Kommune Qeqertalik, Aasiaat, utoqqaat illuannut paaqqutarisariaqartullu angerlarsimaffiannut pisortap tullianik ulloq 2. januar 2025 imaluunniit isumaqatigiissuteqarnikkut atorfinittussamik pissarsiorpoq.

Utoqqaat illuanni paaqqutarisariaqartullu angerlarsimaffianni sulisut katillugit 60-it missaanniipput.

Utoqqaat illuat paaqqutarisariaqartunullu angerlarsimaffik 33-nik inissaqarpoq, qasuersaartitsiffeqarlunilu inimik ataatsimik kiisalu angerlarsimaffinniittunik sullitaqarluni.

Inuk pissarsiarineqartussaq allaffissornikkut aamma aqutsinermik ilinniagaqarnikkut misilittagaqarsimassaaq, aammali peqqinnissaqarfiup iluani ilinniagaqarsimasuusinnaalluni.

Pisortap tullia Utoqqaat illuani Pisortamik qullersaqassaaq, ulluinnarnilu pisortaq peqatigalugu, ingerlatsinermut sulisoqarnermullu isumalluutinik aqutsinermut akisussaasuussalluni.

Pisortap tullia, kommunip ataatsimoortumik paaqqutarinninnermik aaqqissuussisimaneranut pisortaq qullersaralugu, ulluinnarni ingerlatsinermut akisussaasuussaaq.

Akisussaaffiit aamma immikkoortuni suliassat

Pisortaq peqatigalugu ulluinnarni ingerlatsinermi pingaarnertut akisussaaneq, pisortaq peqatigalugu missingersuutinut aamma naatsorsuutinut kiisalu aningaasaqarnikkut aqutsinermut akisussaaqataaneq.

Sulisorisaq qaninneq:

Pisortamut allaffissornikkut sinniisoq

Suliassat pingaarnerit:

 Aqutsineq suliassanillu agguataarineq

Peqqissaasutut suleqataasoq peqatigalugu peqqissutsikkut tunngavissarititaasunik qulakkeerinninneq

Sulisunik paaqqutarinnittunik siunnersuisarneq ilitsersuisarnerlu

Paaqqinnittutut suleqataasut sulinermi piffissaat, sulinngiffeqartarnerat aamma pigaartuunissamut pilersaarutit

Sulisunik aqutsineq aamma Utoqqaat illuanni paaqqutarinninnermi allaffissornikkut suliassat

Suliffiup iluani aamma avataani ataatsimiinnerit

Imaarsaaneq

Ineriartortitsinermik suliassat

Sulisunut ilinniartitsineq aamma pikkorissarnissamut neqeroorutit

Suleqatigiinnissamut atatillugu ataatsimiititaliamut paasissutissiineq/suliarinninneq/ malitseqartitsineq.

Pillorissaanermi timimik sungiusaanermi ikiorsiissutit.

Sulisut tunniusimalluartut suleqatigalugit atorfik ilinniagaqarsimasutut aamma inuttut ineriartornissamut periarfissiivoq. Atorfik imminermi pissusissamisoortumik piumasaqaatitaqarpoq, taamaattorli ilinniagaqassutsikkut aamma inuttut unammillernartunik, kiisalu ineriartornissamut periarfissaqarluni aamma siunissami utoqqarnut suliassaqarfimmi kommunip suliassanik naammassinninnissaanik ineriartortitsinissami sunniuteqarnissamut periarfissaqarluni.

Pineqaatissinneqarsimannginnermik uppernarsaat

Una atorfik pinerluuteqarsimannginnermut uppernarsaammik pissarsiornissamik piumasaqaatitaqarpoq. Inatsit naapertorlugu atorfinitsinneqarneq aatsaat pisinnaavoq pinerluuteqarsimannginnermut uppernarsaammik kommune tigusaqarsimappat. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pinerluuteqarsimannginnermut uppernarsaammik Politiinit aatsaat pissarsereerpat.

Aningaasarsiatigut atorfeqarnermilu atugassarititaasut

Akissarsiatigut atorfininnermilu atugassarititat, isumaqatigiissut atuuttoq naapertorlugu aalajangiiffigineqartassapput.

Atorfininnermut atatillugu ukiullu pingasut atorfeqareersimagaanni angerlarnissamut akiliunneqarluni angalasoqarsinnaavoq, ilaquttat ilagalugit, aammalu atorfimmut atatillugu inissaqartitsisoqarani.

Atorfik pillugu annertunerusumik paasisaqarusukkaanni Utoqqaat illuanni pisortaq Risa B. Rafaelsen attavigineqarsinnaavoq email: rira@qeqertalik.gl

Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu. 

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.

Qinnuteqaatissat tigunissaanut qilanaaraarput