Sullissivik Tasiusaq isumaginninnermi sullissisussamik pissarsiorpoq 1. Oktober 2023 imaluunniit isumaqatigiissuteqarnikkut sulilertussamik. Qaninnertut qullersarissavaa Upernavimmi Innutaasunik Sullissivimmik Aqutsisoq. Suliassalli tungaasigut Inunnik Isumaginninnerup immikkortortaani aqutsisoq.

Isumaginninnermi sullissisup pingaarnertut suliassai tassaassapput:

• Suleqatigisartakkanik illup iluaneersunik avataanersunillu suliassaqarfiit assigiinngitsut pillugit suleqateqarneq 
• Pisortatigut ikiorsiissutit
• Sullitanik oqaloqateqarneq
• Inatsisit susassaqarfimmut atuuttut tunngavigalugit sullissinerit
• Meeqqanut/inuusuttunut, kiisalu ilaqutariinnik sullissinermut atatillugu siunnersuillunilu ilitsersuinerit
• Utoqqarnik sullissinermi, siusinaartumik pension-isialinnik innarluutilinnillu sullissineq
• A-bidrag, meeqqat tapii, erninermusiat, boligsikring-inut tunngasut
• Piffimmi pinaveersaartitsineq ataatsimiititaliamut allattaaneq
• Allaffissornikkut suliassarititaasut allat

Atorfinittussamut kissaatigineqarpoq:

Qinnuteqartoq allaffissornermik misilittagalik, isumaginninnerulluunniit iluani  ilinniarsimasoq piumaneqarpoq assersuutigalugu isumaginninnermi ikiortitut il.il.

Atorfimmik inuttaliiniarnermi nammineersinnaassuseq, ammasuuneq, allanngor-titsinissamut aamma nutaaliorsinnaanermik piginnaaneqarneq pingaartinneqarput.

Akissaatit atorfinitsitaanerlu:

Atorfinitsitsineq akissaateqarnerlu pissapput qinnuteqartumut isumaqatigiissut atuuttut tunngavigalugu.

Atorfimmut atatillugu inissaqartitsisoqanngilaq.

Atorfik pillugu paasissutissat erseqqinnerusut Sullissivimmi aqutsisumut Ane Marie Jørgensen-imut imaluunniit Nuka Johnsen-imut oqarasuaat 38 79 02 saaffiginninnikkut pissarsiarineqarsinnaapput.

Qinnuteqarneq:

Qinnuteqarneq pissaaq "Atorfik una qinnuteqarfigiuk" toorneratigut.