sullissivik.gl
Ussassaarut taanna oqaatsini makkunani nassaassaavoq
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Viceskoleinspektør til Narsaq Skole

Kommune Kujalleq

Narsaq
Ikkunneqarpoq: 16-02-2021
Piffissaq atuuffissaa naassaaq: 09-03-2021
Suliffissamut ID normut: LJA-81725522
Suliffiup suussusaa: Tamakkiisoq
Suliassaqarfik: Meeqqat & inuusuttut, Atuartitsineq & Meeqqerineq

Narsap atuarfiani pisortap tullia

 

Apriilip aallaqqaataani 2021 imaluunniit isumaqagiissuteqarnikkut atuarfiup pisortaatut atorfik inuttalerneqassaaq:

 

Kommune Kujalleq, Narsap Atuarfiani atuarfiani sulisut, atuartut minnerunngitsumillu angajoqqaat aqutsisut allat atuarfiullu sulisui allat peqatigalugit atuarfimmik kivitsisinnaasumik, perorsaanerup aamma angusat tungaatigut siuariariartortitsisinnaasumik, aalajangersimasumik siumullu isigisumik pisortap tullersortissaanik pissarsiorput.

 

Narsap Atuarfia pillugu paasissutissat

  • Atuartut 203-iupput.
  • Ilinniartitsisutut atorfiit 27-nut amerlassusiligaapput. Sulisut katillugit 47-it.
  • Atuarfik immikkoortortaqarfinnut pingasunut agguarsimavoq.
  • Ilinniartitsisut suleqatigiilluartartuupput suleqatinullu nutaanut tikilluaqqusisuullutik.
  • Init atuartitsiviusut tamarmik Prowiceqarput.
  • Atuartut tamarmik atuartitsinermi atorneqartartunik iPadseqarput.
  • Ilinniartitsisut Lærerintra atorluartarpaat angajoqqaanullu Forældreintra atulersinneqarsimalluni.
  • Nunaqarfinni atuarfeqarpoq, savaateqarfinni angerlarsimaffimmi atuartitsisoqartarluni taakkulu suleqatigaavut.
  • Atuarfimmi ineriartortitsisoqarpugut, isumaginninnermi siunnersorteqarluta, ilaqutariinnut klasseqarluta kiisalu atuarfimmi mentoreqarluta iPad atorlugu atuartitsinermi atorneqartartumik.

 

Atuarfiup pisortaata tullianik kissaateqarpugut ukununnga akisussaassusilimmik piginnaanilimmillu:

  • aqutsinissamik, siunnersuinissamik, ilitsersuinissamik aamma nakkutilliinissamik piginnaasaqartumik
  • aningaasaqarnermik paasisimasalimmik aammalu missingersuutinik annertuunik suliaqarsinnaasumik, kontunut inissitsiterinermut, uppernarsaassiinermut akiligassanngortitsinermullu paasisimasalimmik. Atuartitsinermi atortussanik pisiniartartussamik
  • Anguniakkanik sulissutiginnittartumik aamma aaqqissuussinerup iluani eqimattat assigiingitsut ataqqillugit qaffasinnerusumiittunik appasinnerusumiittunillu suleqateqarsinnaassasumik.
  • atuareersunik paarsivimmik, eqqiaasunik kiisalu pedellinik aqutseqataasinnaasumik
  • nunatsinnni atuarfiit pillugit inatsisinik
  • TRIO program atorlugu skemaliornermik (TEA), skemaliornermut programmimut ilisimasaqartumik kiisalu ullaakkut paarsisoqarnermi ataqatigiissaarisuusumik
  • Skoleintramik atuisinnaasumik
  • Terminsprøvertitsinerit allattariarsornikkullu misilitsinnernik isumaginnittussamik
  • Atuartut tammaarsimaarnerinik pilersaarusiortussamik
  • Atuarfiup pisortaa sulinngikkaangat pisortamut tullersortaasartussamik

 

Piginnaasassat:

  • Ilinniartitsisutut ilinniarsimasutit
  • Ilinniartitsisunik, suleqatinik aamma qullersarisannik suleqatiginnilluarsinnaanissat
  • Pisortatut inissisimaninnut tassanilu akisussaaffimmut paasinnissinnaanissat.
  • Atuarfik immikkoortortanut agguataagaq perorsaanikkut aaqqissugaanikkullu ineriartortitseqataaffigissagit
  • Qarasaasianik atuinermut misilittagaqartutit (IT+iPad) – ajornanngippat allaffissornermi atortutut
  • Allakkatigut oqaatsitigullu attaveqarnermut pikkorissuusutit
  • Ulluinnarni sulininni ulapaarsinnaanissannut sapertuunnginnissat
  • Sulisitsisunnut tunniusimanissat
  • Kalaallisut qallunaatullu oqaatsinik atuilluarsinnaanissat, immikkulli piumasaqaataanngillat

 

Neqeroorutigaavut:

  • Aqutsisutut ineriartoq
  • Ilinniarneq
  • Suliatigut siunersioqatigiinneq
  • Suleqatit pikkorissut
  • Aqutsisoqatigiit nukittuut

 

Meeqqanik pinerliisimannginnermut uppernarsaammik:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerliisimannginnermut uppernarsaatip tigunerata kingorna aatsaat atorfinititsisoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

 

Piumasaqaatit uku naammassisinnaasorigukkit qinnuteqaasiussaatit.

 

Atuarfiup pisortaata qullersaa qaninneq tassaavoq Kommune Kujallermi Atuarfeqarnermut Meeqqeriveqarnermut Nutaaliornermullu Ingerlatsiviup pisortaa Qaqortumi kommunip allaffeqarfiani inissisimasoq.

 

Meeqqanik pinerliisimannginnermut uppernarsaammik aamma pinerlussimannginnermut uppernarsaammik Kommune Kujallermi pissarsiariniarneqartumik naammaginartumik peqarneq apeqqutaatillugu atorfinitsitsisoqassaaq.

 

Atorfinitsitaanermi atugassarititaasut:

Atorfininnermi tunngaviusumik isumaqatigiissut 28.10.1998. Naalakkersuisut kiisalu Ilinniartitsisut Meeqqat Atuarfianneersut Kattuffianneersut, IMAK-ip, isumaqatigiissutaat 28. juni 2019-imeersoq nunatsinni il. il. atuarfinni ilinniartitsisunut atuuttoq, kiisalu Ukiuni aalajangersimasuni immikkut atugassaqarluni atorfinitsitsineq pillugu isumaqatigiissut 16. februar 2007-imeersoq.

 

Ukiuni aalajangrsimasuni atorfinitsinneqarnermi isumaqatigiissutip kinguneraa atorfeqalerernermi qaammatit 12-t qaangiutereernerini inatsisit atuuttut najoqqutaralugit atorfinitsinneqartoq taasumalu ilaqutai akiliunneqarlutik feeriarsinnaammata. Tamatuma saniatigut 1991-imi aningaasartat naapertorlugit atorfinereernerup kingorna ukiumoortumik soraarnermi immikkut pissarsiassaq 18.000 koruuninik nalilik tunniunneqartassaaq, taakkulu aningaasat kontumut matoqqasumut ikineqassapput. Soraarnermi aningaasat immikkoortinneqartut soraarnerup kingorna tunniunneqassapput.

 

Atorfimmut tunngatillugu inissaqartitsisoqassaaq, taanna maleruagassat atuuttut naapertorlugit akilerneqartassaaq. Inissamulli utaqqineq pisinnaavoq. Utaqqinermi kommune utaqqiisaasumik ineqartitsisinnaavoq, maleruagassallu atuuttut naapertorlugit akiliisoqartassaaq.

 

Paasissutissat sukumiinerusut pissarsiarineqarsinnaapput atuarfiup pisortaanut saaffiginninnikkut: Bettina A. Hansen oqarasuaat toqqaannartoq atorlugu +299 38 16 02 imaluunniit mail: beah@kujalleq.gl  

 

Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri il.il. PDF-filinngorlugit kommunip nittartagaatigut tunniunneqariissapput kingusinnerpaamik martsip ulluisa qulingiluaat 2021 imaluunniit uunga nassiunneqassallutik:

 

Kommune Kujalleq

Sulisoqarnermut Immikkoortortaqarfik

Postboks 514

3920 Qaqortoq

job@kujalleq.gl

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia