sullissivik.gl
Ussassaarut taanna oqaatsini makkunani nassaassaavoq
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Museumsinspektør til Sisimiut Museum

Qeqqata Kommunika

Sisimiut
Ikkunneqarpoq: 25-11-2022
Piffissaq atuuffissaa naassaaq: 16-12-2022
Suliffissamut ID normut: LJA-84283969
Suliffiup suussusaa: Tamakkiisoq
Suliassaqarfik: Eqqumiitsuliorneq, kulturi & timersorneq

Katersugaavisiup nunap immikkoortuani akisussaaffeqarfigisaa tassaavoq Sisimiut Kommunerisimasaa nunaqarfiit Sarfannguit aamma Itilleq kiisalu Kangerlussuaq nunallu immikkoortua tamatumalu eqqaa. Ukiut kingulliit 4.500-t ingerlannerani nunap immikkoortuata kulturikkut pinngortitakkullu oqaluttuarsartaa katersugaasiviup suliassaqarfigaa. Sisimiuni Kangerlussuarmilu Katersugaasiviit UNESCO-p Nunarsuarmioqatigiinnut kingornussassarititaa Aasivissuit - Nipisat ineriartortinneqarneranut suleqataavoq siunissarlu pissanganartoq saqqummersitsinernik nutaanik paasissutissiinermillu suliniutinik allanik ineriartortitsinermik ilaqartoq ornillugu. Suliffeqarfik ulapaarfiuvoq, ilaatigut ataatsikkut suliassanik suliniutinillu arlaqartunik - annertuunik annikitsunillu ingerlatsiffiukkajuttarluni.

Suliassaqarfik:

Sapaatip akunneranut akunnerit 40-t suliffiusarput. Katersugaavisiup aaqqissuussaanut atatillugu atorfik unnukkut sapaatillu akunnerisa naanerini sulinermik aamma ilaqarsinnaavoq. Suliffigisassaq pingaarneq tassaavoq Sisimiuni Katersugaasivik, kisianni katersugaasiviup Kangerlussuarmi immikkoortortaani piffissani sivikinnerusuni sulisarsinnaaneq naatsorsuutigineqassaaq.

Katersugaasivimmi inspektøri katersugaasiviup sulisui allat peqatigalugit ulluinnarni sulinernut ilaasassaaq, pingaartumik makku ilanngullugit:

  • Katersugaasiviup atuarfinnut sullissinerata ineriartorteqqinnissaa aaqqissuunnissaalu
  • Nalunaarsuineq kulturikkullu eriagisassanik paaqqutarinninneq
  • Sumiiffimmi suleqatigisanik suleqateqarneq
  • Suliat pillugit katersugaasiviullu suliai allat pillugit apeqquteqaatinut akissuteqarneq
  • Saqqummersitanik ineriartortitsineq inississuinerlu
  • Oqaatsit allassimasullu atorlugit paasissutissiineq
  • Katersugaasiviup pisortaata peqannginnerani paarlattaagallarneq
  • Suliassat takkussuuttut assigiinngitsut

Piginnaasat:

Katersugaasiveqarnermut tunngasuni sulianut tunngasunik ilinniagartuutut piginnaasalimmik kandidat-itut uppernarsaatilimmik atorfik inuttalerneqarusuppoq. Ilinniakkamut taarsiullugu misittakkat pingaarutillit atorneqarsinnaapput. Atorfimmut inuttaliinermi makku pingaartinneqassapput:

  • Ilinniagaq pingaaruteqartunik piginnaasaqalersitsisoq imaluunniit kulturimut imaluunniit paasissutissiinermut tunngassutilinnik misilittagaqarneq
  • Kalaallit Nunaata kulturianut pinngortitallu pissusiinut ilisimasaqarneq
  • Nalilersuinermik, uppernarsaasersuinermik ilisimasanillu ingerlatitseqqiinermik misilittagaqarneq
  • Attaveqarnernikkut piginnaasaqarluarneq, oqaatsit allatallu atorlugit
  • Pilersitsisinnaassuseq, anguniagaqarneq annertuumillu nammineersinnaassuseqarneq
  • Suleqatiginnilluarsinnaaneq, aamma suliaqarfiit assigiinngitsut suleqatigiinnerini
  • Sungiussiasuuneq alapernaannerlu - nutaanik ilikkagaqarnissamut piginnaasaqarneq
  • Oqaatsitigut piginnaasaqarneq, pingaartumik kalaallisut tuluttullu

Aningaasarsiat atorfinitsitaanermullu atugassarititat

Isumaqatigiissuteqarnikkut piaartumik atorfinitsitsisoqassaaq. Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarneranut Kalaallit Nunanaanni Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput. Atorfinittumut atatillugu inissiamik innersuussisoqarsinnaavoq.

Qinnuteqaat

Katersugaasivik pillugu paasissutissat sukumiinerusut nittartakkami nassaarineqarsinnaapput uani sisimiut.museum.gl aammalu https://www.facebook.com/SisimiutMuseum

Atorfik pillugu paasissutissat annertunerusut, katersugaasiviup pisortaanut Dorthe Katrine Olsen-imut pissarsiariniarneqarsinnaapput uku aqqutigalugit e-mail: doko@qeqqata.gl imaluunniit oqarasuaat (+299) 86 25 51.

Qinnuteqaat imminut ilisiartinnermik, ilinniarsimanermut pikkorissarnermilu uppernsarsaatinik kiisalu uppernarsaatinik pingaarutilinnik allanik ilaqartoq Qeqqata Kommuniata nittartagaatigut nasssiunneqassapput.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia