Genopslag Qasigiannguit - Alderdomshjemmet søger Sundhedsassistent

Kommune Qeqertalik Qasigiannguiani Qeersaat Illuanni sundhedsassistent-imik sulisussarsiorpoq 1. November 2023 atorfinittussamik imaluunniit isumaqatigiissuteqarnikkut. Atorfik sapaatip akunneranut 40 time-iuvoq, ullukkoortuuvoq, angerlarsimaffimmilu vagt-eqartarluni. Utoqqaat angerlarsimaffiat Qeersaat Illuat 20-inik najungaqartoqarpoq, immikkoortortanilu marlunni avinnikuullutik, immikkoortortami qulit najungaqarlutik.

Suliassat akisussaaffiillu:

·Ineqartut tarnimikkut, timikkut, inooqataanermikkullu pisariaqartitaat naammassineqarnersut qulakkiissallugit

-Najungaqartut pinginnaasaanik ataavartitsinermut suliaqarneq

-Suliffimmi ineriartortitseqataaneq

·Immikkoortortami ullormut suliassanut peqataaneq, tamassumap ataani eqqiluisaarneq, ikilerineq, nakorsaaserineq il.il. peqataaneq

·Suleqataasut ilinniagaqanngitsut ilitsersorlugit ajoqersuullugillu aammalu ilinniartitsinermut peqataaneq.

·Utoqqaat illuata anguniagai malittarisassaalu eqquutsillugit

·Silaannaap pitsaasup atatiinnarneqarnissaa anguniarlugu najugaqartut sulisut qaningisaasullu akornanni paaseqatigiinneq attaveqaqatigiinnerlu pitsaasoq attatiinnarlugu

·Suliassat takkussortut assigiinngitsut suliaralugit

·Angerlarsimaffimmiit pigaartuuneq

Qinnuteqartup piginnaasai:

·Sundhedsassistent-itut ilinniagalik

·Akisussaassuseqartoq pitsaassusermillu ilisimasalik inulerinermi

·Sungiussiasoq qiimasorlu

·Suleqatikkuminartoq

·Utoqqarnik sullissinissamut piumassusilik soqutiginnittorlu

·Paaqqinninerup ineriartortinneqarneranut peqataaneq

·Ilinniartunik sungiusaaneq

·Suliffeqarfiup pitsaasumik, nutaaliorfiusumik, isumassarsivittut ineriartorfiusumillu ingerlanneqarneranut peqataaneq

Akissarsiat – atorfinitsinneqarneq:

·Akissarsiat atorfininnermilu atugassarititaasut, Naalakkersuisut kiisalu kattuffiup isumaqatigiinniartussaatitaasup akornanni atorfininnerup nalaani isumaqatigiissutaasut naapertorlugit atorfininneq pissaaq.

Inissaq

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.

Inissaq apeqqutaalluni atorfininnissamut isumaqatigiissusiortoqaratarsinnaavoq. Atorfininnermullu atatillungu pisattanik poortuititsineq nassiussinerlu periarfissaallutik.

Pinerliisimannginnermut uppernarsaat:

Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Atorfik pillugu erseqqinnerusumik paasissutissat Qeersaat illuani aqutsisumut paasiniarneqarsinnaapput Lotte Pilunguak Reimer oqarasuaat: 91 46 53 imaluunniit e-mail: Lore@qeqertalik.gl imaluunniit pisortamut tullersortimut Ngalannguaq Simigaq Broberg Ngbr@qeqertalik.gl

Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut –

pikkorissarsimanermut uppernarsaatit, kiisalu oqaaseqaatit assigisaallu,

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.