Malugiuk atorfimmut allagarsiissutaasumut matumunnga piffissaliussaq naareerpoq! Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
2 familieplejekonsulenter
Kommune Kujalleq
Qaqortoq
Ikkunneqarpoq: 23-03-2023
Piffissaq atuuffissaa naassaaq: 17-04-2023
Suliffissamut ID normut: LJA-84637977
Atorfeqarnermi atugassarititaasut: Tamakkiisoq
Suliassaqarfik: Meeqqat & inuusuttut, Allaffik & allaffissorneq, Isumaginnittoqarfik
Qaqortumi Meeqqanut Ilaqutariinnullu Ingerlatsivik ilaqutariinnut paarsisartunut marlunnik siunnersortissarsiorpoq
Meeqqanut Ilaqutariinnullu Ingerlatsivimmi marlunnik ilaqutariinnut paarsisartunut siunnersuisartussamik suleqatissarsiorpugut maajip ulluisa aallaqqaataat 2023 isumaqatigiissuteqarnkkulluunniit. Tamatuma saniatigut ilaqutariit paarsisartut kiisalu meeqqanik ilaqutariinnullu sullivimmi sullissisut qanimut suleqatigissavatit. Ilaqutariinnut paarsisartoqartitsinerput ineriartortitseqataaffigerusukkukku nukittorsaqataaffigerusukkukkulu immaqa tassaavutit suleqatissarput nutaaq.
Naatsorsuutigaarput:
- Isumaginninnermi siunnersortitut tassungaluunniit attuumassutilimmut ilinniarsimasuusutit.
- Meeqqanut tunngasutigut ukiuni qassiini misilittagaqartutit oqartussatullu sulinermut kajumissuseqarlutit
- Meeqqanut tapersiisarnermut inatsit kiisalu ilaqutariit paarsisartut pillugit aalajangersakkat atuuttut allat ilisimasaqarfigilluaritit.
- Allakkatigut oqalunnikkullu attaveqallaqqissuullutit
- Meeqqat ajornartorsiortut piariaqartitaat ineriartornerillu ilisimasaqarfigilluaritit
- Ilaqutariit akornanni pissutsinut tapissuusutit
- Namminersorlutit sulisinnaasuseqartutit kiisalu ilaqutariit paasisartunik suleqateqarsinnaasutit
- Marluinnik oqaasiliusutit (kalaallisut/danskisullu)
Suliassatit:
- Ilaqutariittut paarsinissamut akuersissutinik qinnuteqaatinik tigusinermi suliassat tamaasa
- Ilaqutariittut paarsinissamut akuersissutinik aalajangiineq sioqqullugu tamakkiisumik misissuineq
- Paaqqinninnersiutinik isumaginninneq
- Ilaqutariit paarsinissaannut akuersissutinik nakkutilliineq
- Naliliinernik allagaqarneq
- Ukunani ilitsersuineq qaammarsaanerlu: Angajoqqaarsianngortussanut atorfinitsitsisarneq
- Angajoqqaarsianut oqilisaassilluni oqaloqatiginnittarneq
Pinerliisimannginnermut uppernarsaat/meeqqanik pinerliisimannginnermut uppernarsaat:
Atorfik una pinerlussimannginnermik allagartamik paasiniaanissamit inatsimmik pisussaaffiliivoq. Inatsit naapertorlugu kommunip pinerlussimannginnermik allagartamik tigusinerata kingorna aatsaat atorfinittoqarsinnaavoq.
Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.
Neqeroorutigaavut:
Suliffik pissanganartoq unammillernartunillu suliassartalik, imarisassaanik nammineq sunniuteqarfigineqarsinnaasoq, suliffeqarfimmilu ineriartortinneqartuartumi allanngorartuartumilu annertuumik akisussaassuseqarfiusoq. Pitsaasumik suleqatigiittoqarnissaa anguniartuarparput, aqutsisut akornanni qanimut immersoqatigiiffiusoq, kiisalu aallartitsinissamut nutaaliornissamullu aamma assigiinngitsunik suliaqarnissamut nutaaliornissamullu inissaqartitsiffiusoq.
Neqeroorutigisinnaavarput atorfik meeqqanut sullissinermi sunniuteqarnissamut, akisussaaqataanissamut ineriartortitsinissamullu periarfissalik. Atorfiup saniatigut, pingaartumik atorfimmut sunneeqataanissannut ilusilersuinissannullu periarfissaqalernivit saniatigut, kalaallit kulturiat pinngortitarlu qanimut misiginissaanut periarfissaqalissaatit.
Akissarsiatigut atorfimmilu atugassarititaasut pissapput Naalakkersuisut kiisalu Atorfillit Kattuffiata Isumaginninnermi siunnersortit suliassalerisullu Namminersorlutik Oqartussani kommuninilu atorfeqartut pillugit isumaqatigiissutaat
Atorfimmut atasumik inissaqartitsisoqarsinnaassaaq, tassungalu tunngatillugu malittarisassat atuuttut najoqqutaralugit ineqarnermut akiliutit allallu akilerneqassallutik.
Aammattaaq malittarisassat atuuttut malillugit sivikinnerpaamik ukiuni pingasuni atorfeqareersimanermi soraarnerup allamullu nuutsinneqarnerup nassataanik pigisanik assartuinermut aningaasartuutit akilerneqassallutik.
Atorfik pillugu paasissutissat sukumiinerusut kiisalu atorfimmi suliassanut nassuiaat paasissutissat sulianik aqutsisoq Ivalu Lund saaffigalugu pissariarineqarsinnaapput oqarasuaammut 645375 e-mail ivlu@kujalleq.gl
Qinnuteqaat, pineqaatissinneqarsimannginnermik uppernarsaatitalik, kiisalu ilinniagaqarsimanermut siusinnerusukkullu sulisimanermik paasissutissartalik, ilinniarsimanermut uppernarsaatit nuunnera, allallu pdf-inngorlugit Kingusinnerpaamik 17.april 2023 nittartagarput aqqutigalugu kommunimit tiguneqareersimassapput.
MALUGIUK: Qinnuteqaatit pappilianngorlugit mailikkulluunniit tiguneq ajorpavut, qinnuteqaatit nittartagaq aqqutigalugu nassiunneqarnissaat inussiarnersumik piumasarineqarpoq.
”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput ”