sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Aasiaat Sekretariatet INUA søger 1 kontorfuldmægtig

Kommune Qeqertalik

Aasiaat
Ikkunneqarpoq: 14-01-2021
Piffissaq atuuffissaa naassaaq: 04-02-2021
Suliffissamut ID normut: LJA-81583600
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq

 Allagarsiuteqqitaq - Allattoqarfik INUA kontorfuldmægtig-issarsiorpoq

 

Allattoqarfimmi kontorfuldmægtig-itut atorfik 15. februar 2021 imaluunniit isumaqatigiissuteqarnikkut sulilersussamik inuttassarsiorneqarput.

 

Makku suliassaapput:

  • Pisortatigoortumik allatullu ilassinninnermik pilersaarusiorneq, taakkununngalu atasumik nerisitsineq.
  • Vakantboligit isumagineri.
  • Katititsinerit suliarineri pilersaarusiornerilu
  • Allattoqarfimmi aqutsisoq isumaqatigiissuteqarfigeriarlugu allaffimmi atortunik, pequtinik allaffissornermilu maskiinanik assigisaannillu inniminniineq.
  • Akiligassat isertitallu kontonut assigiinngitsunut akilerneqarnissaannik allattuineq uppernarsaanerlu.
  • Kommune Qeqertalik INUA ilinniartunut attaveqaataallunilu ataqatigiissaarisoq.
  • Immikkoortortaqarfinnut tamanut allakkat normussaannik suliarinninneq
  • Utoqqarnut akunnaattuliilluni inuuissiortunut tunissutissanik isumaginninneq
  • Allakkat isertut anisullu suliarineri journalilersuinerlu
  • Ataatsimiittarfiup atorneqarnissaanut allattuineq
  • Allallu allattoqarfimmi suliassat naliginnaasut

 

Naatsorsuutigaarput imaassasutit:

  • Niuernermik allaffissornermillu ilinniagaqarsimasuunissat,
  • Journalinut toqqorsivimmullu tunngasunik misilittagaqassasutit kiisalu ilisimasaqassasutit,
  • Qarasaasiamik atuisinnaassasutit.
  • Pisortat allaffeqarfiini sullisseriaatsinut suliallu ingerlariaasiinut ilisimasaqassasutit,
  • Kalaallisut qallunaatullu allattariarsornikkut oqaluttariarsornikkullu piginnaaneqarluassasutit.

 

Taakku saniatigut makku piginnaanerissagitit pingaartipparput:

  • Ammasuunissat, sullarissuunissat qiimasuunissallu,
  • Torersaarusussuseqassasutit,
  • Ulapaarfinni namminersorsinnaanissat sulianillu nakkutiginnilluarsinnaanissat,
  • Allaffissuarmi sulisut tamaasa suleqatigiumassagitit suleqataanissarnullu piumassuseqassasutit,
  • Sulianut allanut saariataarsinnaanissat tulluarsarsinnaanissallu.

 

Akissarsiat atorfeqarnermilu atugassat:

Naalakkersuisut SIK-llu Nunatsinni niuernermik allaffissornermillu sulisut pillugit isumaqatigiissutaat naapertorlugu akissarsitsisoqarlunilu atorfimmi atugassarititaasut malinneqassapput.

 

Atorfininnermi inissaqartitsisoqarsinnaavoq, ineqarnermut akiliisarnermut malittarisassat qaqugukkulluunniit atuuttut naapertorlugit qularnaveeqqutit ineqarnermutn atuinermut il. il. akiliisoqartassaaq, artorfeqarnermi/soraarnermi angalaneq kiisalu pisattat nuunneqarneri malittarisassat atuuttut uani ilaapput, piffissap artorfiniffiup nalaani malittarisassat naapertorlugit aalajangersarneqassapput.

 

Atorfik pillugu annerusumik paasissutissat allattoqarfimmi pisortamut Kulunnguaq R. Olsenimut, oqarasuaat 387015-mut sianerluni imaluunniit allalluni kuol@qeqertalik.gl pissarsiarineqarsinnaapput.

 

Qinnuteqarneq www.qeqertalik.gl –mut iserluni ingerlanneqassaaq, ilinniarnermilu uppernarsaatit, cv aamma siusinnerusukkut suliffigisimasamit oqaaseqaatit ikkunneratigut.

Qinnuteqaatit mail-ikkut allakkatigulluunnit nassiussat tiguneq ajorpagut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia