Aasianni Innaallagissiorfimmi ingerlatsinermi suleqatissarsiorpugut

Ingerlatsinermi suleqatissarsiorpugut

Atorfik Aasianni inissisimasoq, Aasiaat qeqertaavoq kujataata kitaaniilluni Qeqertarsuup tunuani.

Immikkoortortami sulisut arfineq pinagsuupput suleqatigiinni aqutsisoq ilanngullugu.

Formandip innersuussineratigut suliassat suliarisassavatit aamma Aasianni aamma nunaqarfinni, nunap immikkoortuani aamma suliffeqarfimmi qanoq inissisimanerit apeqqutaatinnagit suleqatigiinni aamma suliffeqarfimmi namminermi piviusumik pitsaasumik suleqatigiinnermik pilersitseqataassaatit.

Suliffeqarfimmi namminermi periutsit ingerlaavartumik ineriartortinnissaannut malinneqarnissaanullu, kiisalu inatsisit atuuttut sutigut tamatigut sumiiffinni tamani eqquutsinneqarnissaannut peqataassaatit, ingammillu:

• Isumannaallisaanermut aamma oqartussaasut piumasaqaataat

• Suleqataasunik suliatigut ilinniartitsineq maskiinat teknikkiannut ikkussukkanut tunngasunik aamma atortunik, kiisalu taakkununnga attuumassuteqartunik atortunik sakkunillu

• Sulisunik nutaanik ilinniartitseqataaneq Aasianni pigaartuusarnermut peqataasalernissaat sioqqullugu

• Nukissiorfiit Corporate Social Responsibility-mik anguniagaannik piviusunngortitseqataaneq aamma ineriartortitsineq

• Suliassanik takkuteriasaartunik suliaqarneq Aasianni formandip innersuussineratigut.

Naatsorsuutigaarput illit:

• Maskinalerisutut, motoorilersutut/skibsmontøritut ilinniagaqarsimasuunissat imaluunniit allamik tulluartumik, tassunga ilanngullugu SRO-atortumik ilisimasaqarnissat

• Nammineerlutit sulisinnaanerit soorlu aamma suleqatigiinni suleqataalluarsinnaanerit

• Isumassarsillaqqissuusutit aamma aallarniisinnaassuseqarusuttuusutit, killissat pinnagit periarfissanik takunnissinnaasoq.

Taamattaarlu Aasianni pigaartuusarnissamut peqataasassuutit, kiisalu naatsorsuutigissuat angalasarnissat nunap immikkoortuani aammalu nunap immikkoortuinut allanut Nuummilu qullersaqarfimmut.

Iluaqutaassaaq:

• Kalaallisut danskisullu oqalussinnaallutillu allassinnaanissat

• Biilersinnaanermut allagartaqarneq

• IT-mik atuisutut ilisimasaqarneq.

Ilinnut neqeroorutigisinnaavavut:

• Atorfik pissanganartoq avatangiisini assigiinngitsuni, suleqatigiittut suleqatigiiffiusumi

• Atorfiup imarisaanut sunniuteqarnissamut periarfissat pitsaasut

• Inuttut aammattaaq suliatigut ineriartornissamut periarfissat pitsaasut.

Atorfeqartitaanermi atugassarititaasut

Akissarsianut aamma atorfeqartitaanermi atugassarititaasut ingerlanneqassapput Naalakkersuisut aamma pineqartup kattuffiata isumaqatigiinniarsinnaatitaasup isumaqatigiissutai tunngavigalugit.

Atorfinitsitsinermi qaammatit pingasut ingerlaneri misiliutaassapput.

Atorfimmut atatillugu inissamik innersuussisoqarsinnaavoq

Malittarisassat qaqugukkulluunniit atuuttut naapertorlugit atorfinittumut sulisunut inissiamik pequsersugaanngitsumik innersuussisoqarsinnaavoq. Inissiamut innersuunneqartumut malittarisassat qaqugukkulluunniit atuuttut naapertorlugit ineqarnermut akiliutit akilerneqartassapput aamma iserternermi qularnaveeqqutit akilerneqassallutik. Sulisutut inissiaq atorfeqartitaanermut attuumassuteqarpoq atorfeqarunnaarnerullu taamaatinneranut atatillugu qimanneqassalluni.
Atorfininnermi/soraarnermilu angalaneq akiliunneqassaaq, atorfininnermilu pequtit nuunnissaanut, ukiut pingasut kipisaqattaanngitsumik atorfeqareernerup kingornatigut inoqutigiit qitornaat 18-it inorlugit ukioqartut ilanngullugit angerlarlutik angalanissaannut akiliunneqassapput.

Atorfimmut tunngasunik paasisaqarnerorusukkuit una attavigineqarsinnaavoq:

Suliassat akisussaaffigisassarlu atorfik pillugit annerusumik paasisaqarusukkaanni Distriktschef Ovenguaq Lyberth attavigineqarsinnaavoq emailikkut: OL@nukissiorfiit.gl imaluunniit oqarasuaammut : (+299) 89 48 47

Paasissutissat allat:

Allanut nalinginnaanerusunut tunngatillugu apeqqutissaqaruit sulisoqarnermut immikkoortortaqarfik saaffigisinnaavat uunga: hr@nukissiorfiit.gl

Nukissiorfiit pillugu

Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta niuerfigisatsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2019-mi innaallagissamik, imermik kiassarnermillu nioqqutigisatta 72 %-ia tassaavoq nukissamit atajuartumit pisoq. 2030-p tungaanut nukissamik atajuartumik 100 %-imik ingerlatsinissaq sulissutigaarput. Nukissiorfiit iluani sulisunut 400-nut tamanut toqqammavissanik pitsaanerpaanik pilersitsiniarneq iluatsitsiffigaarput. Tassaavugummi Kalaallit Nunaanni aamma Danmarkimi suliffiit sulisuminnit nuannarineqarnerpaarpaat akornanniittoq. Uagut pilluta uani annermik atuagassaqarpoq: www.nukissiorfiit.gl