sullissivik.gl
Ussassaarut taanna oqaatsini makkunani nassaassaavoq
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Økonom til Økonomiafdelingen i Sisimiut

Qeqqata Kommunika

Sisimiut
Ikkunneqarpoq: 16-06-2021
Piffissaq atuuffissaa naassaaq: 07-07-2021
Suliffissamut ID normut: LJA-82261150
Suliffiup suussusaa: Tamakkiisoq
Suliassaqarfik: Allaffik & allaffissorneq

Atorfik Sisimiuni inissisimavoq. Ukioq kaajallallugu Sisimiuni sunngiffimmi sammisaqarnikkut annertuumik periarfissaqarpoq, ukiuunerani arsarnerit, qimussinik qamuteralannillu angalaarnerit, ujakkaarneq sisoraatinillu sangusaarnerit misigineqarsinnaallutik, aasaaneranilu qaqqasiornerit, pisuttuarnerit, ATV-nik angalaarnerit, umiatsiamik angalaarnerit aalisarnerillu kiisalu illup iluani timigissarnerit misigineqarsinnaallutik. Sisimiut Kangerlussuullu akornanni ATV-inut aqqusinissaq aallartinneqareerpoq.

 

Ukiuni makkunani Aningaasaqarnermut immikkoortortaq ineriartupiloorpoq, immikkoortortanilu nutaanik ineriartortitsinissamut pissanganartunik suliassarpassuartalinnut nukinnik annertuunik atuiffiulluni.

 

Ukioq ataatsip matuma siorna kommunimi ERP systemi nutaaq, kingornalu BI systemi (PowerBi) nutaaq aammalu HR-imi systemi nutaaq atuutilersinneqarput, maannakkullu akissarsialeriffimmut systemimik nutaamik atuutilersitsinissaq aallartisarneqarluni. Tamatuma saniatigut atugarissaarnermut immikkoortortami suleriaatsinut systeminik nutaanik atuutilersitsisoqarluni - taamaalilluni suliassaqarluarluni. ERP aaqqiissutitta ikkussuunnissaanut allaffimmi ikiuutit (RPK-t) atullattaalereerpagut, ulluinnarnilu sulinitsinni RPK-t atortalernissaat naatsorsuutigalugu.

 

Suliassamut pissanganartumut tassunga peqataarusuppit?

 

Pingaarnertut suliassat akisussaaffiillu

Aningaasaqarnermut pisortaq qaninnertut pisortaralugu Aningaasaqarnermut immikkoortortami inissisimassaatit, ukulu akisussaaffigalugit:

  • Missingersuutinut Ingerlatsinermullu Misissueqqissaarneq
  • Tusarniaanermut akissutinik suliarinnittarneq
  • BI-mik, Dataware House-mik aammalu Power BI-mik ineriartortitsilluni suliaqarneq
  • Missingersuutinik suliaqarneq
  • Naatsorsuutinik saqqummiussineq
  • Aningaasaqarnikkut ingerlatsivimmik ineriartortitsineq
  • Kommunip sillimmasiissutaanik illuliornermullu attartornernut akisussaaneq

 

Pisinnaasassat piumasaqaatillu:

    • Pingaarnertut aningaasaqarnermut tunngasutigut ilinniagaqartuussaatit, ass. ilisimatusarnermik assingusumilluunniit, aammalu pisortani ingerlatsinermut aningaasaqarnermut suliaqarsimanermut imaluunniit akisussaaffeqarnermut misilittagaqartuussallutit. Ineriartornermik suliaqarsinnaanissat pingaaruteqarluinnartuuvoq, Kalaallit Nunaat akimorlugu kiisalu kommunip iluani IT-mik aaqqiissutinik nutaanik atuutilersitsinermik ukiut tullinnguuttut imaqartussaammata.
    • Tamatuma saniatigut ERP aaqqiissutinik (Ax2012/MS Dynamic) assigiinngitsunik nutaalianik misilittagaqartuusinnaavutit, ineriartortitsinermi suliassat annertuut immikkoortumut tassunga attuumassuteqartussaammata;
    • Misissueqqissaarnermik aammalu ataqatigiissaarilluarsinnaassuseqartuussaatit
    • Ingerlatsinermut aningaasaqarnermut missingersuutinut naatsorsuutinullu nalunaarusiornermik sungiussisimasoq
    • Inuttut kommunimi naleqartitat tallimat aallaavigalugit sulissaatit: Kajumissuseq, Akisussaaqataaneq, Ataatsimoorneq, Pisinnaasatigut ineriartortitseqataaneq aamma Oqaloqatigiinneq.
    • Suleqatigiinni sulinissamut nuannarisaqartuussaatit aammalu akimortumik suleqateqarluni piginnaasanik ineriartortitsinissaq ukkataralugu allat peqatigalugit ineriartortitseqataallutit.

 

Akissarsisat atorfinitsitaanermilu atugassarititaasut

Isumaqatigiissut atuuttoq naapertorlugu, tunuliaqutit, ilinniarsimanerit misilittakkatillu aallaavigalugit atorfinitsinneqassaatit.

 

Atorfinittut tjenestemandisut atorfimminnit nuuttut isumaqatigiissutaat malillugu atorfeqartinneqaannassapput

 

Ineqarneq

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqaarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il.il. akiliuteqartoqartassaaq.

 

Pinerlussimannginnermut uppernarsaat:

Atorfik una pinerlussimannginnermik allagartamik paasiniaanissamit inatsimmik pisussaatitaavoq. Inatsit naapertorlugu politiinit pinerluuteqarsimannginnermut uppernarsaat kommunimit tiguneqareerpat, aatsaat atorfinittoqarsinnaavoq.

 

Atorfininnissaq 2021-mi aggustip aallaqqaataani isumaqatigiissuteqarnikkulluunniit pissaaq.

 

Atorfik pillugu annertunerusumik paasisaqarusukkuit, Aningaasaqarnermut pisortaq Peter Munch Eriksen email-ikkut pmer@qeqqata.gl attavigineqarsinnaavoq.

 

Qinnuteqaat soraarummeersimanermik uppernarsaatinik, imminut ilisaritinnermik, oqaaseqaatinik attavigineqarfissanik pinerliisimannginnermullu uppernarsaammik ilaqartinneqartoq, tamarmik PDF formatiullutik nassiunneqassapput.

 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia