sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

1 fysioterapeuter søges til Området for Velfærd i Sisimiut

Qeqqata Kommunika

Sisimiut
Ikkunneqarpoq: 26-11-2020
Piffissaq atuuffissaa naassaaq: 14-12-2020
Suliffissamut ID normut: LJA-81427370
Atorfeqarnermi atugassarititaasut: Tamakkiisoq
Suliassaqarfik: Peqqinnissaq

Sisimiuni timimik sungiusaasumik ataatsimik piffissaq tamakkerlugu sulisussanik pissarsiorpugut.

 

Qeqqata Kommuniata ukiut kingulliit suliniuteqarfigaa ”Inuunerissaarneq – det gode liv”. Tassunga atatillugu kommuni illoqarfinni marluusuni (Sisimiut aamma Maniitsoq) suleqatigiit pillorissaasunik pilersitserusuppoq, timimik sungiusaasunik, pillorissaasunik aamma tarnip pissusiinik ilisimasalinnik ilaasortaqartunik, innuttaasut timikkut tarnikkullu peqqissusaannik sullissisussat.

 

Suleqatigiit pillorissaasut Sisimiuni ima aaqqissorneqassapput, timimik sungiusaasut marluk (aappaa Utoqqaat Illuani atorfilik) aammalu pillorissaasoq, napparsimavillu avitseqatigiinnikkut atorfeqartussat.

Immikkoortortami timimik sungiusaasutut pillorissaasoq, sullissisut aamma angerlarsimaffimmi ikiortit qanimut suleqatigissavatit.

 

Taakkua saniatigut napparsimavimmi, Pissassarfik (nuna tamakkerlugu innarluutilinnik sullissivik) aammalu Utoqqaat Illuanni sulisut suleqatigisassavatit.

 

Sisimiut 5.600 missaanik innuttaasoqarpoq. Sisimiut pingasunik nunaqarfeqarpoq. Kangerlussuaq, Sarfannguit aamma Itilleq, taakkunani Kangerlussuaq anginersaalluni 600 missaanik innuttaasoqarluni. Kommunip nunaqarfiinut sulinermut atatillugu angalasoqartassaaq.

 

Sapaatip akunneranut suliffiusartoq: 40 tiimiit

 

Timimik sungiusaasut suliassaat:

  • Innuttaasunik misissuinerit, naliliinerit katsorsaanerillu/sullissinerillu
  • Ataavartitsisussamik sungiusarneq, ataasiakkaarinikkut holdikaartumillu.
  • Ikiuutinik nalilersuineq, ikiuutit pillugit sullissineq, ikiuutinik pisineq atukkiussinerlu
  • Innuttaasut namminneq angerlarsimaffimminni nammineersinnaassusaat nukittorsarlugu
  • Utoqqaat angerlarsimaffianni najugaqartut sammisaqartitsinerni- aamma akuunerulernissaannut ikiorlugit
  • Innuttaasut timimikkut aamma /immaqaluunniit tarnimikkut innarluutillit nukiisa tamakkiisumik atortissinnaalernissaat namminnerlu piumasaqaataat naapertorlugu eqeersimaartumik inuuneqarnissaat
  • Sullitanik ataatsimeeqateqarneq, ilaqutaasunik/qanigisaasunik aammalu akimortumik suleqatigiinnik ataatsimeeqateqartarneq
  • Allaffissornikkut suliassat

 

Pingaartipparput illit:

  • Timimik sungiusaasoq ilinniarsimasoq
  • Innarluutilinnut utoqqarnullu tunngasunut soqutigisaqarluartuusutit
  • Kommunimi timimik sungiusaasutut suliaqarnermi misilittagaqarnissat
  • Namminersorlutit suliaqarsinnaasutit, suliffissannillu ilusilersuisinnaallutit pilersaarusiorsinnaassasutit.
  • Akimortumik sulialinnik suleqateqartarnermik ilisimasaqarluartutit
  • Isumassarsiullaqqissuusutit, iliuuseqarusussuseqartoq suliatigullu inissilluarsimasutit
  • Kulturini assigiinngitsuniissinnaasutit
  • tamatigoortuusutit, pissutsinilu allanngorartuartumi allannguinissamut piareersimasuusutit
  • Inuunerissaarneq – det gode liv” pillugu kommunip takorluugaanik piviusunngortitseqataallutit
  • Oqaatsit marluk atorsinnaagukkit pitsaaqutaassaaq, piumasaqaataanngilarli

 

Neqeroorutigaarput:

  • Ilinniartitsineq aammalu ilinniartinneqarnermi aalajangersimasumik attaveqaatissaq.
  • Suliffik namminersorsinnaanermi unammilligassanut periarfissaqarluartoq.
  • Sunneeqataasinnaaneq, ulluinnarnilu suliassannut nammineq pilersaarusiorsinnaaneq.
  • Illoqarfimmi timimik sungiusaasut allat isumasioqatigisinnaanissaat
  • Suliatigut pikkorissarsinnaaneq illoqarfiup iluani avataanilu pikkorissarnerni.
  • suleqatit pikkorissut qiimasut imminnullu isumassoqatigiittut.

 

Sisimiut pinngortitamut kusanarluinnartumut qanippoq, aasakkut ukiukkullu sammisaqarnermi periarfissaqarluartumut. Ukiukkut qimusserneq, snescootererneq imaluunniit ujakkaarneq sammineqarluartarput, aasakkullu arpanneq aammalu pinngortitami pisunneq periarfissaalluartarlutik. Illoqarfimmittaaq kulturikkut timersornikkullu sammisaqartitsinerni peqataasoqarsinnaavoq.

Qinnuteqarfissamut killiliussaq: 14. december 2020

 

Piaartumik isumaqatigiissuteqarnikkulluunniit atorfinititsisoqassaaq.

Ulloq sulilerfissaq: 2021-imi januaarip aallaqqaataani isumaqatigiissuteqarnikkulluunniit.

 

Pinerlussimannginnermut uppernarsaat:

Atorfik una pinerlussimannginnermik allagartamik paasiniaanissamit inatsimmik pisussaatitaavoq. Inatsit naapertorlugu kommuni pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik erseqqissaatigineqassaaq ulloq atorfiniffissaq isumaqatigiissutaasinnaammat, kommunip pinerlussimannginnermik allagartaq politiinit tigoreernerata kingorna.

Akissarsiat atorfinitsitaanermilu atugassarititaasut:

Kalaallit Nunaanni Naalakkersuisut kattuffiullu allap isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq

Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Inissaqartitsisoqarsinnaavoq, malittarisassat atuuttut malillugit ineqarnermut qaammammut akiliisoqartassalluni.

 

Atorfik pillugu paasissutissat annertunerusut Atugarissaarnermut Pisortamut Estella Buhrkall oqarasuaat: (+299) 86 74 31, mail; esbu@qeqqata.gl imaluunniit Ittukusuk Heilmann oqarasuaat (+299) 86 74 17, mail; ithe@qeqqata.gl atorlugit pissarsiarineqarsinnaapput.

 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut