnermut isumaginninnermut tunngasuni sullissisunut aqutsisutut atorfinittussamik 1. august 2022 isumaqatigiissuteqarnikkulluunniit sulilertussamik.

Inunnik isumaginnittoqarfimmi meeqqanut inuusuttuaqqanut ilaqutaariinnullu sullissisut allat suleqatigissavatit. Inunnik Isumaginnittoqarfimmi Aqutsisut Upernavimmi qaninnertut qullersarineqassapput.

Akisussaaffiit:

  • Isumaginninnermut immikkoortortami meeqqanut suliassaqarfiup iluani suliat ingerlasut aamma nutaat paasisallu nutartikkat pillugit ataavartumik immikkoortortami aqutsisumut ilisimatitsissutigisarnissai, tassunga ilanngullugit pingaartumik isumaginninnikkut nalunaarusiat, iliuusissatut pilersaarutit assigisaallu kiisalu inissiinissamik suliat ingerlasut tamaasa killiffiinik kisitsisitigullu nalunaarsuinermik sulianut tunngasut.
  • Meeqqanut inuusuttunut ilaqutariinnullu tunngasuni sullissisut sulineranni aqutsineq, siunnersuisarnissaq ilitsersuisarnerlu akisussaaffigineqassapput.
  • Upernavimmi nunaqarfiinilu sullissinermi Kalaallit Nunaanni isumaginninnikkut inatsiseqartitsineq tunngavingalugu. Suliat ilungersunartut suliarineqarnerini suleqataasassaatit kiisalu isumaginninnermut ingerlatsivimmut nalunaarutiginninnerit takkuttut tamaasa suliarineqarnissaat iliuuseqarfiginissaallu qulakkeertarlugit.
  • Immikkoortortani assigiinngitsuni sulisut ataatsimeeqatigiittarnissaat kiisalu ”ilaqutariinnut meerartaartussanut siusinaartumik iliuuseqarnerit” isumagalugit.
  • Isumaginninnermi ataatsimiitsitaliamut innersuussutit isumagalugit. Ataavartumik paasissutissiisarneq.
  • Aningaasartuutit ataavartut nakkutigalugit kiisalu meeqqaanut inuusuttunullu suliassaqarfimmut missingersuusiornerni suleqataasarlutit. Aammattaaq najukkami isumaginninnermi pingaartuusutut suleqataasassaatit.

Atorfik makkunuuna piginnaanilimmik inuttalerneqarusuppoq:

  • Isumagininnermi siunnersortitut ilinniagalik – ajornanngippat aqutsisutut saniatigut aamma ilinniarsimasoq aqutsinermillu misilittagalik, imaluunniit aqutsisutut ilinniarnissamut piumassusilik. Taamaattorli allat siunnersortitut ilinniarsimasut imaluunniit perorsaasutut ilinniarsimasut – isumaginninnerup iluani suliatigut pikkorissarsimasut, pingaartumik meeqqanut inuusuttunullu tunngasuni aammalu isumaginninnikkut inatsisilerinermik pikkorissarsimasut taamatulluunniit pikkorissarusuttut aamma atorfimmut piukkussanut ilaasinnaapput.
  • Meeqqanut Inuusuttunullu pilersaarummik siunertaanillu ilisimasalik.
  • Meeqqanut tunngasutigut allaffissornikkut inatsisilerinermik misilittagalik.
  • Meeqqanut inuusuttunullu tunngasunik tunngaviusumik sullissinermi aqutsinikkut suliaqarnermik sullissisut illullu avataani suleqatigisanik ittorisanillu suleqateqartarnermik misilittagalik.
  • Tarnikkut nakuusoq, ataqatigiissaartumik suleriaasilik suliatigullu nalilersuisinnaasoq.
  • Aqutsisutut sulinermik misilittagaqarluartoq.
  • Aaqqiangiinngissutinut isornartorsiuinernullu atatillugu aaqqiiniartarnerni misilittagalik.
  • Tatiginartoq, malussarissoq ileqqorissaarnissamullu maligassiuisoq.
  • Attaveqallaqqissoq sunniuteqarsinnaasorlu.
  • Akisussaassusilik, akuersaartoq suliassanillu aallussilluartoq, suliassaqarfiup iluani peqqus-sutinik nutaanik sullissinermilu periusissanik nutaanik atuutilersitsinissamut piginnaanilik.
  • Allannguinissamut piareersimasoq, malinnaalluartoq eqinnaattorlu.
  • Suliassat attuumassuteqarsinnaasut allat.

Siunissaq qaninnerusoq eqqarsaatigalugu atorfiup pilersinneqarneranut siunertaavoq pitsaanerusumik meeqqanut inuusuttuaqqanullu sullissinerup naammassiniarnissaa, tamatumani ilaalluni misissuinerit aammalu sullissinermi ikiorsiiniutaasinnaasut meeqqat tapersersorneqar-nissaannut inatsit malillugu.

Siunissaq ungasinnerusoq eqqarsaatigalugu meeqqat toqqissisimanissaat pisinnaatitaaffiilu aamma angajoqqaat pisussaaffii akisussaaffiilu inuiaqatigiinni ilisimasaqarnerulernissamik tunniussassa-qarsinnaaneq.

Akissarsiaqartitsineq atorfinititsinerlu:

Akissarsiaqartitsineq atorfinitsitinerlu pissapput kattuffimmut isumaqatigiinninniarsinaatitaasumut isumaqatigiissutit sukkulluunniit atuuttut naapertorlugit.

Atorfimmut atatillugu inissaqartitsisoqarsinnaavoq, taannalu akilerneqartassaaq qularnaveeqqusiinermut akiliutissamut il. il. malittarisassat atuuttut naapertorlugit.

Pinerluuteqarsimannginnermut uppernarsaat: 

Pisortatigoortumik pinerlussimannginnermut uppernarsaat (Straffeattest) meeqqanillu pinerliisimannginnermut uppersarsaat (Børneattest) naammaginartut tunngavigalugit atorfinitsitaaneq pissaaq, taakkulu qinnuteqartup akuersineratigut Rigspolitiinut sulisitsisumiit aaneqassapput.

Atorfimmut paasissutissat annertunerusut piniarneqarsinnaapput Innuttaasunut Sullissivimmi aqutsisumut Esther Lennert saaffiginninnermi, mail: esle@avannaata.gl imaluunniit tlf.nr.: 38 79 02.

Qinnuteqaat soraarummeersimanermullu allagartat attuumassuteqartut assilineri, CV kiisalu oqaaseqaatit inassuteqaatillu kingusinnerpaamik nassiunneqassapput 15. juli 2022 uunga immersuinikkut: Avannaata Kommuniata nittartagaanni una toorlugu: “Atorfik una qinnuteqarfigiuk"

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffeqarfimmit ataatsimit suliffissat allat
Ilulissat
Ilulissat
Ilulissat
Ilulissat