Malugiuk atorfimmut allagarsiissutaasumut matumunnga piffissaliussaq naareerpoq! Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Aasiaat - Inunnik isumaginnittoqarfik aqutsisussarsiorpoq
Kommune Qeqertalik
Aasiaat
Ikkunneqarpoq: 08-01-2025
Piffissaq atuuffissaa naassaaq: 31-01-2025
Suliffissamut ID normut: LJA-85895642
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq, Aqutsineq, Isumaginnittoqarfik
Atorfik allaffissornikkut Aasianni illoqarfiani inississimavoq tassanilu Aasiaat, Akunnaaq, Kitsissuarsuit Ikamiullu Inunnik isumaginninneq akisussaaffigissallugit.
Inunnik isumaginnittoqarfimmi aqutsisutut Kommune Qeqertalik Aasianni immikkoortortami INUIT aqutsisoq qaninnertut pisortarissavat.
Aqutsisup suliassai pingaarnerit ukuupput:
-Inunnik isumaginnittoqarfiup ulluinnarni ingerlanneqarnerata aqunneqarneratalu innuttaasunik sullissilluarnikkut pitsaassutsimigullu nukittorsartuarnerata qulakkeernissaa siuttuuffigalugit
-Isumaginnittoqarfimmi suliassat aqullugit agguataarlugillu makkuusut; meeqqanik inuusuttuaqqanillu isumaginninneq, pisortatigut ikiorsiissutit, siusinaartumik pensionit, utoqqarnik isumaginninneq innarluutilinnillu isumaginninneq
-Isumaginninnikkut siunnersuineq ilitsersuinerlu.
Suliassat akisussaaffiillu agguataarneri:
-Innuttaasut ikiorserneqarnissamik pisariaqartitsisut pitsaasumik sullinneqarnissaat
-Inatsisit malittarisassallu atuuttut malillugit isumaginnittoqarfik aqullugu
-Isumaginnittoqarfiup missingersuutaanik ukiumoortunik suliaqarneq
-Periutsit sungiusimasat isumaginnittoqarfimmilu suleriaatsit aaqqissuuttuarlugit allanngutsaalillugillu
-Suliffeqarfiup iluani avataanilu suleqatinik suleqatigiilluarnissap qulakkeernissaa
-Inunnut ataasiakkaanut suliat eqqortumik aaqqissuunneqarneri uppernarsaasersornerilu qulakkiissallugit
-Isumaginnittoqarfiup iluani paasissutissanik aaqqissuussinerup qularnaarneqarnissaa suleqatigiit paasissutissanik nalunaarsuutinillu pissarsiuarnissaannik, suliat naammaginartumik suliarineqarnissaannut pisariaqartinneqartunik qulakkeerinnittumik.
-Suleqataasut atugarissaarnerat suliamikkullu ineriartornerat qulakkiissallugu ilitsersuineq aammalu suliffeqarfiup iluani ilinniaqqinnerit pikkorissarnerillu naapertuuttut aqqutigalugit.
Pisinnaasat:
-Socialrådgiveritut assingusumilluunniit ilinniagalik.
-Aqutsisoq ersarissoq.
-Akisussaassusilik.
-Suleqatikkuminartoq.
-Aalajangiisinnaasoq.
-Suleqatinik kaammattuisinnaasoq.
-Sulianut tunngasuni suliaqarfiit akimorlugit suleqataasinnaassusilik.
-Pisuni sakkortuuni eqqissisimasinnaaneq.
-Naatsorsuutit missingersuutillu aqutsinermut atorsinnaallugit.
Akissarsiat atorfininnermilu atugassarititat:
Akissarsiaqartitaaneq atorfininnermilu atugassarititaasut kattuffik isumaqatiginninniarsinnatitaasumut isumaqatigiissutit atuuttut naapertorlugit atorfinitsitsineq pissaaq.
Meeqqanik pinerliisimannginnermut aammalu pineqaatissinneqarsimannginnermut uppernarsaat:Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.
Inissaq
Atorfimmut atatillugu sulisutut ineqarnissamut innersuussinertaqanngilaq. Qinnuteqartorli Kommune Qeqertalimmi atorfeqarnerminut atatillugu sulisutut ineqareersimaguni sulisunut inissiamik innersuussiffigineqarsinnaanini attatiinnassavaa.
Atorfik pillugu annertunerusumik paasisaqartoqarsinnaavoq Inuit Aqutsisoq Ane Joelsen Siegstad telefon 70 19 00 -mut imaluunniit mail aqqutigalugu ajs@qeqertalik.gl saaffiginninnikkut.
Qinnuteqarneq:
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.