sullissivik.gl
Ussassaarut taanna oqaatsini makkunani nassaassaavoq
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Kommune Qeqertalik - INUA søger en HR -Konsulent

Kommune Qeqertalik

Aasiaat
Ikkunneqarpoq: 18-09-2023
Piffissaq atuuffissaa naassaaq: 09-10-2023
Suliffissamut ID normut: LJA-85076968
Suliffiup suussusaa: Tamakkiisoq
Suliassaqarfik: Allaffik & allaffissorneq

Kommune Qeqertalik INUA HR-konsulentissarsiorpoq sulinermi avatangiisinit pillugit ukkataqartussamik pissarsiorpoq 1. november 2023 imaluunniit isumaqatigiissuteqarnikkut atorfinittussamik.

Sulisoqarneq pillugu allaffissornermi suliassanik assigiinngitsunik suliaqarsinnaavit kiisalu suliffeqarfimmi annertuumi sulinermi avatangiisit pitsaasuunissaat qulakkeernissaa akisussaaffigalugu? Suliffeqarfimmi siammasissumik attaveqarfiusumi sulineq kajumigaajuk?

Taava Kommune Qeqertalimmi immikkoortortami HR & Servicemi pissanganartumik ilinnut atorfiniffissaqartitsivugut.

Kommuneq Qeqertalik HR-konsulentissarsiorpoq piginnaasaqarluartumik pimoorussisumillu sulinermi avatangiisinit pillugit ukkataqartussamik, kommunip avatangiisit pillugit ineriartortitsinermi siuttuusussamik ilutigalugulu isumannanngitsumik suliniummik aqutsisinnaasumik aamma sulisoqarnermut tunngasunik allaffissornikkut suliaqarsinnaasumik.


Suliassaq amerlasuut ilavigaat:

-      Sulisoqarneq pillugu periusissatut suliniutit

-      Sulisoqarneq pillugu allaffissornikkut sullissineq (sulisussarsiorneq, atorfinitsitsineq aamma soraarsitsinerillu)

-      Ilinniartut

-      HR-imi ineriartortitsineq

-      Sulinermi avatangiisinut tunngatillugu aqutsisunik kissartuussinerit

-      Kommunip pingaarnertut isumannaallisaanermut suleqatigiinnermullu ataatsimiititaliaanut allattaaneq

-      Ineriartortitsineq aamma suleriutsinik ingerlataralugit, sammisaralugit sulinermi avatangiisit, ilanngullugit APV aamma MTU

-      Suliassat takkussuuttut (Ad hoc)

Naatsorsuutigaarput:

-      Sulisoqarnermut tunngasunik ilinniarluarsimasuusutit, aamma/imaluunniit misilittagaqartutit

-      Suliffeqarfik politikikkut aqunneqartumi sulinermik misilittagaqartutit

-      Suliffeqarfimmi pisariusumi inuit suleqatigiinneri soqutigisaqarfigalugillu paasisaqarfigissagitit

-      Takorluuisinnaasutit angusaqarniartuusutillu

-      Ajunngitsumik inunnut isiginnittuusutit, ilinnullu tatiginnilersitsisinnaassuseqartutit

-      Suliffimmi avatangiisinik pitsaasumik tunniussaqarsinnaasutit

Uagut neqeroorutigaagut:

-      Atorfik namminersorfiusoq suliatigut inuttullu ineriartornissamut periarfissaqarluartoq

-      Suliassaqarfiup ineriartortinneqarnissaanut kommunimi qitiusumik inissisimaffik aallaavigalugu sunniuteqarnerpaanissaq

-      Immikkoortortaq iluamik ingerlasoq, ataatsimuussuserlu pingaartinneqartoq

-      Tatigeqatigiiffiusumik pitsaasunik atugaqarluni suleqatigiinneq

-      Soqutiginartuni pikkorissaqataaneq ineriartornissamullu periarfissat pitsaasut

Kikkuuvugut?

Sulinermi avatangiisit sammisaralugit HR-konsulentitut sulisoqarneq pillugu immikkoortortami assigiinngitsunik piginnaasalinnik tallimanik sulisulimmi ilaalissaatit, taakkulu tamarmik Sulisoqarnermi pisortaq pisortarissavaat.

HR & Service kiffartuussiviuvoq, INUANI inissisimalluni. HR & Service saniatigut, INUAniipput aamma aningaasaqarnermut immikkoortortaq, qarasaasialerisut, allattoqarfik, ataqatigiissaarisut aamma qullersaqarfik.

HR & Servicep anguniagarivaa kommunimi aqutsisut sulinissaannut pitsaanerpaamik tunngavilerneqarnissaat. Taamaattumik pingaartipparput imminut oqaloqatigiinneq aamma suleqatigiinneq suliat pitsaanerpaamik naammassineqarniassammata.


Akissarsiat atorfinitsitaanermilu atugassarititaasut:

Atorfininnermi atugassarititaasut Naalakkersuisut kattuffiullu isumaqatiginninniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.

Inissaq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.

Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu A-skat sulitilluni ajunngitsorsianut akileraartoqartassaaq inatsit atuuttoq


Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Atorfik pillugu paasissutissat sukumiinerusut Sulisoqarneq pillugu pisortamut Kulunnguaq R. Jeremiassenimut oqarasuaat 38 70 15-imut imaluunniit email: kuol@qeqertalik.gl-imut pissarsiarineqarsinnaapput


Qinnuteqarneq

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu. 

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.

Qinnuteqaatissat tigunissaanut qilanaaraarput.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia