Sundhedshjælper

Utoqqaat illuat Luuvikasik Peqqinnissamut ikiortitut ilinniarsimasumik ataatsimik.

Sulilersussat novembarip ulluisa aallaqqaataat 2023 sukumiinerusumilluunniit isumaqatigiissuteqarnikkut.

Utoqqaat illuat 1971-mi atulerpoq, aamma1980-mi paaqqutarinnittarfimmik ilaneqarluni allineqarpoq. Taamaalilluni maanna talulikkamik immikkoortoqarfeqarpoq ineqartunut 14-nut inissalimmik, utoqqaat illuat ”Luuvikasik 28-nik najugaqarfigineqarpoq.

Sulisut ukuupput: Sundhedsassistenti, peqqinnissamut ikiorti, sundheds- aamma socialhjælperi, igaffilerisut, pedeli, biilertartoq, errorsisartut ikiortillu.

Naatsorsuutigaarput:

• Peqqinnissamut ikiortitut ilinniagaqarnissat.
• Utoqqarnut tunngasunut soqutiginnittuunissat.
• Akisussaassuseqarnissat.
• Pigaarfiit tamaasa peqataaffigisinnaassagitit sapaatillu akunneri naanerini sulisinnaanissat.
• Suleqatigiit akimorlugit suleqatikkuminartuunissat.
• Sungiussiasuunissat qiimasuunissallu.
• Ineqartunut ajunngitsumik iliornissamut peqataaqataanissat suleqatigiillu akornini suleqatikkuminartuunissat.
• Allannguutaasinnaasunut piareersimasuunissat.

Neqeroorutigaavut:

• Saqqummiineq.
• Suliffitsialak, ineqartut toqqissisimasumik peqqinnartumillu inuuneqarnissaat pingaarnerpaatinneqartoq.
• Suliffitsialak, sulisut sulinerminni ataatsimoorussamik akisussaaqatigiittut.
• Suliffik assigiinngisitaartoq, qaamasoq, inissaqarluartoq, ammasunillu illulik.
• Sullivimmi avatangiisinut tunngasut sunniiffiginissaannut periarfissarissaartoq.
• Sapaatip akunneranut akunnerit 40-t sulisarneq, nikerartumilli suliffiusoq (Ulloq / Unnuarlu)
• Akissarsiaqartitaaneq atorfeqartitaanerlu isumaqatigiissutit atuuttut naapertorlugit.
• Suleqatigiit akimorlugit sulisinnaaneq suliassaqartuaannarnerlu, ineqartut suleqatitsialaallu peqatigalugit.

Atorfik una pinerlussimannginnermik allagartamik paasiniaanissamit inatsimmik pisussaatitaavoq. Inatsit naapertorlugu aatsaat atorfinittoqarsinnaavoq kommunip pinerlussimannginnermik allagartaq tigunerata kingorna. Taamaattumik erseqqissaatigineqassaaq ulloq atorfiniffissaq isumaqatigiissutaasinnaammat, kommunip pinerlussimannginnermik allagartaq politiinit tigoreernerata kingorna. Pinerlussimannginnermik allagartaq naammaginarsimassappat aatsaat atorfinittoqarsinnaavoq.

Isumaqatigiissutit atuuttut naapertorlugit atorfinitsinneqarneq akissarsialerneqarnerlu.

Atorfimmut atatillugu inissaqartitsisoqarpoq, soorlu aamma ineqarnermut akiliutit il.il. inatsisit atuuttut naapertorlugit ineqartumit akilerneqartartussaasut tamakku saniatigut inatsisit atuuttut naapertorlugit atorfininnermut atatillugu angalanerit pequttallu angallannerinut akiliunneqarnissaq pisussaavoq.

Sukumiinnerusumik paasissutissat pisortamut Karen Nørris Christensen pissarsiariniarneqarsinnaavoq telefon 38 15 16 imaluunniit e-mail: kach@kujalleq.gl

Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri PDF-ilinngorlugit il.il. kommunimut tunniunneqariissapput kingusinnerpaamik oktobarip ulluisa arfineq pingajuat 2023 nittartagarput aqqutigalugu.

MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”