Aasiaat - Majoriaq kontorfuldmægtigissarsiorpoq

Kommune Qeqertalik Aasiaat Majoriaq kontorfuldmægtigissarsiorpoq 1. Juli 2024 imaluunniit isumaqatigiissuteqarnikkut sulilertussamik.

Aasianni nunaqarfittaanilu suliffissarsiortunik ilinniagaqarniartunillu aqqutissiuussineq Majoriap suliassaraa. Aasianni Majoriami aqqutissiuussisutut kontorfuldmægtigitut suliassarivat suliffissaqartitsiniarnikkut ilinnialertussanullu siuarsaanissaq, suliffissarsiortunik sulilersitsineq piginnaanngorsaanerlu, aammalu suliffissarsiortunut ikiorsiissutinik suliaqarneq. Ataatsimiititalianut aammalu suliniutinut Majoriaq sinnerlugu peqataaneq. Suliffeqarfinnut ilinniarfeqarfinnullu suleqateqarneq attaveqarnerlu. Suliffissarsiortunut ilinniagaqarniartullu iliuusissanik pilersaarusiortitsineq il.il.

Akisussaaffiit ilaatigut makkuupput:

·Ilinniagaqarniartunik suliffissarsiortunillu aqqutissiuussineq

·Suliffeqarfiit ilinniartitaanerullu iluani inatsisitigut atuutsinneqartutigut maleruagassat malinneqarnersut qulakkiissallugit.

·Illoqarfimmi nunaqarfinnilu maannakkorpiaq suliffissaaleqineq akiorniarlugu iliuusissanik pilersaarusiorneq.

·Inuusuttut 15-iniik 29-imut ukiullit ujartuilluni aqqutissiuunnerit

·Aqqutissiuussilluni aammalu kajumissaalluni ingerlattakkap ingerlannera

·Suliffissarsiortunik ikiorsiissutinik suliaqarneq

Qinnuteqartup piginnaasassai:

·Niuertarfimmiutut allaffimmiutullu ilinniagalik

·Aqqutissiuussisutut imaluunniit Majoriaq konsulent-itut ilinniagalik

·Allaffissornikkut ingerlatsinermik misilittagalik.

·Pisortat ingerlatsinerannut System-inut misilittagalik.

·Suleqatikkuminartoq.

·Akisussaaffeqarluartoq.

·Eqeersimaartoq.

·Suliassanik naammassinninniarnermi nammineersinnaassuseqartumik eqaattumillu periuseqarneq

·Allattariarsornikkut oqaluttariarsornikkullu saqqummiussillaqqissuuneq

·Ulluinnarni suliassanik assigiinngitsunik suliassaqarfinni ulapaarfiusunilu aaqqissuussamik, tulleriiaarinermik ataatsimillu isiginnissinnaanermik ingeerlatsisinnaaneq

·Kalaallit nunaanni ilinniartitaanermut suliffissaqartitsiniarnermullu inatsisit tunngasunik ilisimasalik.

Akissarsiat – atorfinitsinneqarneq – inissaq:

Akissarsiat atorfininnermilu atugassarititaasut, Naalakkersuisut kiisalu kattuffiup isumaqatigiinniartussaatitaasup akornanni atorfininnerup nalaani isumaqatigiissutaasut naapertorlugit atorfininneq pissaaq.

Atorfimmut inissaqartitsisoqanngilaq

Meeqqanik pinerliisimannginnermut aammalu pineqaatissinneqarsimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Atorfik pillugu annertunerusumik paasiniaasinnaavutit uunga: Centerleder Gerda Christoffersen, gech@qeqertalik.gl , oqarasuaat nr.: 38 70 73.

Qinnuteqarfissaq kingulleq ulloq 14. Juni 2024

Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu. 

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.

Qinnuteqaatissat tigunissaanut qilanaaraarput.