Aasiaat - Ikorfartortilerisoq ikorfartortissarsiorpoq

Illit Ikorfartortitut innuttaasoq suleqatigalugu, ikorfartortarneratigut innuttaasumullu iliuusissatut pilersaarutit naapertorlugit sullinneratigut, innuttaasoq ukiukitsoq toqqissisimanermik aalajangersimasunillu najoqqutassaqarnermik misigitillugu, ulluinnarni inuuneranut najoqqutassiillutillu qulakkeerinnittuussaatit. Atorfiniffissaq 1. marts 2025 imaluunniit isumaqatigiissuteqarnikkut.

Atorfik sapaatip-akunneranut nalunaaquttap akunnerini 40-ni suliffiuvoq, ullut suliffiusut annerusumik ataasinngornermiit tallimanngornermut.

Naatsorsuutigaarput atorfinitsitsinermi oqaloqatiginninnerit ingerlanneqassasut sap. ak. 9-mi.

Naatsorsuutigaarput:

·Kajumissuseqarlutit inuunermullu pitsaasumik isiginnittaaseqarlutit

·Namminersorlutit sulisinnaasutit tamatigoortuullutillu

·Ataatsimut isiginnissinnaanermik piginnaasaqartutit aamma pisunik paasinnissinnaasutit

·Kalaallisut oqaaseqarnissaq

Tamatuma saniatigut pingaartipparput, illit:

·Aalajaatsuusutit akisussaassuseqartutillu

·Nammineerlutit sulisinnaassuseqartutit

·Suliassanut aamma suliassanik agguataarinernik ingerlaavartumik iluarsiissuteqarnissamut eqaatsumik allannguisinnaassuseqartutit

·Patajaatsuusutit, aallarnisaasuusinnaasutit, nukissaqartuusutit piumassuseqarluartuusutillu

·Suleqatigiuminartuussaatit

·Piffissaq eqqorlugu takkuttartutit

Uagut neqeroorutigaavut:

·Ullut suliffiit assigiinngiiaartut

·Atorfimmi suliassanullu nammineq sunniuteqarnissamut periarfissalik

·Atorfik meeqqami nuannaartumi kajumissusilimmilu, ulluinnarni suliassanut sammisassanullu ikiorneqarnissamut pisariaqartitsisoq

Meeqqanik pinerliisimannginnermut aammalu pineqaatissinneqarsimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: aqutsisoq Ann H.Pedersen, oqarasuaat +299 36 77 35 imaluunniit e-mail: anpd@sermersooq.gl imaluunniit uunga: Tullersorti Aksel Christensen, oqarasuaat +299 58 41 55 e-mail: aksc@sermersooq.gl

Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu. 

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.

Qinnuteqaatissat tigunissaanut qilanaaraarput.