Imarsiornermik Ilinniarfik ilinniartunut suliffimmut misiliinermi ataqatigiisaarisoq /atuartitsisartussamik pissarsiorpoq
Imarsiornermik Ilinniarfimmi ataatsimoorfiusumi akoorusuppit?
Inuusuttut imarsiortunngortussat atuartitsillutit ilinniartitsillutillu qiimassaatigisarpiuk? Aamma siunissami imarsiortussat ilinniartikkusuppigit?
Taannaaguit ujartorpatsigit!

Suliffik pillugu
Atuartitsisutut ilinniartunut, sulinermi misiliinermi ataqatigiisaarisutullu, ilinniarfimmi suleqatigiit ilagalugit, inuussutissarsiutigalugu ilinniakkat, ilinniarsimasutut befaren skibsassistenti EUD/EUX, aalisartoq, angallatip naalagaa, sulinermi misiliinermi pillugit ataqatigiisaarisutut akisussaaffik tigummissavat. Ilinniartitsisoqatigiit pikkorissaasullu suleqatigalugit sungiusarluni suliffissanut alakkarterinissanut isumannaarinninnissamut pilersaarusiorneq suliarissavat aamma inunnut ataasiakkaanut ataatsimoorussanullu atuarnerup ingerlarnga pillugu siunnersuisassallutit.
Ullut suliffiusut amerlanerit kisimiilliutit sulisassaatit ajornanngippat ilinniarfiup immikkoortortaqarfii Paamiuniittoq Nuummiittorlu paarlakaajaallugit, imaluunniit ilinniarfiup aqutsisui ilinniartitsisuilu suleqatigisassavatit. Ulluinnaat nikerartut akimmiffiginagit suliffigisinnaasariaqarpatit, tassani suleqatit ilagalugit siunnersuisarnissat ilusilersornissaanut naammassinissaanullu akisussaasuussallutit.
Ilinniarfimmi ilinniartut ilinniarnerat aamma sulinermi misiliillutik ataqatigiisarnerani saniatigut aamma ukunani atuartitsisassaatit:
Niuffagiutini inuttanngorniat sammisartagaat
PC (Microsoft programmet)
Ataqatigiisaarisutut amerlanertigut ilinniartut ataasiakkaarlugit oqaloqatigineqartassapput. Illit sulinermut misiliinermut ataqatigiisaarisutut pikkorissuseqassaatit, tassani oqaloqatigiinneq naleqquttumik isumalimmillu ingerlasasapput ataqatigiisaarisutut atorfilittut pikkorissutsit atorluassavat. Aamma suliffimmik misiliinnissaq pillugu siunnersuisassaatit nalornissutit qulaajarlugit immaqalu ajornartorsiutinik aaqqiillutit.

Illit

• Imarsiornermik ilinniarneq, inuussutissarsiornermik ilinniarnerup aaqqissuusaanera aamma inuusuttunik sullissinermik ilinniarsimasutut ilisimasaqarneq paasisimasaqarfigissavatit.
• Ilinniartitsineq inuussutissarsiornerlu pillugit siunnersuinermi diplomeqassaatit imaluunniit taanna anguniarpat.
• Allaffissornerup tungaatigut pikkorissuusaatit, digitalimik ilisimasaqassaatit siunnersuinissamik aaqqissuusaq ilisimallugulu. Qujanassaqaaq misilittagaqaruit.
• Inuit ataasiakkaat, atuarfimmi ilinniarfissanullu alakkaanerit aqutsigalugit, ilinniarnerat atorfimmilu iluatsitsinissaanut aqutsissiuinissat piginnaasaqarfigissavat.
• Akunnermuliuttuusaatit nukittooq. Atuaqatigiit ataatsit arlariilluunniit, ilinniartitsisut ilinniarfiillu saqqummiinerini sassartarnissat nuannarisuussavat.
• Pisunut maluginnilluarsinnaasuussaatit sulisorpalaartumillu qisuariartartuullutit.
• Kalaallisut oqaatsit ilitsoqqussatut piginnaasaqarfigissavatit, taavalu danskisut tuluttullu qaffasissumik oqaatsitigut piginnaasaqarfigalugit.
• Kalaallit Nunaannut tunngasunik ilisimasaqarluassaatit Kalaallit Nunaannilu inatsisiliat suliamut attuumassutillit ilisimassallugit.

Uagut
Suliffittut ilinnut neqeroorutigaarput:

• Ilinniarfimmi suleqatigiit ataatsimoortut nikerarsinnaasut ineriartornissamullu siunertallit, suliamut atorfimmilu pikkorissusermut tunniusimalluartut. Illit uagullu suliagut qaqilertassavagut, ataatsimoorluta ilisimasagut nutarterlugit periarfissanik aqutsissanillu nutaanik misileraasarluta.
• Avitseqatigiinneq suleqatigiittullu nakkutigeqatigiinneq aqqutigalugu nammineq suleqatillu suleriusaat aqqutigalugit siunnersueriaatsinnik ineriartortitsinissat. Nuna tamakkerlugu misilittakkanik avitseqatigiittarnernut iluarsartuusinermi pilersaarusiornernilu peqataasassaatit.
• Namminersorlutit sulisassaatit pilersaarusiorlutit, ataqatigiisaarillutit suliassanillu naammassinnittarlutit, ingammik siunnersuinermik sammisaqarnermi, kisianni aamma suleqateqartassaatit soqutigisaqartullu suleqatigisassallugit.

Paasissutissat naleqquttut
Atuarfimmi siunnersuisarneq, suliffiit misiliifiusinnaasut alakkarterinerit aammalu akuersaarnissaanut suliaqarneq, avammullu paasisitsiniutinik tunngasuteqartut.
Atorfik Nuummiippoq

Ulloq sulilerfissaq: kingusinnerpaamik 01.februar 2025 imaluuniit isumaqatigiissuteqarnikkut

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.