sullissivik.gl
Ussassaarut taanna oqaatsini makkunani nassaassaavoq
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Ergoterapeut

Kommune Kujalleq

Qaqortoq
Ikkunneqarpoq: 19-09-2023
Piffissaq atuuffissaa naassaaq: 24-09-2023
Suliffissamut ID normut: LJA-85077061
Suliffiup suussusaa: Tamakkiisoq
Suliassaqarfik: Isumaginnittoqarfik, Assartuussineq & ingerlasussanik piareersaaneq

Pillorissaasutut atorfik inuttaqanngitsoq:


Avatangiisit suliassallu pikkunartut allanngorartullu nutaat soqutiginartullu ujartorpigit? Pinngortitami misigisassat tupinnartut uumasorpassuillu? Taamaappat atorfik oktobarip ulluisa aallaqqaataat 2023 imaluunniit isumaqatigiissuteqarnikkut atorfigilerneqarsinnaasoq ilinnut soqutiginarpoq.

Kalaallit Nunaata kujataani, Kommune Kujallermi, Pillorissaavimmi sapaatip akunneranut akunnerit 40-t sulisartussamik, erngertumik atorfinissinnaasumik pillorissaasussarsiorpugut.


Pillorissaasup saniatigut Pillorissaavimmi sulisuupput timimik sungiusaasut marluk, pillorissaasutut atorfik ataaseq kommunip Peqqinnissaqarfiullu avitaat, kiisalu pillorissaasut ikiortaat oqalutsitut atuuttoq kiisalu suliassatigut ikiuuttartoq. Timikkut sungiusaasup aappaa aamma pillorissaavimmi aqutsisuuvoq, taannalu qullersarissavat. Qaqortumi najugaqarlutillu ulluinnarni sulissaatit, taavalu kommunimi illoqarfinnut nunaqarfinnullu allanut angalasoqartassaaq.


Kommune Kujalliup pillorissaaviani pillorissaasutut inersimasunik, meeqqanik, innarluutilinnillu piginnaanngorsaaqqinnermi piginnaanngorsaanermilu kiisalu iluaqusersuutilerinermi sulianik pitsanngorsaaqataassaatit. Ikiortit/tapersersortit qanimut peqatigalugit innuttaasut pineqartut angerlarsimaffianni, sungiusartarfimmi aamma sumiffinni allani sungiusaaneq suliarisassavarsi.


Atorfimmi suliassat ilaatigut tassaappput:

  • Inuit piginnaanikillisimasut piginnaanngorsaqqissallugit piginnaanngorsassallugillu
  • Innuttaasunik misissuineq naliliinerlu
  • Piginnaasanik allanngutsaaliilluni sungiusarneq, ataasiakkaarilluni eqimattakkuutaarillunilu.
  • Iluaqusersuutinik inillu allanngortinneqarnissaannik qinnuteqaatit suliarineqarneri tamatumanilu naliliinerit, kiisalu innuttaasunut attaveqarnermi uppernarsaasersuineq allaffissornikkullu suliassat
  • Iluaqusersuutinik pisiniarnerit, tunniussineq kiisalu iluaqusersuutit atornissaannik sungiusaaneq/ilitsersuineq
  • Assigiinngitsunik sulialinnik suleqateqarneq, soorlu sullissisunik peqqissaanermilu allanik sulialinnik
  • Ilitsersuutit innuttaasunut, ilaqutaasunut, tapersersortinut kiisalu sulisunut atugassiat soorlu neriniarnermik ajornartorsiuteqarneq nikinniartarnerlu eqqarsaatigalugit.
  • Angerlarsimaffimmi ikiorteqartitsinermi piginnaanngorsaaqqiisunut ilisarititsineq, ilitsersuineq kiisalu malitseqartitsineq, kiisalu taaneqartunik suleqateqarnermi ataqatigiissaariviusumik ataatsimiinnermi ataatsimiinnermi aqutsisuuneq


Pingaartipparput illit:

  • Innarluutilinnut utoqqarnullu tunngasunik soqutigisaqartutit misilittagaqartutillu, piginnaannngorsaaqqinnermut tunngasuuppata pitsaassaaq.
  • Meeqqaniit utoqqarnut timikkut sungiusaanermik siammasissumik suliaqarneq nuannarigit.
  • Namminersorlutit suliaqarsinnaanissat, suliffissannillu ilusilersuisinnaallutit pilersaarusiorsinnaassasutit.
  • Isumassarsiullaqqissuusutit, iliuuseqarusussuseqartoq suliatigullu inissilluarsimasutit
  • Kulturini assigiinngitsuniissinnaasutit
  • Suleqatigiinnermik pingaartitsisuusutit, ilakkuminartutit ammasuullutillu


Neqeroorutigaavut:

  • Sungiusartarfik, allaffik aamma iluaqusersuutaasivik. Sungiusartarfik atortunik sungiusaatinik assigiinngitsunik pilersorneqarsimasoq, aamma sungiusarnermut atortussanik allanik pissarsinissamut kissaatit akuerineqarnissaannut periarfissaqartoq.
  • Suliffik tamalaarpassuarnik suliassaqarfiusoq, inuttut suliatigullu ineriartornissamut periarfissalik
  • Susassaqarfiit akimorlugit napparsimmavimmi pillorissaasunik suleqateqarneq.
  • Kalaallit Nunaanni sumiiffinni allani pillorissaasunik isummersoqateqarnissamut attaveqartarnissamullu periarfissalik.
  • Immikkut ilisimasalinnik, soorlu avataasalerisunik kamippaliortumillu tikittoqaraangat peqataasarluni.
  • Isumaqatigiissutit naapertorlugit pikkorissarnissamut, ilinniarnissamut, akiliuteqarluni feeriarnissamut periarfissat
  • Kujataani pinngortitaq immikkuullarissoq, naggorissoq kusarnartorlu alutornartunik kulturikkut oqaluttuassartalik inuillu ilakkuminartut
  • Suleqatit pitsaasut suleqatissaminnik nutaamik naapitsinissaminnut qilanaartut.


Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerliisimannginnermut uppernarsaatip tigunerata kingorna aatsaat atorfinititsisoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.


Akissarsiat atorfininnermilu atugassarititaasut Naalakkersuisut aamma Pillorissaasut akornanni isumaqatigiissut qaqugukkulluunniit atuuttoq najoqqutaralugu pissaaq.


Atorfimmut atatillugu inissaqartitsineq neqeroorutigineqarsinnaavoq, matumanilu atorfinitsinneqartup malittarisassat qaqugukkulluunniit atuuttut najoqqutaralugit qularnaveeqqusiissut, ineqarnermut akiliut atuineq allallu nammineq akilissavai. Atorfininnermi erniinnaartumik ataavartumik inissaqatitsisoqassanngippat inatsisit atuuttut najoqqutaralugit utaqqiisigalugu inissamik neqerooruteqartoqassaaq.


Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq, minnerpaamillu ukiut pingasut atorfeqareernermi inatsit atuuttut malillugit soraarnermi angalanissamut pisattallu nassiunneqarnerannut akiliunneqarneq.


Atorfik pillugu paasissutissat sukumiinerusut pissarsiarineqarsinnaapput Kommune Kujallermi Pillorissaavimmi timikkut sungiusaasut aqutsisuat Susanne Buch Sporsheim saaffigalugu, e-mail subu@kujalleq.gl, telefon + 299 64 52 50. Oqarasuaatikkut attaveqarneq pissaaq Kalaallit Nunaanni nalunaaqqutaq malillugu 08.00-16.00 akornanni (Danmarkimi 12.00-20.00)


Qinnuteqaat, pineqaatissinneqarsimannginnermut uppernarsaat, ilinniagaqarsimanermut paasissutissat suliffigisimasaniillu oqaaseqaatit kiisalu soraarummeersimanermut uppernarsaatit assilineri il.il. PDF-filinngorlugit kommunip nittartagaatigut kingusinnerpaamik septembarip ulluisa 24-iat 2023 nassiunneqariissapput.


MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.


Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput


Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia