sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

2 sagsbehandlere til børn og unge

Avannaata Kommunia

Upernavik
Ikkunneqarpoq: 12-11-2020
Piffissaq atuuffissaa naassaaq: 03-12-2020
Suliffissamut ID normut: LJA-81378720
Atorfeqarnermi atugassarititaasut: Tamakkiisoq
Suliassaqarfik: Allat

Avannaata Kommunia Upernavimmi, Ilaqutariit immikkoortortaqarfiani meeqqanut inuusuttunut, ilaqutariinnullu isumaginninnermut sullissisunik marlunnik pissarsiorpoq 15. december 2020 isumaqatigiissuteqarnikkulluunniit sulilersussanik.

 

Inunnik isumaginnittoqarfinni meeqqanut inuusuttuaqqanut, ilaqutariinnullu sullissisut, ikiorsiisarnermilu sullissisut allat suleqatigissavatit. Inunnik isumaginnittoqarfimmi aqutsisoq qaninnertut qullersarineqassalluni.

 

Suliassat akisussaaffiillu:

  • Kommunimi meeqqat qanoq inuunerminni atugaqarnerisa nakkutigineri aammalu ikiortariaqarsinnaasunik sullissinerit nalunaarutiginninnerillu.
  • Saaffiginnittunik sullissineq oqaloqateqarneq meeqqanut inuusuttunut ilaqutaannullu tunngasunik siunnersuineq.
  • Inatsisit malillugit meeqqanut ikiorsiissutinik nalilersuineq – matumanilu pisariaqartitaat naapertorlugit ikiorsiissutinik tunniussineq.
  • Meeqqanik ulloq unnuarlu inissiisarfimmiittunik imaluunniit kommunip avataani efterskolertunut nakkutilliineq sullissinerlu. Matumani meeqqat angajoqqaavinut ilaqutaasunullu allanut attaveqatigiinneq attatiinnarniarlugu.
  • Suleqatigiit ataatsimiinnissaannut innersuussutinik suliaqarneq, suliassaqarfiit akimorlugit suleqatigiisitanut aammalu Isumaginninnermi Ataatsimiititaliamut qinnuteqaatit, suliaqarfiit akimorlugit suleqatigiisitat ataatsimiititaliaata ataatsimiinnerini innersuutit aalajangerneqartut aammalu Isumaginninnermut Ataatsimiititaliap aalajangigai aallaavigalugit sullissineq.
  • Nunaqarfinni suleqatit meeqqanut inuusuttunut ilaqutaannullu tunngasunut siunnersueqatigisarneri.
  • Sapinngisamik pisariaqartitsineq tunngavigalugu meeqqanut inuusuttunut ilaqutaannullu tunngasuni immikkoortortami suleqatinik paarlaasarneq.
  • Sumiiffimmi isumaginninnermi pigaartartunut peqataaneq.
  • Suliassat takkussuuttut naliginnaasut allat suliaralugit.

 

Piginnaasat kissaatigineqartut:

  • Isumaginninnermi siunnersortitut ilinniarsimanissaq.
  • Suliamut tunngassutilinnut pikkorissarnissamut piumassuseqarneq soqutiginninnerlu aammalu ilinniaqqissinnaanerit suliamut attuumassutillit.
  • Meeqqanut tunngatillugu sullissinermik misilittagalik ilanngullugit meeqqanut inuusuttunullu ikiorsiinermut peqqussut malillugu ikiorsiisarnermik suliaqartarsimanerit takussutissallit.
  • Suleqatinik aqutsisunillu suleqatiginniluarsinnaaneq.
  • Isumaginnittoqarfimmi sullissisutut sullissinermi aaqqissuussaanikkut aqutsinikkullu aalajangersakkanik malinnissinnanneq suleqatinillu suleqateqarluarsinnaaneq.
  • Suleqatinik avataaneersunik pitsaasumik suleqateqarnermut misilittagaqarneq, suleqatigiit ataatsimiinnerini, sulaqarfiit akimorlugit ataatsimiinnerni imaluunniit immikkoortortaqarfiit akimorlugit sullissinermi.
  • Maligassiuisoq, sullitanut attaveqatiginninnermut pikkorissoq.
  • Tarnikkut nukittooq, akerleriinnernik aqutsisinnaaneq.
  • Tulleriiarluakkamik sulisinnaaneq, tatiginartoq akisussaassuseqartorlu.
  • Aalajaatsoq peqqissaartorlu.

 

Piffissaq qaninnerusoq isigalugu atorfimmi anguniarneqarpoq sullissinerup pitsaanerusunngortinneqarnissaa, kiisalu misissorneqassalluni ikiorsiissutinik naleqquttunik meeqqanut inuusuttunut ilaqutaasunullu tunngasuni tunniunneqartartunik pitsanngorsaanerit.

 

Piffissaq ungasinnerusoq isigalugu meeqqanik inuusuttunillu annertuumik sumiginnaanerit, timikkut tarnikkullu nakuusernerit, kinguaassiuutitigut atornerlunneqarnernut annikillisinniarneqarnissaanut suleqataaneq aammalu angajoqqaat piginnaasaat nukittorsaaneq.

 

Akissarsiat atorfinititsinerlu:

Akissarsiaqartitsineq atorfinititsinerlu pissapput kattuffimmut isumaqatigiinninniarsinnaatitaasumut isumaqatigiissutit sukkulluunniit atuuttut naapertorlugit.

 

Atorfimmut atatillugu inissaqartitsisoqarpoq.

 

Atorfimmut tunngatillugu annertunerusumik paasisaqartoqarsinnaavoq aqutsisumut

Lydie Knudsen Løvstrøm-imut oqarasuaat 38 79 1-mut saaffiginninnikkut imaluunniit e-mail: lykn@avanaata.gl

 

Qinnuteqaat ilinniarsimaneq suliffigisimasallu pillugit paasissutissat, ilinniarsimanermut uppernarsaatit il.il. ilanngullugit nassiunneqassapput Avannaata Kommuniata nittartangaatigut inuttassarsiukkami “Atorfik una qinnuteqarfigiuk” toorneratigut kingusinnerpaamik:

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut
HECA A/S
Kommune Kujalleq
Qaqortoq
Grønlands Selvstyre
Nuuk
Suliffeqarfimmit ataatsimit suliffissat allat