Aasiaat - Inunnik isumaginnittoqarfik utoqqarnik sullissisussarsiorpoq

Kommune Qeqertalik Aasiaat inunnik isumaginnittoqarfimmi utoqqarnik sullissisussarsiorpoq 01. september 2024 isumaqatigiinnikkulluunniit atorfinittussamik.

Suliassat akisussaaffiillu ilaatigut makkuupput:

• Kommunip iluani utoqqaat atugaat pillugit ornigulluni nakkutiginninneq
• Utoqqarnut tunngasunik saaffiginnissutinik tigusisarneq siunnersuinerlu.
• Utoqqaat pillugit misissuineq inunnik isumaginnittoqarfimmi, peqqinnissaqarfimmi sulisut angerlarsimaffinnilu ikiortit suleqatigalugit.
• Inatsisit atuuttut malillugit utoqqarnut iluaqusersuutaasinnaasunik nalilersuineq – tamassuma ataani tapersersorteqalernissamut innersuusiorneq aammalu angerlarsimaffimmi ikiorteqarnissamut innersuusiorneq.
• Ataatsimiititaliamut tværfagligimut Inunnik isumaginninnikkullu ataatsimiititaliamut iluaqusersuutit atornissaannut qinnuteqaasiorneq.
• Utoqqaat kommunimiit ikiortillit/tapersersortillit nakkutigalugit.
• Utoqqaat utoqqaat angerlarsimaffiini aamma kommunip avataani angerlarsimaffinni najugalinnut nakkutiginninneq sullissinerlu.
• Immikkut suliassanik assigiinngitsunik suliaqarneq.

Piginnaasat:

• Socialrådgiveri imaluunniit Rådgivningsassistent ilaqutariinnik, sullissinermik misilittagalik.
• HK-assistent imaluunniit naleqquttumik ilinniagalik.
• EDB-mik atuisinnaasutut ilisimasalik.
• Ataqatigiissaarisartoq, tatiginartoq, aalajaatsoq, peqqissaartoq suleqatikkuminartorlu.
• Atorfinittussamut piumasaqaataavoq tarnikkut nukittunissaq.

Akissarsiatigut atorfeqartitaanikkullu atugassarititaasut:

Atorfininnermi atugassarititaasut Naalakkersuisut kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.

Inissaq

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.

Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu A-skat sulitilluni ajunngittorsianut akileraartoqartassaaq inatsit atuuttoq naapertorlugu.

IMALUUNNIIT Qaqugukkut atorfik aqqutigalugu inissamik tunisinnissaq apeqqutaalluni atorfimmi aallartinnissaq aaqqinneqarsinnaavoq. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Atorfeqarnerup uninnerani, atorfik aqqutigalugu inissiaq qimanneqassaaq.

Pinerliisimannginnermut uppernarsaat:

Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Annertunerusumik paasiniaasoqarsinnaavoq Aasianni susassaqarfik Inunnik isumaginnittoqarfimmi aqutsisumut Laura Rafaelsen Nielsen oqarasuaat 70 19 00 imaluunniit lrn@qeqertalik.gl saaffiginninnikkut.

Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu. 

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.

Qinnuteqaatissat tigunissaanut qilanaaraarput.