Aasiaat Majoriaq søger en lærer

Ilinniartitsisussarsiorpoq atorfinittussami 14. December 2020 isumaqatigiissuteqarnikkulluunniit sulilertussamik.

Majoriaq atuartitsisuussartussatut imaluunniit ilinniartitsisutut suliassarissavatit inuusuttut inersimasullu kaammattuivigissallugit piareersimatilissallugillu ilinniangaqalersimanissaannut aammalu suliffissamik pissarsisinnaanissaanut piukkunnartunngortissallugit. Atuartitsisinnaanermut ilinniagaqarsimanermik tunuliaquteqassaatit ukunani ilinniartitsiviusinnaasuni minnerpaamik marlunni  tunngaviusussamik:

1. Kalaallisut
2. Matematik
3. Biologi/Uumassusililerineq
4. Tema

Majoriami meeqqat atuarfianik sivitsuinerunngilaq, kisiannili ilinniartitaanermik immikkoortitaakkanik inuusuttunut inersimasunullu neqeroorutaalluni. Pilersaarusiukkanik atuartitsisin-naassuseqartariaqarputit, Majoriami atuartut atuartinneqarnerminni imaqarluartumik qanilaas-susermillu misigisaqartissallugit.

Ilinniartitsinissaq pilersaarusiorneqartarpoq siunnersortit atuarfimmilu ilinniartitsisut atuartitsi-sartullu allat peqatingalugit, taamaattumillu makkua pikkoriffigisariaqarpatit:

1. suleqatigiissinnaaneq
2. eqqarsallaqqissuseq isumassarsiullaqqissuserlu
3. inunnik immikkut ittumik pisariaqartitsisunik paasinnissinnaaneq

Naatsorsuutingaarput:

1. Ilinniaqqiffiusimasunik imaluunniit atuagarsornikkut ilinniagaqarsimassasutit.
2. Kalaallisut, qallunaatut aammalu matematik gymnasianut nallersuussinnaasunut ilinniagaqarsimassaatit.
3. Oqaatitsigut oqalussinnaalluassuseq allattariarsornikkullu piginnaasaqarfigilluassavatit.
4. Naliliilluarsinnaaneq aammalu atorfimmut assigusumik misilittagaqarneq.
5. Piumassuseqarluarneq atuarfiullu ineriartortinneqarneranut malunnarluartumik peqataasinnaassuseqarluarneq.
6. Qaraasaasiamik atuisinnaaneq.
7. Pinerluttulerinermi pineqaatissinneqarsimannginnermik uppernarsaamik takutitsineq.

Neqeroorutingaavut:

1. Ilinniartitaaqqinnissamut periarfissat
2. Akissarsiat isumaqatiginninniutigineqarput, kisiannili ilinniartitsisunut kombinationsaftale  isumaqatigiissutit naapertorlugit
3. Atorfininnermi- soraarnermilu angalanerit isumaqatigiissutit naapertorlugit.
4. Illoqarfiup avataaniit atorfinititsinermi inissaqartitsisoqassaaq.
5. Nuunnermi akiliunneqarneq, inissaqartitaanissaq isumaqatigiissutit naapertorlugit.

Qinnuteqarfissaq kingulleq: 9.December 2020

Atorfinititaaneq: 14. December 2020 isumaqatigiissuteqarnikkulluunniit.

Akissarsiaqartitsineq atorfinitsitsinerlu:

1. Atorfeqartitaanermi akissarsiallu pillugit apeqqutit kattuffiup isumaqatiginninniarsinnaatitaasup Naalakkersuisullu akornanni isumaqatigiissutit naapertorlugit inissinneqassapput.
2. Atorfimmut atatillugu inissaqartitsisoqassaaq aalajangersakkat atuuttut naapertorlugit akilerneqartartussamik. Sulilernermi angalaneq pisattallu nassiunnerat suliffigisassamit aamma akilerneqassapput.

Ilanngunneqassapput CV, pinerluuteqarsimannginnermut uppernarsaat, ilinniagaqarsimanermut uppernarsaatit, siornatigut suliffigisimasat, kursus-mut assigisaanulluunniit uppernarsaatitit, oqaaseqaatillu.

Uppernarsaatit atorfinittussap nammineerluni pissarsiarissavai atorfinitsitsisumullu tunniullugit.

Atorfik pillugu paasissutissat amerlanerusut pissarsiarineqarsinnaapput Centerleder Gerda O. Christoffersen attavigalugu oqarasuaat 70 19 00 imaluunniit mailikkut; gech@qeqertalik.gl

Qinnuteqaat ilinniarsimanermut allagartat, siorngatigut atorfigisimasamut uppernarsaatit, kiisalu soraarummeersimanermut uppernarsaatit assilineqarneri ilanngullugit immersukkamut ilineqassapput uungalu Kommune Qeqertalik nittartagaatigut qinnuteqarsinnaavutit, kingusinnerpaamik 09. dec. 2020

Inussiarnersumik qinnuigineqarputit atorfik inuttassarsiorneqartoq sumi takusimanera qinnuteqaaterni allalaaqqullugu.