sullissivik.gl
Ussassaarut taanna oqaatsini makkunani nassaassaavoq
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Chefjurist

Kommune Kujalleq

Qaqortoq
Ikkunneqarpoq: 26-03-2021
Piffissaq atuuffissaa naassaaq: 23-04-2021
Suliffissamut ID normut: LJA-81877735
Suliffiup suussusaa: Tamakkiisoq
Suliassaqarfik: Aqutsineq, Allaffik & allaffissorneq

Kommune Kujallermi inatsisilerituujuneq/chefjurist

 

Inatsisitigut ajornartorsiutit paasiuminaassinnaasut ilungersuutigisinnaavigit, aaqqissuussaanermilu immikkoortortaqarfiit akornanni siunersiueqatigisakkatut tutsuiginartutut inissisimallutit? Atorfik inuttaqanngitsoq ulloq juunip ulluisa aallaqqaataat 2021 isumaqatigiissuteqarnikkulluunniit inuttalerniarneqarpoq.

 

Susassaqarfiit assigiinngitsut ilisimasaqarfigalugit tamakkiisumik nalilersuisinnaavit ataatsikkullu sukumiinerusumik misissuisinnaallutit?

 

Ingerlatsinermut inatsiseqarneq aamma aqutsinermut inatsit soqutigaagit, kommunillu pisortaaneqarfianik kommunimilu aqutsisut allat inatsisitigut siunnersortarusuppigit siunnersiueqatigalugillu?

 

Kommune Kujalliup inatsisilerituujunermik atorfik inuttassarsiorpaa. Matumani pineqartoq tassaavoq pisortaaneq akisussaasoralugu kommunimi qitiusumik atorfik, taamaalillutit pisortat inatsisitigut malitassaannut tunngasuni qitiusumik inissisimassaatit, saniatigullu aaqqissuussaanermi tamatigoortumik siunnersuisinnaassallutit. Atorfimmut atatillugu pisortani ingerlatsineq ilisimasaqarfigigukku misilittagaqarfigalugulu iluaqutaassaaq.

 

Aaqqissuussaanerup tamarmiusup nutarsarnissaa piviusunngortitsiviunissaalu qitiutillugit immikkoortortaqarfimmi ulluinnarni ulapaarfiusumi suleqataalissaatit.

 

Suliassat

  • Aqutsinermut inatsisip aamma ingerlatsinermut inatsisip kommunimit malinneqarnissaa akisussaaffigissallugu, taassuma ilagalugu kommunalbestyrelsip qullersaqarfiullu siunnersornissaat.
  • Kommunip aningaasaqarnikkut isumaqatigiissutinullu tunngatillugu soqutigisaasa nakkutiginissaat.
  • Allagaatinik takunnissinnaatitaaneq toqqammavigalugu suliassat isumaginissaat.
  • Inatsisilerinermi oqaaseqaatinik suliarinnittarnerit.
  • Sullissinermut ingerlatsinermullu inatsimmut tunngatillugu kommunimi aqutsisut sinnerisa siunnersornissaat.
  • Inatsisinut tunngasunik nassuiaassinerit.
  • Inatsisilerinikkut pitsaassutsimik qulakkeerinninnerit.
  • Ajornanngippat tunngaviusumik qaffasissuseq aallaavigalugu ingerlatsinermut inatsit, sullissinermi inatsit aamma inatsisit kommunimut tunngasut pillugit atuartitsisinnaaneq.

 

Tamatuma saniatigut naatsorsuutigineqassaaq suliassat allat inatsisinik tunngassuteqartut suliarineqassasut, assersuutigalugu isumatigiissutinik suliaqarneq aamma apeqqutit kommune pillugu inatsisinut tunngassuteqartut aamma ingerlatsinermut inatsimmut tunngasut.

Naatsorsuutigaarput:

  • Inatsisilerituutut ilinniagaqartutit, pisortaqarfiillu inatsisaannik assigiinngitsunik soqutigisaqartutit, aammalu ukiuni arlalinni pisortaqarfimmi
  • Inatsisitigut sullissinermik misilittagaqartuunerit aallaavigalugu qinnuteqartuni piukkunnaateqarnerpaajusutit.
  • Aaqqissuussaanermi attuumassuteqartut assigiinngitsut arlaqaaluttut suleqatiginissaannik piginnaasaqartutit.
  • Sullissilluarniartuusutit, sungiussiasuusutit aaqqiissuteqarniartuusutillu.
  • Ulapaarfinni ataatsimut isiginnittaassuseqarsinnaasutit.
  • Suleqatinnut tatiginassuseqarlutit suleqataasinnaasutit.
  • Kalaallit Nunaat pillugu aamma Kalaallit Nunaanni pissutsinik ilisimasaqartutit imaluunniit inuiaqatigiinnik kalaallinik soqutiginnittuusutit

Kommune Kujalleq Kalaallit Nunaanni kommunit kujallersaraat 6.439-inik inoqartoq (2020) katillunilu 53.000 km2-inik angissuseqartoq. Taamaammat Kalaallit Nunaanni kommunit minnersaraat.

 

Kommunimiipput qanga Nanortallip Kommunerisimasaa, Qaqortup Kommunerisimasaa kiisalu Narsap Kommunerisimasaa, 2009-mi januaarip aallaqqaataani kattullutik Kommune Kujallinngortut.

 

Illoqarfiit pingasut (Nanortalik, Qaqortoq aamma Narsaq) saniatiguttaaq aqqanilinnik nunaqarfeqarpoq 37-nillu nunaleriveqarluni (savaateqarfiit, tuttuuteqarfiit nersussuaateqarfiillu).

 

Kommune pillugu paasissutissat sukumiinerusut nittartakkatsinni pineqarsinnaapput https://www.kujalleq.gl/Emner/Om%20kommunen?sc_lang=kl-GL

 

Kommune Kujallermi inuiaqatigiit ullumikkut nutaalianngorsimapput, niuertarfeqarnikkut takornariartitsinikkullu sorpassuarnik umigassaqalersimalluni, soorlu akunnittarfiit / unnuisarfiit, umiatsianik qulimiguulinnillu takusassarsiortitsinerit, inuussutissarsiornikkut eqeersimaarfiusoq, nunaleriffiusoq, takornariartitsiviusoq kiisalu illoqarfinni tamani nunaqarfinnilu qassiini tunisassiorfeqarluni annertusiartuinnartumik aalisarfiusoq.

 

Suliffeqarfissuarmi suliassanik annertuumik namminersorfiusunik, pissangartunik tamatigoortunillu suliaqarusuppit, taava Kommune Kujallermi inatsisilerituujunertut atorfik qinnuteqarfigiuk.

 

Atorfik sapaatip akunneranut nalunaaquttap akunnerini 40 tiimit suliffiuvoq Nalinginnaasumik suliffiup avataatigut sulisarnissaq naatsorsuutigineqassaaq. Siunnersortit pisortaattut atorfinitsinneqarneq assigalugu isumaqatigiissutit atuuttut naapertorlugit atorfinitsitsisoqassaaq.

 

Atorfinitsinneqarnermut atatillugu pineqaatissinneqarsimannginnermik uppernarsaat piniarneqassaaq.

 

Akissarsiat atorfinitsitaanermilu atugassarititaasut:

 

Akissarsiat atorfeqarnermilu atugassarititaasut, atorfeqarnermi soraarnermilu angalanissamut pisattallu nassiunneqarnerannut sulisitsisumit akilerneqarsinnaatitaanermut malittarisassat uani ilaapput, taakkua Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit pissapput.

 

Inissiaq:
Inissannik tunineqarsinnaavutit, malittarisassat atuuttut naapertorlugit ineqarnermut akiliut allallu akilerneqassallutik, soorluttaaq angalanermut nutsernermullu aningaasartuutit malittarisassat atuuttut naapertorlugit kommunimit isumagineqassallutik. Sivisuumik utaqqisoqarsinnaavoq

 

Atorfik pillugu paasissutissat sukumiinerusut uunga saaffiginninnikkut pissarsiarineqarsinnaapput: Allattoqariup pisortaa Max Heilmann Larsen, e-maili-kkut mahl@kujalleq.gl

 

Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri PDF-ilinngorlugit il.il. kommunimut tunniunneqariissapput kingusinnerpaamik apriilip ulluisa 23-iat 2021 nittartagarput aqqutigalugu imaluunniit uunga:

 

Kommune Kujalleq
Sulisoqarnermut Immikkoortortaqarfik
Postboks 517
3920 Qaqortoq
job@kujalleq.gl

 

 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia