Aasiaat - Qinngorneq Peqqinnissamik assistentissarsiorpoq

Kommune Qeqertalik, Aasiaat Peqqissaanermi assistentimik Najugaqatigiiffik Qinngornermi 1. apriili 2024 isumaqatigiissuteqarnikkulluunniit atorfinittussamik pissarsiorpoq. Najugaqatigiiffik Qinngorneq inersimasunut innarluutilinnut angerlarsimaffiuvoq nutaaq.

Qinnuteqartup piginnaasai:

·Peqqissaanermi assistentitut ilinniagalik

·Paaqqutarinninnermi akisussaaffilik piginnaasalillu

·Pisut ulapaarfiusut sapinngilatit, sungiussiasuuvutit, suleqatikkuminartuuvutit, inussiarnersuuvutit patajaatsuullutillu.

·Timikkut eqqarsartaatsikkullu peqqissuuvutit, ammasoq isumagissaartuullutillu

·Paaqqutarinninnerup ineriartortinnissaanut piumassuseqarputit soqutiginnillutillu

·Avatangiisinut pitsaasumik, nutaaliornermik, isumassarsiornermik ineriartortitsinermilu sunniuteqaqataajumasutit

Akissaatit atorfeqartitaanermilu atugassarititaasut:

Akissarsiat- aamma atorfininnermi atugassarititaasut Naalakkersuisut aamma kattuffiup isumaqatigiinniartussaatitaasup akornanni atorfininnermi isumaqatigiissutaasoq naapertorlugu pissaaq.

Atorfimmut atatillugu inigisassamik innersuussisoqarsinnaanngilaq

Atorfik pillugu paasissutissat erseqqarinnerusut uunga saaffiginninnikkut pissarsiarineqarsinnaapput: Najugaqatigiiffimmi aqutsisoq Margrethe O. Jensen, oq. 89 47 99

Pinerluuteqarsimannginnermut aammalu meeqqanut pinerluuteqarsimannginnermut uppernarsaat:

Atorfik taanna pineqaatissinneqarsimannginnermut inatsimmi nalunaarsimanermi uppernarsaammik tunniussaqarnissamik pisussaatitaaffeqarpoq. Inatsit naapertorlugu pineqaatissinneqarsimannginnermut meeqqanillu innarliisimannginnermut uppernarsaat kommunimit tiguneqareerpat, aatsaat atorfinittoqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat Rigspolitiinit, aammalu pineqaatissinneqarsimannginnermut uppernarsaat Politiinit pippagit aatsaat atorfininnissaq isumaqatigiissutigineqassammat.

Meeqqanik pinerliisimannginnermut uppernarsaat kommunimit akuersissutitalik pineqassaaq, qinnuteqartup Politiinit pissavaa.

Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu. 

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.

Qinnuteqaatissat tigunissaanut qilanaaraarput.