Avannaata Kommuniani Uummannami Utoqqaat Illuani “Sorlaqarfiit”-mi aqutsisup tullersortaatut atorfik inuttassarsiorneqarpoq 1. oktober 2024 isumaqatigiissuteqarnikkulluunniit atorfinittussamik.

Atorfinittussap qaninnerpaamik qullersarissavaa Ilaqutareeqarnermut Immikkoortoqarfimmi aqutsisoq, qaninnerpaatullu suleqatingissallugu Utoqqaat illuani aqutsisoq.

Atorfiup anguniagai:

• innarluutilinnik kiisalu isumaginninnikkut sullissinermi ingerlatsiviup kommunillu pingaarnertut anguniagai naapertorlugit Utoqqaat angerlarsimaffiat sulinermik ingerlataqassasoq.
• suleqatigalugit Utoqqaat angerlarsimaffiata naleqartitai allattorneqassasut, ulluinnarnilu malinneqarlutik.
• isumassuineq - kiisalu sammisaqartitsineq ataasiakkaanut eqaannerullunilu tulluarsagaq.
• angerlarsimaffianni paaqqinninneq - isumassuinerlu qaffasinnerusumik pitsaassu-silik.
• angerlarsimaffianni suliniutinik sunniuteqarnerusumik nakkutilliineq, matumani killiffinnik nalilersuinerit, pilersaarusiorneq kiisalu malitseqartitsineq ilanngullugit, matuma-ni minnerpaamik ukiumut ataasiarluni Paaqqutarinninnermik misissuineq ilanngullugu.
• ilinniagaqassutsikkut inuttullu piginnaasaanik pitsanngorsaaneq.
• angerlarsimaffianni aningaasartuutit pillugit pitsaanerusumik takunnissinnaassu-seqarneq.

Qaninnerpaamut qullersarisamut akisussaaffiit:

-Utoqqaat angerlarsimaffiannut attuumassuteqartunut tamanut atatillugu immikkoortortaqarfimmi pisortap ilisimatinneqarlunilu malinnaatinneqarnissaa qulakkeerlugu.

-Utoqqaat angerlarsimaffianni ineqartunik, taakkulu qaniginerpaasaannik, ingammik ineqartut atugarissaarnissaat eqqarsaatigalugu ataavartumik attaveqarneq.

-Utoqqaat angerlarsimaffianni sulisunik ataatsimeeqateqartarnerup imarisaanik ataavartu-mik ilisimatitsisarneq kiisalu kommunip politikkikkut anguniagai pillugit, allaffissornikkullu aqutsisuiniit akissuteqaatit utoqqaat angerlarsimaffiani sulisunut ingerlateqqinneqarneri.

-Utoqqarnik sullissinermut attuumassuteqartunut kommunip immikkoortortaqarfiini allani sulisunik suleqateqarneq (angerlarsimaffimmi ikiorteqarneq, innarluutilinnik sullissineq kiisalu aningaasaqarnikkut sullissisut) kiisalu ilinniagaqassuseq akimorlugu avataaneersunik suleqatinik, matumani immikkoortortaqarfimmi pisortamik akuttunngitsumik ataatsimeeqateqarnerit ilanngullugit ataavartumik paasissutissiissuteqarneq.

-Utoqqaat angerlarsimaffianni aningaasartuutit pillugit killiffimmik paasissutissiineq kiisalu utoqqarnik sullissinermi naatsorsuutinik (kisitsisinik), matumani akuttunngitsumik nalunaarusiorneit ilanngullugit ataavartumik paasissutissiineq.

-Najugaqartunut atugassiissutinut kiisalu kaasarfimmiuinut tunngassutilinnut ajornartorsiutaasinnaasut pingaanerpaat pillugit ataavartumik ilisimatitsisarneq aamma ajornartorsiutit qanoq aaqqinneqarsimanersut paasissutissiissutigalugu.

-Utoqqaat angerlarsimaffianni isumassorneqarneq, paaqqutarinninneq kiisalu sammisaqartitsinerit pillugit naammagittaalliuutinik tamanik ataavartumik ilisimatitsissutigalugit taakkulu immikoortortaqarfimmi pisortaq kiisalu kommunimi sulisut attuumassutillit suleqatigalugit sapinngissamik sukkanerpaamik aaqqinneqarnissaat isumagalugu.

Suleqatinut qaninnerpaanut akisussaaffiit:

-Toqqaannartumik sulisunik aqutsinermut akisussaaneq kiisalu Utoqqaat angerlarsimaffianni qullersaasutut aqutsinermut akisussaaneq.

-Utoqqaat angerlarsimaffianni isumassuinermut, paaqqutarinninnermut kiisalu sammisaqartitsinermut ajornartorsiuteqartoqarnerani sulisunik ilitsersuineq siunnersuinerlu.

-Utoqqaat angerlarsimaffiaani sulisunik ataatsimiititsinernut peqataaneq kiisalu sulisut oqariartuutaasa kommunimi politikkikkut allaffissornikkullu aqutsisuinut ingerlatitseqqinneq.

-Utoqqaat angerlarsimaffianni sulisunut tunngatillugu aqutsisutut suleqataasutullu, matumani sulisut pillugit suliaqarnermut kiisalu ilinniagaqassutsikkut inuttullu ineriartorneq ilanngullugu inissisimaneq.

Inuttut piginnaasat:

-      Eqqarsartaatsikkut patajaassuseq

-      Inuit allat misigissusaannik paasinnissinnaaneq

-      Ilinniagaqassuseq akimorlugu suleqatigiissinnaassuseqarneq.

-      Aallartisaasoq

-      Sunniuteqarluarsinnaaneq

-      Anguniaqagarluni sulisinnaassuseqarneq

-      Sunik tamanik ilisimasaqarneq

-      Eqaatsumik periuseqarneq

-      Tusarnaarsinnaaneq

-      Aqqissuussaasumik sulisinnaaneq

-      Tatiginartoq, tunniussisimasoq kiisalu akisussaaffimminik ilisimaarinnittoq.

-      Piumasaqaat decorum naapertorlugu maligassaiuisutut inissisimaneq.

-      Attaveqarnissamut attaveqaatinullu pikkorissuseq.

-      Aaqqiagiinngissutit aaqqinnissaannut pikkorissuseqarneq.

Piumasaqaatit:

-Peqqinnissaqarfimmi annertusisamik ilinniartitaaneq (Peqqissaasoq, timimik sungiusaasoq, pillorissaasoq) imaluunniit sundhedsassistent-itut ilinniagaqarneq kiisalu Aqutsisoq-miit allaffissornikkut ilinniagaqarneq.

- Atuagarsorluni pisortatut ilinniagaqarneq.

Akissarsiat atorfeqarnikkullu atugassarititat:

Ilinniarsimasap isumaqatigiissutaa malillugu atorfinititsineq pissaaq.

Atorfimmut atatillugu inissaqartitsisoqanngilaq.

Attaveqarfissaq:

Atorfimmut paasissutissat annerusut piniarneqarsinnaapput utoqqaat illuata pisortaanut Paneeraq Grønvold Samuelsen saaffiginninnermi, e-mailik-kut: pgsn@avannaata.gl imaluunniit tlf.nr.: 38 78 46.

Qinnuteqaat soraarummeersimanermullu allagartat attuumassuteqartut assilineri, CV kiisalu oqaaseqaatit inassuteqaatillu aamma Pinerlussimannginnermut uppernarsaat kingusinnerpaamik nassiunneqassapput 16.september 2024