sullissivik.gl
Ussassaarut taanna oqaatsini makkunani nassaassaavoq
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Aasiaat - Kommune Qeqertalik søger en sagsbehandler i Socialafdeling

Kommune Qeqertalik

Aasiaat
Ikkunneqarpoq: 14-01-2022
Piffissaq atuuffissaa naassaaq: 04-02-2022
Suliffissamut ID normut: LJA-83230729
Suliffiup suussusaa: Tamakkiisoq
Suliassaqarfik: Isumaginnittoqarfik

Kommune Qeqertalik, Aasiaat, pisortatigut ikiorsiisarnermut sullissivimmi sullissisutut atorfik ataaseq inuttassarsiorneqarpoq 01.03.2022 imaluunniit isumaqatigiissuteqarnikkut sulilersussamik.

Atorfik inuttalerniarneqarpoq inunnik isumaginninnermut siunnersortimik imaluunniit assingusumik tulluartumik ilinniagalimmik.

Pingaarnertut ilaatigut makku suliassaapput:

Pisortanit ikiorsiissutinik suliaqarneq

  • inuttut atukkanik tunngaveqartut suliaqarfigissallugit.
  • sullissineq innersuussisarnerlu
  • oqaloqatiginnittarnerit
  • ilitsersuisarnerlu
  • atukkat misissuiffigisassallugit
  • allattuilluni nalunaarsuineq
  • iluani suliassat isumagisarnissaat

Isumaginnittoqarfimmi sillimasutut sulisarnissaq naatsorsuutigineqassaaq.

Atorfik inuttalerneqarnissaani isiginiarneqassaaq nammineersinnaassuseq, ammasumik pissuseqarneq akisussaassuseqarlunilu inussiarnersuuneq.

Atorfinitsitsineq pissaaq isumaqatigiissutit atuuttut malillugit. Illoqarfiup avataaneersumik atorfinitsitsinermi angalaneq pisattallu angallanneqarnerat sulisitsisumit akilerneqassapput, inissaqartitsisoqassallunilu maleruagassat atuuttut malillugit akilerneqartartussamik.

Meeqqanik pinerliisimannginnermut aammalu pineqaatissinneqarsimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.


Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Atorfik pillugu annertunerusumik suliassallu pillugit paasisaqarusukkaanni saaffigineqarsinnaapput Isumaginnittoqarfimmi aqutsisoq Kirstine Brandt oqarasuaat 70 19 00 imaluunniit INUIT aqutsisumut Ane Sofie Mølgaard oqarasuaat 70 19 00.

Qinnuteqarneq:

Qinnuteqaatinik mai-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut – pikkorissarsimanermut uppernarsaatit, kiisalu oqaaseqaatit assigisaallu, ”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.

Qinnuteqarnissamut killissarititaasoq: 04 februar 2022.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia