Kommune Qeqertalik Attu Sullissivimmi Overassistentimik 01. Oktober 2024 imaluunniit isumaqatigiissuteqarnikkut sulilersussamik sulisussarsiorpoq. Kommune Qeqertalik Attu allaffimmiumik saaffiginnittunik sullissisinnaasumik pissarsiorpoq, taamaattumik soqutiginnikkuit una allagarsiussaq atuarlugu ingerlaannariannguarit.

Inunnik isumaginnittoqarfimmi aqutsisoq pisortarissavat – Sulisoqarnermut allaffissornikkut sulianik ingerlatseqataassaatit aammalu kommunip immikkoortortaqarfii allat sullisissallugit aamma attaveqarfigisarnissaat akisussaaffigissavat. Soqutiginartunik atorfimmi suliassanik akisussaaffinnillu pissanganartunik suliassaqarputit.

Suliassaqarfiit akisussaaffiillu ilaatigut makkuninnga suliassaqarfiusartoq:

·Inunnik isumaginninnikkut saaffiginnissutit aallaavigalugit sullissineq

·Meeqqat tapersorneqaneqarnissaanut inatsit aallaavigalugu suliat

·Innarluutillit tapersersorneqarnissaannut inatsit aallaavigalugu suliat

·Utoqqaat sullinneqarneranni ikiorteqarnerannut tapersersorteqarnerannullu sullissineq

·Ikiorsiissutit pillugit saaffiginnissutinik sullissineq

·Ulluunerani paaqqinniffiit qanimut suleqatigineri

·Ullut 14-ikkaarlugit akissarsialinnik nalunaarutiginninneq kiisalu qaammammut tiimimut allattuiviit isumagineri.

·Suliassat takkussuuttut assigiinngitsut isumagalugit.

Naatsorsuutigaarput:Allaffissornikkut ingerlatsisarnerup iluani ilinniagaqartutit imaluunniit naleqquttumik suliffeqarfinni allaffissorluni ingerlatsinermik misilittagaqartutit, qallunaatut kalaallisullu allassinnaallutit oqalussinnaallutillu.

Inuttut illit: 

Aaqqissuussaasumik sulisarputit, torersaartuullutit sullissillaqqissuullutillu. Tusarnaartarputit isummatillu pitsaasumik siunertalimmik annittarlugit attaveqatigiinneq ajunngitsoq attanneqarluni.

Akissarsiat atorfininnermilu atugassarititaasut:

Naalakkersuisut Kattuffiullu isumaqatigiinniarsinnaatitaasup akornanni isumaqatigiissutit atuutsinneqartut naapertorlugit atorfinitsitsisoqassaaq.

Atorfimmut atatillugu inissaqartitsisoqanngilaq

Atorfimmut paasissutissat sukumiinerusut isumaginnittoqarfimmi aqutsisumut Sofie-Petrine Brandt-imut oqarasuaat 70 19 00 e-mail: sopb@qeqertalik.gl saaffigalugu pineqarsinnaapput.

Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut – pikkorissarsimanermut uppernarsaatit, kiisalu oqaaseqaatit assigisaallu,

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.