Aasiaat - Gammeqarfik atuarfiup pisortaanissarsiorpoq

Siunissami meeqqat inuusuttullu ilinniagaqalernissaannut tunngaviliinissamut qulakkeerinneqataanissamut peqataarusuppit? Ullut ingerlaartut suliatigut assigiinngitsunik unammillernartunik sammisaqarfiusut iluarisarpigit? Allanngueqataanermilu peqataarusuppit?

Gammeqarfik atuarfiuvoq 400-it missaani atuartuutilik 49-nillu ilinniartitsisulik, Immikkoortukkaartumillu sulillutik.

Gammeqarfiup ataani skolehjemmep aqunneqarnera, nunaqarfinni Aadap Atuarfia Akunnaaq, Ivilikasiup Atuarfia Ikamiut, Ole Reimerip Atuarfia Kitsissuarsuit aqunneqarneri akisussaaffigalugit.

Atuarfiu iluani sulisut aqunneqarnerat akisussaaffigalugu

Qinnuteqartumut naatsorsuutigineqarput:

·Ilinniartitsisutut ilinniagaqartuunissat

·Atuarfimmik aqutsinermik misilittagaqartuussasutit minnerpaamik ukiuni marlunni aqutsisutullu ilinniarsimanissat

·Ineriartortitsinissamik angusarissaarnissamillu pingaartitsisuussasutit, eqeersimaartoq uummaarissorlu

·Qinnuteqartumut naatsorsuutigineqarputtaaq, Tabulex TEA, Trio, Tabulex Skemalægning, Skoleintra ilisimasaqarfingissangai.

·Aqutsinissamik, ilinniartitsisunik siunnersuinissamik ilitsersuinissamillu, kiisalu nakkutilliinissamik piginnaasaqartoq

·Aningaasanik ingerlatsinermik paasisimasaqartoq missingersuutinillu angisuunik aqutsisinnaasoq

·Siunertanik anguniagaqarnermi ingerlatitseqqissinnaasoq, suleqatigiinnermi qummut ammullu ataqqinnilluni aaqqissugaanerup iluani suliniuteqarsinnaasoq.

·Kommune Qeqertallip meeqqat atuarfianut anguniagaanut angusaqartitsinissamut suliniuteqarluarnissat.

Atuarfiup pisortaaanera atorfinittussanngorlugu 01.05.2025, imaluunniit isumaqatigiissuteqarnikkut.

Atorfik pillugu paasissutissat piniarneqarsinnaapput

Atuarfiup pisortaanerugallartumut Kristine Hendriksen-imut attavigalugu 89 47 52 / 89 47 53 imaluunniit email gammeqarfik@qeqertalik.gl

Akissarsiat atorfininnermilu atugassarititaasut Naalakkersuisut Ilinniartitsisut Meeqqat Atuarfianeersut Kattuffiata IMAKillu il.il. akornanni isumaqatigiissut atuuttoq 25. November 2021–meersoq kiisalu Isumaqatigiissut pingaarneq / Hovedaftale 28. oktober 1998 –meersoq Naalakkersuisut Ilinniartitsisut Meeqqat Atuarfianneersut Kattuffiat, IMAK –illu isumaqatigiissutaat atuuttoq naapertorlugu.

Inissaq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.

Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu A-skat sulitilluni ajunngittorsianut akileraartoqartassaaq inatsit atuuttoq naapertorlugu.

IMALUUNNIIT Qaqugukkut atorfik aqqutigalugu inissamik tunisinnissaq apeqqutaalluni atorfimmi aallartinnissaq aaqqinneqarsinnaavoq. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Atorfeqarnerup uninnerani, atorfik aqqutigalugu inissiaq qimanneqassaaq.

Atorfininnermi atugassarititaasut allat soorlu atorfininnermi angalaneq pisattallu angallanneri akiliunneqassapput, atorfininnermi Namminersorlutik Oqartussat Ilinniartitsisut Meeqqat Atuarfianneersut Kattuffiat, IMAKip akornanni isumaqatigiissutaasut atuuttut naapertorlugit.

Qinnuteqartut Kalaallit Nunaanni tjenestemanditut atorfimminngaanneersut taama atorfeqartitaanertik attatiinnassavaat.

Meeqqanik pinerliisimannginnermut aammalu pineqaatissinneqarsimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu. 

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.

Qinnuteqaatissat tigunissaanut qilanaaraarput.