Naalagaaffinngornissamut Nunanullu Allanut Naalakkersuisoqarfik aprilip aallaqqaataanit isumaqatigiissuteqarnikkulluunnit atorfinittussamik AC-fuldmægtigenik marlunik pissarsiorpoq. Atorfiit utaqqiisaasumik suliniutinik ingerlatsinermi ingerlassaaq, naatsorsuutigaarpullu 2027 naaneranut ingerlassasoq.
Sulisunik pikkorissunik marlunnik allaffeqarfimmi
Issittumut tunngasuni assigiinngiiaartunik suliaqarsinnaasunik ujaasivugut.

Nunatta nunarsuarmioqatigiinni suleqataanerani nunarsuamioqatigiinnilu oqalliffinni assigiinngitsuni soqutigisaasa ingerlannissaat atorfiit siunertaraat. Tassunga atatillugu AC-fuldmægtiginik marlunnik nunatta issittumi suleqataanerani, tassunga Issittumi Siunnersuisooqatigiit ilanngullugu sulinermi tapertaasussanik pissarsiorpugut.

Allaffeqarfimmi sulisut allat peqatigalugit Naalagaaffinngornissamut Nunanullu Allanut Naalakkersuisoqarfiup suliassaat tassunga tunngasut suliarissavatit ilaatigut makkuusut

• 2025-2027 Issittumi Siunnersuisooqatigiinni siulittaasuuffimmi ingerlatinissamut peqataaneq
• Naalakkersuisumik sullissineq, misissueqqissaarnerit, ataatsimiinnissanut piareersarneq aammalu nunarsuarmioqatiginni suleqateqarnermi peqataanerit allat
• Naalakkersuisoqarfiup ingerlatsinerani suliassaanut pisortallu suliassaasa suliarineranni peqataaneq, tassunga ilanngullugit nunanut allanut ministeriap issittmut immikkoortortaqarfia, saalimmiut naalakkersuisuinik aammalu issittumi siunnersuisooqatigiit allattoqarfiat Tromsømiittoq ataqatigiissaareqatigiiffiginissaat  
• Naalakkersuisoqarfiit, avataaniillu tusarniutigineqartut ataqatigiissarlugillu akissuteqarfiginissaat
• Nunanut allanut suliassat assigiinngitsut aammalu suliassat takkussinnaasut suulluunnit (ad hoc) suliarinissaat.

Atorfiup imaisai pisinnaasat piginnaasallu allaffeqarfimmi pisariaqatinneqartut aallaavigalugit inaarutaasumik nalimmassarlugit inissinneqavikkumaarput.

Immikkut imaluunnit siunnersortit pisortaattut atorfinitsinneqarsinnaavoq qinnuteqartumut eqqortumut.

Nunanut Allanut immikkoortortaqarfik pillugu
Nunanut Allanut immikkoortortaqarfik aaqqissuussaanikkut Naalagaaffinngornissamut Nunanullu Allanut Naalakkersuisup ataani inissisimavoq. Nunanut Allanut immikkoortortaqarfimmi sulisut 20-t missaanniittut aorfeqartinneqarput. Allaffeqafik Nuummi Nunanut allanut immikkoortortaqarfimmi aammalu Bruxellesimi, Washington D.C.-mi, Reykjavikimi Beijingimilu aallaaveqarpoq.
Nunatta nunanut allanut soqutigisaasa suliarinissaat, naalakkersuisoqafiillu assigiinngitsut nunarsuarmioqatgiinni suliaqarneranni ataqatigiissarnissaanut aaqqissuussiffiginissaannullu nunanut laanut immikkoortortaq qitiusumik inissisimasuuvoq. Suliavut tassaapput nunanut allanut attaveqarneq aammalu nunat sumiiffiini nunarsuarmioqatigiinnilu suleqateqarneq, tassunga ilaallutik Nunat Avannaliit Siunnersuisooqatigiivi, Issittumi Siunnersuisooqatigiit taamatullu FN-ip inuit pisinnaatitaaffiinu siunnrsuisooqatigiit aammalu FN-ip Nunap Inuiinut Ataavartumik Oqallittarfiat.  Aammattaaq Namminersorlutik Oqartussat illersornissamut isumannaallisaanikkullu Kalaallit Nunaannut tunngasuni Danmarkimik suleqateqarneranni peqataavoq. Paasissutissat annertunerusut uani atuarsinnaavatit www.naalakkersuisut.gl

Piginnaasat pisinnaasallu

• Tulluartumik ilisimatusaatigalugu ilinniarsimaneq
• Suliffeqarfimmi politikkikkut aqunneqartumi sulinermut misilittagaqarneq iluaqutaassaaq
• Nunarsuarmioqatigiinni suliaqarfiit kattuffiillu aamma/immaqa nunani allani sulisimanermi misilittagaqarneq tassunga ilanngullugu tuluit oqaasiinik atuilluarsinnaaneq. Suliaqarfimmut misilittakkat, ilisimasat soqutiginninnerlu iluaqutaassapput  
• Kalaallinut inuiaqatigiinnut kulturiannullu ilisimasaqarneq
• Kalaallisut, danskisut, tuluttut oqaatsinillu allanik atuisinnaaneq annertuumik iluaqutaassapput.

Atorfiit killilikkamik isuliniuteqarnermi atorfiuvoq, 2025-2027 aningaasanut inatsimmi immikkoortinneqarsimasut aallaavigalugit inissitaallutik. Suliniutinik ingerlatsiffiup ingerlanerani sulisoq suliassanut allanut nuunneqarsinnaanissaminut piareersimassaaq. Periarfissaassappat suliniuteqarfiusup naammassinerani Naalagaaffinngornissamut Nunanullu Allanut Nalakkersuisoqarfimmi 2027 kingorna atorfinivissinnaaneq nunanut allanut immikkoortumi sulisut allat assigalugit nunani allani kalaallit sinniisoqarfiannut aallartitaasinnaanermik periarfissaqartoq naliliiffigineqassaaq.

Neqeroorutigaarput
Naalagaaffinngornissamut Nunanullu Allanut Naalakkersuisoqarfik suliffeqarfiuvoq pitsaasumik ingerlasoq, taamaattumillu suleqatigaassavut qiimmisaarnartumut avatangiiserissaartumullu tikilluaqqunissaannut neqeroorsinnavugut.
Naalakkersuisoqarfiup nunanut allanut immikkoortortaqaqarfia ulapaarfiuvoq, immitsinnut isummersoqatigiiffigisarpugut suliassallu tamaasa matussuserniarlugit suleqatigiinneq ingerlattarlutigu, tassunga ilaavoq atorfimmt atatillugu piffissat ilaanni angalasarnissat.
Pisut ilaanni sulisut Kalaallit Nunaat avammut kiinnernerani sinniisuutitaasarput – angalanermi, aammali Kalaallit Nutaat tikraarnermik aaqqissuussinermi.
Sulisut tamarmik pingaartineqarnermik misiginisaat sulissutigiuarparput, taamatullu suliartornissartik pingaaruteqartuusoq misiginissaat pingaartitaraarput. Sulisut ataasiakkaat ineriartornissamut ilinniaqqinnissamut pisariaqartitsinerat tapersersorparput, inuttut suliffimmullu atatilllugu.

Isumannaallisaanikkut akuerineqarneq
Atorfinnut inissinneqassagaanni malittarisassat atuuttut aallaavigalugit isumannaallisaanikkut akuerineqarnissat piumasaqaataavoq. Taamaattumik pinerluutqarsimannginnermut uppernarsaat ilanngullugu nassiunneqassaaq. Tamanna sumiiffimmi politeeqarfimmi imaluunnit www.politi.gl aqqutigalugu pissarsiarineqarsinnaavoq.

Paasissutissat annertunerusut
Atorfinnut tunngatillugu annertunerusumik paasisaqarusukkuit attaveqarnissannu tikilluaqqusaavutit, attaveqarfissaq Mininnguaq Kleist, mikl@nanoq.gl, imal. +299 34 50 00.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.