Malugiuk atorfimmut allagarsiissutaasumut matumunnga piffissaliussaq naareerpoq! Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Aasiaat - Bibliotek søger en ledende bibliotekar
Kommune Qeqertalik
Aasiaat
Ikkunneqarpoq: 27-03-2023
Piffissaq atuuffissaa naassaaq: 20-04-2023
Suliffissamut ID normut: LJA-84647108
Atorfeqarnermi atugassarititaasut: Tamakkiisoq
Suliassaqarfik: Aqutsineq, Allaffik & allaffissorneq
Aasianni atuakkanik atorniartarfimmi pisortatut atorfik 01. maj 2023 isumaqatigiissuteqarnikkulluunniit inuttassarsiorneqarpoq. Sapaatip akunneranik suliffik: akunnerit 40-t.
Atuakkanik atorniartarfimmi pisortap, ikiorti ataaseq, kiisalu Kitsissuarsunni, Akunnaami aammalu Ikamiuni
piffissami ilaannakortumi atorniartitsisartut pingasut qaninnertut akisussaaffigissavai.
Aasianni atuakkanik atorniartarfiup ilaatigut kiffartuuppai uku: GUX-mi ilinniartut, Majoriami atuartut, meeqqat atuarfiat meeqqeriviillu, sunngiffimi ornittakkat allallu kommunip ataani suliffeqarfiit, kiisalu eqimattakkaat assigiinngitsut atuakkanik atorniartarfik suleqatigalugu aaqqissuussanik assigiinngitsunik ingerlatsisartut
Atuagaatilerisuunerup suliassai:
- Aasiaani nunaqarfiinilu atuakkanik atorniartarfimmi aqutsisoq
- Innuttaasunik sullissineq
- Ulluinnarni ingerlatsinermik aningaasaqarnillu akisussaasoq
- Nunaqarfinni piffissami ilaannakortumi atuakkanik atorniartitsisunut pingasunut qaninnertut sulisitsoq (Kitsissuarsuit, Akunnaaq og Ikamiut)
- Atorniartitsinermut systemimut akisussaasoq
Inuttut piginnaasat:
- Pilersaarusiornermut aaqqissuussanullu nammineersinnaassusilik
- Ammasoq oqitsunnguamillu atassuteqarsinnaasoq
- Ilisimasanik isumassarsianillu piviusungortitsisinnaallunilu iliuseqarsinnaasoq
- Pisuni iliuseqareersinnaasuussaatit – tassa; suleqativit sulilluartutit malugisinnaassavaat.
Naatsorsuutigaarput:
- Atuagaatilerisutut ilinniagaqarsimasuussasutit, allamilluunniit tulluartumik ilinniagaqarsimassasutit
- Kalaallit kulturiannut inuiaqatigiinnullu attuumassuteqartunut sulerusussuseqartutit inuiaqatigiinnilu marluinnik oqaaseqartuni peqataarusussuseqartutit
- Teknologimik atuisinnaasutit aammalu IT-mut pikorissuusutit
- Namminersortuusutit suleqatikkuminartuullutillu
Qinnuteqartut piumaneqarnerusut:
- Sulisoqarnermut aqutsinermik misilittagalik
- Atuagaatilerissummik Cicero-mik misilittagalik
- Suliffeqarfimmi politikkikkut aqunneqartumi sulinermik ilisimasalik
- Sapinngisamik marluinnik oqaasilik, kalaallisut qallunaatullu
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq.
Pinerlussimannginnermut aammalu meeqqanik pinerliisimannginnermik uppernarsaatit
Pinerlussimannginnermut aammalu meeqqanik pinerliisimannginnermik uppernarsaatit naammaginartut atorfininnissamut piumasaqaataapput. Meeqqanik pinerliisimannginnermut uppernarsaat naalagaaffiup politiivinit (Rigspolitiet) pissarsiarineqareerpata aatsaat atorfinitsitsisoqarsinnaavoq.
Annertunerusumik paasisaqarumalluni attaveqarfissaq: Mikael Mansi Rasmussen, områdeleder Timi Tarni Aasiaat. Mail: mmr@qeqertalik.gl tlf.: +299 387092
Qinnuteqarneq:
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.