sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Aatsisartoqarfimmi nuutsisarfimmilu allaffimmi pisortaq

Namminersorlutik Oqartussat

Nuuk
Ikkunneqarpoq: 02-06-2020
Piffissaq atuuffissaa naassaaq: 10-06-2020
Suliffissamut ID normut: LJA-80372077
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq

Namminersorlutik Oqartussat kiffartuussinermut immikkoortortaqarfiat siuttuuffigerusuppiuk? - Taava una atorfik ilinnut soqutiginarpoq.
Immikkoortortaqarfik tassaavoq nuutsisarfik aatsisartoqarfillu. Nuutsisarfiup suliassai pingaarnerusoq tassaavoq innuttaasut oqarasuaatikkut namminerlu takkunnikkut saaffiginnissutaat pitsaasumik suliarineqarnissaat. Aatsisartoqarfik assigiinngitsorpassuarnik suliassaqartarpoq. Soorlu VIP-inik ingerlatsineq, poortukkanik assartuineq aamma Inatsisartut ataatsimiinneranni paarsineq.
Nuutsisarfik aatsisartoqarfillu immikkoortortaqarfiuvoq Naalakkersuisut Siulittaasuata Naalakkersuisoqarfiani inissisimasoq, sulisut katillugit quliupput nuutsitsisarfimmi tallimaallutik aatsisartoqarfimmilu aamma tallimaallutik.
Immikkoortortaqarfimmi kiffartuussinissamut tunngatillugu siullersaalluni qisuariarneq namminerlu pitsanngorsaanissamut suliniuteqartarneq kiisalu ingerlatsineq aalakkaasuunissaanut qulakkeerinninneq anguniarneqartarpoq. Immikkoortortaqarfiup Namminersorlutik Oqartussat aaqqissuussaaneranut paasisimasaqassusaat annertuvoq Namminersorlutillu Oqartussani innuttaasunut sulisunullu pitsaasumik atugaqarnissaanut qulakkeerinneqataasarlutik.
Allaffimmi pisortatut suliassat makku pingaarnertut isumagisassaraatit:

  • Aalajangersimasumik atorfillit qulit pisortatut akisussaaffigineri
  • Allaffimmi suliassat eqaallisarlugillu pitsanngorsaaffigineri
  • Suliassaqarfinni ineriartornissamut pilersaarutit suliarineri
  • Suliffeqarfiup iluani avataanullu attaveqartarneq suleqateqarnerlu
Atorfik unamminartorpassualik, inussiarnersumik suleqatigiiffiusoq aamma assigiinngitsunik suliassarpassualik akissussaaffeqatigiinnertalillu ilinnut neqeroorutigisinnaavarput.
Ilinniit naatsorsuutigineqartut;
  • Ineriartornermut tunngasunik suliaqarusuttutit
  • Suliassanik aaqqissuussillaqqissuusutit
  • Kiffartuussiumalluartuusutit
  • Akimortumik suleqatigiinnissaq pillugu pilersitsinissamut pikkorissuusutit
  • Inuppalaartuusutit
  • Akisussaassuseqartuusutit aamma
  • oqaloqatiginnillaqqissuusutit.
Tamatuma saniatigut attuumassuteqartumik ilinniarsimasuuvutit imaluunniit tamakkununnga tunngasutigut suliassanik misilittagaqarputit. Iluaqutaassaaq aqutsinermik misilittagaqaruit, kalaallisullu oqalussinnaallutit.
Atorfik pillugu sukumiinerusumik tusagaqarnissamik kissaateqaruit attavigisinnaavat pisortaq Simigaq Broberg, oqa: 345144 imaluunniit Sbro@nanoq.gl.

Akissarsiat atorfeqartitaanermilu atugassarititaasut:

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut