sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Aalisarnermut, Piniarnermllu Naalakkersuisoqarfimmi

Namminersorlutik Oqartussat

Nuuk
Ikkunneqarpoq: 23-09-2021
Piffissaq atuuffissaa naassaaq: 20-10-2021
Suliffissamut ID normut: LJA-82703787
Atorfeqarnermi atugassarititaasut: Tamakkiisoq
Suliassaqarfik: Aalisarneq & fabrikki

Sulilerfissaq 1. november 2021 imaluunniit piaarnerpaamik
Aalisarnermut Piniarnermullu Naalakkersuisoqarfiup Kalaallit Nunaani pisuussutit uumassusillit isumagisarai, soorlu aalisarneq, piniarneq, tapiissutinut tunngasut, aalisarnermik piniarnermillu nakkutilliineq kiisalu uumasunik inuussutissanillu nakkutilliineq. Suliassaqafiillu politikkikkut eqqummaariffineqartorujussuupput, ilaatigut isumaqatigiiginnarfiunngitsumik.naalakkersuisoqarfik arfineq marlunnik immikkoortoqarfeqarpoq, tassanilu Aningaasanut allaffissornermut, Sulisunut tapiisarnermullu immikkoortoqarfik pingasunik ilinniartunillu marlunnik kiisalu immikkoortoqarfiup pisortaanik sulisoqarluni. Naalakkersuisoqarfimmi Immikkoortoqarfiup pigaarnertut suliassaaraa naatsorsuutinut- sulisoqarnermut tunngasut. Suliassallu taakkua saniatigut aalisartunut piniartunullu tapiisarnermut tunngasut suliaralugit.

Atorfimmut tunngasut.
Inuttaasup pingaarnertut suliarissavaa naalakkersuisoqarfiup naatsorsuutitigut ingerlatsiviani akiligassatigut ilanngussat, akilikkanik allagartat  tamarmiusut, malittarisassat Namminersorlutik Oqartussanit atulersinneqartut naapertorlugit naligiissaarinernik ingerlatsisarnerit kiisalu suliassat allat naatsorsuusiorfiup ataani inissisimasut, soorlu sulisunut tunngasut.
Naalakkersuisut Inatsisartullu naalakkersuinikkut anguniagassatut siunniussimasaat aalajangersimasaallu tamakkiisut naapertorlugit aningaasaqarnermut tunngatillugu pilersaarusiortarneq aalajangersimasunillu suliniuteqartarnissaq atorfinittussap isumagisassavai.
Naalakkersuinikkut siuttut siunnersorneqartarneri, tassunga ilanngullugu aalajangernissani naammattumik tunngavissaqartarnissaq kiisalu aalajangiussat maleruagassat, suleriaatsit pitsaassusissaanillu piumasaqaatit naapertorlugit atuutsilersinneqartarnissaat akisussaaqataaffigissavatit.
Missingersuutinik- naatsorsuutinillu malitseqartitsisarnertigut suliassat suliarisassavatit, tassunga ilanngullugu aningaasanut inatsisissatut siunnersuummut ilanngussassanik suleqataasarneq naalakkersuisoqarfiup immikkoortortaqarfii ataasiakkaat qanimut suleqatigalugit.

Suliassat

  • Naatsorsuuserivik
  • Nalimmassaaneq
  • Aningaasaqarnermik aqutsineq
  • Missingersuutinik- naatsorsuutinillu malitseqartitsineq
  • Suliassat tapiisarnermut tunngasut suliarineri
  • Akiliutigineqartartut pillugit qinnuteqaatit
  • Akissarsianik nalimmassaanerit
  • Naatsorsueqqissaarutinik suliarinnittarneq
  • Sulisoqarneq pillugu suliassat assigiinngitsut, soorlu sulisussarsiornerit.

Piginnaasat:
Naatsorsuutigaarput:
  • Niuernikkut allaffimmiutut attuumassutilimmik ilinniagaqarsimasutit
  • Atorfimmik assingusumik misilittagaqarsimanissaq
  • Namminersorlutik Oqartussani suleriaatsit, maleruagassat sakkullu ilisimasaqarfigigitit
  • Nammineerlutit, aaqqissuulluakkamik anguniakkanillu aalajangiussisimalluartuullutit sulisinnaasutit
  • Suliassanik siuariartortitsinissamut akisussaaffeqarnissamut aamma suliassat suliarineranni pitsaassutsimik qulakkeerinninnissamut piareersimassasutit.
  • Pitsaasumik attaveqalersitsisinnaassuseqarluartutit, sulisinnassuseqarluarlutit sunniuteqaqataasinnaassuseqarluartutillu
  • Kalaallisut danskisullu allattarissanik oqaluinnarlutillu erseqqissuliorsinnaassasutit
  • Suleqatigiuminartuusutit
  • Sulinermut suleqatinullu tamatigoortumik ilalaartumillu isummersinnaasutit
  • Marloqiusanik oqaaseqarnissaq, Kalaallisut qallunaatullu.

Attavigisassat/ilisimatitsissutit:                  
Atorfik pillugu sukumiinerusunik paasisaqarusukkuit, tikilluaqquneqarput attavigissallugu immikkoortumi pisortaq Pollas Lyberth oqarasuaat + 299 34 5302 imaluunniit e-mail: poly@nanoq.gl
Namminersorlutik Oqartussat pillugit paasisaqarnerorusukkuit paasissutissat allat www.nanoq.gl-imi, Atorfiit ataani atuarsinnaavatit.

Qinnuteqaat
Qinnuteqaammut killigititaasoq tassa ulloq 19. oktober 2021.
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia