Aasaanerani takornarialerisut/matrosit Disko linemi
Disko Line
Ikkunneqarpoq: 01-01-2025
Piffissaq atuuffissaa naassaaq: 20-01-2025
Suliffissamut ID normut: 331601309
Suliffiup suussusaa: Sulinngiffeqarnermi suliffik, Tamakkiisoq
Suliassaqarfik: Takornariaqarneq
Atorfiup taaguutaa: Guide, Matros, Chauffør
Misilittakkat - Annertunerusumik:
Oqaatsit:
| Danskisut |
Paasisinnaavakka |
| Tuluttut |
Atuarneq/ oqalunneq |
| Kallaallisut |
Paasisinnaavakka |
Piginnaasatit:Aasaanerani Disko Line-imi takornariartitsisinnaasunik, biilinik ingerlatsisinnaasunik angallatinilu inuttaasinnaasunik pissarsiorpugut. Aasaanerani sulinissaq juunip aallaqqaataaniit septembarip naanissaata tungaanut sivisussuseqarnissaa naatsorsuutigineqassaaq (1/6-30/9).
Takornariartitsisutut/biilinik ingerlatsisutut/angallatini inuttatut Disko Line-imi suleqatigiit akornanniilissaatit ulluinnaat allanngorartuartut assigiinngisaannartullu.
Suliffeqarfimmi suliakkiunneqartunik allanngorartunik suliaqartassaatit. Suliassavit ilagissavaat Disko Line Explorer-ip immakkut takornariartitsinerani takornariartitsisuuneq (guide), takornarissanik inuttanillu biiliussineq, immakkut angallannermi matros-iuneq, suliassallu suulluunniit angalatitseqatigiiffimmut takkussinnaasut suliassaasinnasarlutik.
Naatsumik kikkuunerluta, sunalu suliarinissaanut naatsorsuutigissanerit ilisaritilaassuarput.
Disko Line-i Qeqertarsuup Tunuani, Nunatta qeqqani, kiisalu Nunatta kujataani immakkut angallassisuuvoq. Disko Line-imi takornariartitsisutut/matrositut/biilertutullu sulinermi Qeqertarsuup Tunuani suleqatigissavatsigut, pingaarnertullu Ilulissaniit sulisassallutit.
Disko Line Explorer-imi immakkut misigisassarsionerit, kiisalu angallatinik attartortitsinerit (charter) isumagisaraagut. Saniatigut pisuttuartitsinerit Ilulissat illoqarfiani avataanilu isumagisarlutigit.
Takornariartitsisugut allaffimmiullu annertuumik suliaminnut tunngasunik ilisimasaqartuupput, taamaalillutillu tikilluaqusinermi tikeraaniik apeqqutigineqarsinnaasut akissutissaqatissinnaallugit kalaallit nunaata pinngortitaanut kulturianullu tunngasunik.
Allaffimmi ilisimavarput nunatsinni sila allanngorartuusoq, tamannalu tunngavigalugu ulluinnarni suliagut aamma aaqqissuuttarpagut. Aaqqissuiniarnitsinnilu takornarissanik sullissilluarnissatsinnut illit pisariaqartippatsigit.
Takornariartitsisutut/matrositut/biilertutullu immami sulinissaq, aammattaarlu nunami assigiinngiiaartunik suliaqarnissaq naatsorsuutigissavat.
Imminut ulluinnarmi assigiinngisitaartumi takornariartitsisutut/matrositut/biilertutullu atorfeqarlutit takorloorsinnaaguit, ilaasartugut takornarissallu tikilluaqqusaasutut misigitissinnaallugit, kiisalu paasissutissanik ingerlatitseqqiissinnaaneq pikkoriffigalugulu soqutigisarigukku, taava illerpiaq qinnuteqarit.
Neriuppugut 2025-mi aasaanerani suleqatigiilluarluta nuannersunngortissinnaasagit.
Piginnaasatit:
- Inussiarnersoq inunnillu allanik oqaloqateqarluarsinnaasoq
- Ajornartoortoqartillugu aaqqiissutissarsiorsinnaasoq, ulluinnarnilu ulapaarfiusuni allanngorartumik sulerusussusilik
- Paasissutissanik ingerlatitseqqiinermik inunnut arlalinnut nuannarisalik
- Suleqatiginnilluarsinnaasoq, suleqataalluartoq, suleqatigiillu akornanni pissutsinut pitsaasumik tunniussaqarsinnaasoq
- Suleriutsikkut suleqatinullu aalajaatsoq
- Alapernaatsoq, sulianullu tunngatillugu paasisaqarluarusuttoq
- Misigisaqarnissamut inunnillu allanik misigisassanik sulliusserusulluni soqutigisalik
Neqeroorutigisinnaasagut:
- Najugaqarfigisamiit Ilulissanut utimullu bilitsi.
- Ineqarnissamut ikiorneqarneq
- Akisussaassuseqarneq ilisimasanillu qaffassarneq
- Immikkuullarissumik misigisaqarneq inuunerup sinnerani eqqaamasassaq.
- Suliffigisassani, kiisalu Disko Line Explorer-ip takornariartitsinerini ilinniartinneqarluarneq
- Suliffeqarfik nuannersoq, suleqatigiit assigiinngiaartut.
- Søsikkerhedsbevis-itaarnissaq aallartinnermi suliffeqarfimmiit isumagineqassaaq
Qinnuteqaatit tamarmik aamma CV maana ikkunneqassapput.
Qinnuteqarnissamut ulloq kingulleq: 20. Januar 2025.
Qinnuteqartunut Kalaallit Nunaanniittunut oqaloqateqaqattaassaagut,
Qinnuteqartunut Danmarkimiittunut Ry-mi ingerlanneqartussami 2. februar 2025 aspirantdag-imik taasatsinni ingerlatitsissaagut. Danmarkimi najugaqaruit ulloq taanna aspirantdag-imut peqataanissarnut inniminnerniariuk.
Arlaannik apeqqutissaqaruit suliffissaq pillugu Morten tuttaqarfigisinnaavat uunga emailimut: MOG@diskoline.gl