sullissivik.gl
Ussassaarut taanna oqaatsini makkunani nassaassaavoq
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Genopslag: Teamleder for børn - unge og familieområdet

Avannaata Kommunia

Uummannaq
Ikkunneqarpoq: 14-09-2022
Piffissaq atuuffissaa naassaaq: 05-10-2022
Suliffissamut ID normut: LJA-84030662
Suliffiup suussusaa: Tamakkiisoq
Suliassaqarfik: Aqutsineq, Allaffik & allaffissorneq, Isumaginnittoqarfik

Uummannami Isumaginninnermut immikkoortortaq Meeqqanut Inuusuttunut Ilaqutariinnullu tunngasuni sullissisunut aqutsisussarsiorpoq

Uummannami Isumaginninnermut ingerlatsivimmi sullissisunut aqutsisutut atorfik 01. november 2022 inuttassarsiuuteqqinneqarpoq isumaqatigiissuteqarnikkulluunniit sulilertussamik.

Uummannami Isumaginninnermut ingerlatsivimmi immikkoortortami aqutsisoq qaninnerpaatut pisortarissavat qaninnerpaatullu suleqatigisallugit Meeqqanut- Inuusuttunut Ilaqutariinnullu tunngasuni sullissisut.

Illit akisussaaffigissavatit Isumaginninnermut immikkoortortami meeqqanut suliassaqarfiup iluani suliat ingerlasut aamma nutaat paasisallu nutartikkat pillugit ataavartumik immikkoortortami aqutsisumut ilisimatitsissutigisarnissai, tassunga ilanngullugit pingaartumik isumaginninnikkut nalunaarusiat, iliuusissatut pilersaarutit assigisaallu kiisalu inissiinissamik suliat ingerlasut tamaasa killiffiinik kisitsisitigullu nalunaarsuinermik sulianut tunngasut.

Meeqqanut- Inuusuttunut ilaqutariinnullu tunngasuni sullissisut sulineranni aqutsineq, siunnersuisarneq ilitsersuisarnerlu akisussaaffigissavatit nakkutigalugillu, Uummannami nunaqarfiinilu sullissinerni kalaallit nunaanni isumaginninnikkut inatsiseqartitsineq tunngavigalugu. Suliat ilungersunartut suliarineqarnerini suleqataasassaatit kiisalu isumaginninnermut ingerlatsivimmut nalunaarutiginninnerit takkuttut tamaasa suliarineqarnissaat iliuuseqarfiginissaallu qulakkeertarlugit. Immikkoortortani assigiinngitsuni sulisut ataatsimeeqatigiittarnissaat kiisalu ”ilaqutariinnut meerartaartussanut siusinaartumik iliuuseqarnerit” isumagalugit. Isumaginninnermi ataatsimiititaliamut innersuussutit isumagalugit. Ataavartumik paasissutissiisarneq. Aningaasartuutit ataavartut nakkutigalugit kiisalu meeqqanut inuusuttunullu suliassaqarfimmut missingersuusiornerni suleqataasarlutit. Aammattaaq najukkami isumaginninnermi pingaartuusartunut suleqataasassaatit.

Atorfik makkunuuna piginnaanilimmik inuttalerneqarusuppoq:

  • Isumagininnermi siunnersortitut ilinniagalik – ajornanngippat aqutsisutut saniatigut aamma ilinniarsimasoq aqutsinermillu misilittagalik, imaluunniit aqutsisutut ilinniarnissamut piumassusilik. Taamaattorli allat siunnersortitut ilinniarsimasut imaluunniit perorsaasutut ilinniarsimasut – isumaginninnerup iluani suliatigut pikkorissarsimasut, pingaartumik meeqqanut inuusuttunullu tunngasuni aammalu isumaginninnikkut inatsisilerinermik pikkorissarsimasut taamatulluunniit pikkorissarusuttut aamma atorfimmut piukkussanut ilaasinnaapput.
  • Meeqqanut Inuusuttunullu pilersaarummik siunertaanillu ilisimasalik.
  • Meeqqanut tunngasutigut allaffissornikkut inatsisilerinermik misilittagalik.
  • Meeqqanut inuusuttunullu tunngasunik tunngaviusumik sullissinermi aqutsinikkut suliaqarnermik sullissisut illullu avataani suleqatigisanik ittorisanillu suleqateqartarnermik misilittagalik.
  • Tarnikkut nakuusoq, ataqatigiissaartumik suleriaasilik suliatigullu nalilersuisinnaasoq.
  • Aqutsisutut sulinermik misilittagaqarluartoq.
  • Aaqqiangiinngissutinut isornartorsiuinernullu atatillugu aaqqiiniartarnerni misilittagalik.
  • Tatiginartoq, malussarissoq ileqqorissaarnissamullu maligassiuisoq.
  • Attaveqallaqqissoq sunniuteqarsinnaasorlu.
  • Akisussaassusilik, akuersaartoq suliassanillu aallussilluartoq, suliassaqarfiup iluani peqqussutinik nutaanik sullissinermilu periusissanik nutaanik atuutilersitsinissamut piginnaanilik.
  • Allannguinissamut piareersimasoq, malinnaalluartoq eqinnaattorlu.
  • Suliassat attuumassuteqarsinnaasut allat.

Taakku saniatigut atorfik pillugu akisussaaffiit allaaserinninnerillu innersuussutigineqarput taakku Ilulissani qitiusumik allaffeqarfimmi pisortamut saaffiginnilluni pissarsiarineqarsinnaapput.

Akissaatit atorfeqartitaanermilu atugassarititaasut:

Atorfininnermi atugassarititaasut Naalakkersuisut peqatigiiffiullu isumaqatigiinniarsinnaa-titaasup akornanni isumaqatigiissut atuuttoq naapertorlugu atorfinitsitaaneq pissaaq.

Atorfimmut atasumik inissaqartitsisoqarpoq.

Atorfik pillugu paasissutissat allat Uummannami Isumaginninnermut immikkoortortami  Aqutsisoq Helga Nielsen-imut  oqarasuaat +299 38 78 49 imaluunniit e-mail heln@avannaata.gl  atorlugu saaffiginninnikkut piniarneqarsinnaapput.

Qinnuteqaat soraarummeersimanermullu allagartat attuumassuteqartut assilineri, CV kiisalu oqaaseqaatit inassuteqaatillu, aamma pinerlussisimannginnermut uppernarsaat ilanngullugu Avannaata Kommuniata nittartangaani allagarsiussami ”Atorfik una qinnuteqarfigiuk” toorneratigutapuutereersimassapput kingusinnerpaamik 05. oktober 2022.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia