Paamiuni kulturimut sammisassaqartitsivik aqutsisussarsiorpoq / Afdelingsleder til kultur- og fritidsafdeling i Paamiut

Kommuneqarfik Sermersooq

Paamiut

Ikkunneqarpoq: 06-09-2023

Piffissaq atuuffissaa naassaaq: 24-09-2023

Suliffissamut ID normut: 331577551

Suliffiup suussusaa: Tamakkiisoq

Suliassaqarfik: Eqqumiitsuliorneq, kulturi & timersorneq

Atorfiup taaguutaa: Afdelingsleder

Ilinniagaq: Kultur- og samfundshistorie (bach.)

Misilittakkat - Annertunerusumik: Samarbejde, Ikke angivet (Kunst, kultur og sport), ,

Oqaatsit:

Danskisut	Atuarneq/ oqalunneq/ allanneq
Kallaallisut	Atuarneq/ oqalunneq/ allanneq

Immikkoortortaqarfimmi aqutsisoq. Paamiuni Kulturimut Sammisassaqartitsivimmilu immikkoortortaqarfik

Kommuneqarfik Sermersooq, Meeqqanut atuarfeqarnermullu ingerlatsiviup ataana, Kultureqarnermut Sammisassaqartitsivik Paamiuni immikkoortortaqarfimmi aqutsisunermik misittagalimmik pissarsiorpugut. Ingerlatseriaatsinik, ilusilersuinermik ataqatigiissaarinermillu misilittagaqarpit?

Sammisassanik pilersaarutinik siuarsaaqataanissamik innuttaasunut kajumilersitsisinnaavit? Ingerlatsivik kulturimut- sammisassaqartitsivimmullu sullarissumik Paamiuni aqutsisussarsiorpoq, atorfinittussamik 1. november 2023, isumaqatigiissuteqarnikkulluunniit ullulerneqarsinnaasumik. Ilaatigut akisussaaffigissavatit, immikkoortortap ataani immikkoortortat, Paamiuni, nunaqarfiini, Qeqertarsuatsiaani, Arsummi, Kapisilinnilu ornittakkat, aammalu sammisassaqartitsinerit assigiinngitsut.

Kulturimut sammisassaqartitsivimmilu Paamiuni kajuminnartumik aqutsisutut qulakkiissavat immikkoortortap suliassaasa ingerlannissaat. Sulisunut akisussaaffigissavatit, ilaatigut ukunani: Taqqissuut, Timersortarfik, Sanaluttarfik, Nipilersornermi Ilinniarfik, Inuusuttut kulturimut illuutaat aallarterlaaq, Kalaalermilu sammisassaqartitsinerit.

Atorfiup imarisai:

Ujaasivugut ilaatigut makkuninnga misilittagalimmik:

• Politikkikkut aaliangikkanik ingerlatsinissamik qulakkeerinnittussaq
• Sunngiffimmi meeqqanut, inuusuttunut inersimasunullu assigiinngiiaartunik neqerooruteqarnissamik qulakkeerinnittussaq
• Meeqqat atuanngiffeqarneranni sunngiffimmi kulturikkullu sammisassaqartitsinerit
• Peqatigiiffinnut tapersersuinissaq, tapiissutaasartullu aqulluarneqarnissaat
• Suliassat assigiinngitsut takkussinnaasut suliarisinnaanissaat.

Immikkoortortami, allamilu sulisut suleqatigalugit sulisassanik naammassinnittarnissaq.

Qinnuteqartunut naatsorsuutigisat:

• Naleqquttumik ilinniagaqarneq.
• Attaveqarluarsinnaaneq avammullu kiinnnersinnaaneq
• Kulturimut sammisassaqartitsinermullu immikkoortotaqarfimmut ilisimasaqarneq
• Inuit assigiinngiiaartut akornanni sulisinnaaneq

Pingaartipparputtaaq:

• Aqutsisuuffigisanut kajuminnartumik aqutsisinnaaneq
• Kommuneq meeqqanut isiginnittariaasiata iluani sulisinnaaneq
• Periusissianik, pingaartitanik anguniagassanillu suliaqarsinnaaneq.
• Arsanik arlalinnik qangatatitaqarsinnaaneq, tamakkiisumik nakkutigisassat annaanngikkaluarlugit
• Oqaatsitigut allakkatigullu ersarissumik paasinartumillu saaffiginnissinnaaneq
• Namminersorluni, akisussaaffilimmik sullissilluarnissamillu pingaartitsisoq.
• Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq
• Atituumik suleqateqarluarsinnaasoq
• Ataavartumik sulianik pitsanngorsaaqataasinnaasoq
• Ajornanngippat kalaallisut qallunaatullu oqaasilimmik.

Neqoroorutigaavut:

Suliffik unamminartoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpavut.

Annertunerusumik paasisaqarusukkuit:

Annertunerusumik paasisaqarusukkuit pisortaq Frederik Lundblad attavigisinnaavat uungaoqarasuaat +299 36 60 80 mobil nr. +299 58 93 93 imaluunniit e-mail-imut uunga: frel@sermersooq.gl

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Naalakkersuisut aamma Ilinniartitsisut Meeqqat Atuarfianneersut Kattuffiat (IMAK-ip) akornanni isumaqatigiissut atuuttoq imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaa atuuttoq naapertorlugu atorfinitsitsisoqassaaq.

Qaammatini pingasuni misiligummik atorfinitsitsisoqarsinnaavoq.

Inissaq:

Atorfininnermut atatillugu inissiamik innersuussisoqarsinnaanngilaq.

Qinnuteqaat:

Qinnuteqaat qulequtserlugu Atorfiup ilisarnaataa 780-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALUGIUK:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: septembarip 24.-at, 2023