sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Aatsitassanik Suliassaqarfinnut Avatangiisinut Aqutsisoqarfimut AC-fuldmægtigit/immikkut siunnersortit

Namminersorlutik Oqartussat

Nuuk
Ikkunneqarpoq: 26-10-2020
Piffissaq atuuffissaa naassaaq: 13-11-2020
Suliffissamut ID normut: LJA-81312018
Atorfeqarnermi atugassarititaasut: Tamakkiisoq
Suliassaqarfik: Aatsitassanut suliassaqarfik

Aatsitassanik Suliassaqarfinnut Avatangiisinut Aqutsisoqarfimmi (Avatangiisinut Aqutsisoqarfik) suleqatigiit pitsaasut ilassarsiorput, taamaattumillu inunnik marlunnik sullerissunik, anguniagaqarluartartunik akuulluartartunillu suleqatissarsiorpugut attaveqarluarnissaminnillu pikkoriffilinnik.
Atorfimmi sulilernissaq ulloq januarip aallaqqaataat 2021, ajornanngippalli siusinnerusinnaavoq, imaluunniit isumaqatigiissuteqarneq tunngavigalugu.

Atorfik pillugu
Avatangiisinut Aqutsisoqarfimmi inuit tallimat suleqatigilissavatit. Ilisimatusarnermut Avatangiisinullu Naalakkersuisoqarfimmi aamma Aatsitassanut Naalakkersuisoqarfimmi sulisut qanimut suleqatigissavatit naalakkersuisoqarfinnilu allani sulisut annikinnerusumik suleqatigalugit. Taakkua saniatigut Avatangiisinut Aqutsisoqarfiup ilisimatuussutsikkut siunnersortai Nationalt Center for Miljø og Energi-miittut Pinngortitaleriffimmiittullu suleqatigisassavatit.
Aatsitassarsiorniarlutik ingerlatseqatigiiffiit aatsitassanik ikummatissanillu kulbrinte-usunik misissuinerinut piiaanerinullu atatillugu, avatangiisit pillugit malittarisassiuunneqarnerinut tunngasunik, suliassanik ataqatigiissaarinermik suliaqassaatit. Tassunga ilaatigut ilaassapput isumaqatigiinniarnerni naalakkersuisoqarfiup iluani avataanilu ataqatigiissaarineq aqutsinerlu, suliniutit pillugit isumaqatigiissutinik aqutsineq aamma suliniutit pillugit allaffissorneq. Aammattaaq aatsitassarsiorluni suliaqarnermi avatangiisinut tunngatillugu  suliassat suliarineqartarnerat isumagisassavat suleqatinnillu avatangiisinut tunngasunik siunnersiueqatigiinneq. Oqallorissuussaatit, ajornanngippallu oqaatsit taaneqartut ilaat ataasiinnaanngitsoq, kalaallisut, qallunaatut tuluttullu atorlugit attaveqarsinnaallutit. Suliamut tunngasumik ilisimasaqarluarnissat, peqqissaartuunissat, nammineersinnaassuseqarnissat, angusaqartarsinnaanissat suliannillu naammassisaqartarsinnaanissat uagutsinnut pingaaruteqarpoq.




Qullersanut tunngavilersorluakkanik nalunaarusiorsinnaasariaqarputit suliamullu tunngasunik Naalakkersuisut isummerfigisassaannik tunngavissiorsinnaassallutit, avatangiisillu pillugit nakkutilliinermut tunngasunik suliaqarsinnaassallutit.
Naatsorsuutigaarput:

  • Naleqquttumik ilinniagaqarsimanissat, pinngortitamik ilisimatusarnermut tunngasunik assingusumilluunniit piumaneruvugut, aamma attaveqaqatigiinnermut tunngasunik misilittagaqaruit imaluunniit ilinniarsimaguit iluaqutaassaaq.
  • Avatangiisinut tunngasunik Kalaallillu Nunaanni aatsitassaqarnermut tunngasunik soqutigisaqarnissat ilisimasaqarnissallu
  • Pisortani ingerlatsinermut inatsisillu ingerlatsinermut tunngasut pillugit sukumiisumik ilisimasaqarnissat
  • Nunanut allanut sammisumik avatangiiseqarlutit namminersorlutit aaqqissuussilluarlutit sulerusunnissat piginnaasaqarnissallu
  • Suleqatitut akuulluartuunissat, saaffigiuminarnissat isumaqatigiinniarnernilu allanillu suleqateqarnermi angusaqarluarfiusunik pilersitsisinnaanissat
  • Suliassannut tunngatillugu siumut pilersaarusiorluarsinnaanissat aaqqissuussillaqqissumillu periuseqarnissat
  • Tuluttut oqalussinnaallutillu allassinnaanissat, tassami attaveqaqatigiinnerup ilarujussua tuluttut pisarmat
  • IT-mut tunngasunik piginnaasaqarluarnissat
  • Attaveqaqatigiinnermut tunngasunik pikkorissuunissat suliassaqarfivillu ersarissumik paasinartumillu inunnut assigiinngitsunut oqaluttuarisinnaanissaa

Tunniussinnaasagut
Suliffik pissanganarluinnartoq pingaarutilerujussuarmik suliassaqarfiusoq akisussaassuseqarlunilu namminersorsinnaanermut periarfissaqarluartoq. Suliffiup iluani suliamut tunngasunik suliassaqarluassaatit suliamullu tunngatillugu inuttullu piginnaasavit inerisarluarnissaannut periarfissaqarluarlutit. Avatangiisinut Aqutsisoqarfimmi pingaartipparput ataatsimoorluta ineriartussasugut ersarissuulluta, ataqatigiilluta ilakkuminarlutalu, ataatsimoorlutalu ingerlatsinermi sulianik pitsaasumik suliaqartarnissamut ilaalluta. Atorfinni suleqatigissavatit inuit tunngaveqarluartumik attaveqarfillit, sulinermut tunngatillugu tunngaviliilluartumik ataqatigiissusillit aaqqissugaalluartullu. Nuannersumik peqataatitsisumik pissuseqarluta suleqatigiippugut suleqatitullu isumasioqatigiinnissamut inissaqartitsilluarluta.

Angalasarnissamut tunngasoq
Kalaallit Nunaata iluani avataanilu suliniutinut atatillugu angalalaartarnissat naatsorsuutigissavat, taamaattumillu angalassatilluni ulluinnaat aaqqissuuttarnissaat ilimagisariaqarpoq.

Piffissaq suliffiusoq sapaatip akunneranut nalunaaquttap akunneri 40-t.

Aatsitassanik Suliassaqarfinnut Avatangiisinut Aqutsisoqarfik
Aatsitassanik Suliassaqarfinnut Avatangiisinut Aqutsisoqarfik Ilisimatusarnermut Avatangiisinullu Naalakkersuisoqarfiup ataaniippoq. Avatangiisinut Aqutsisoqarfik aatsitassarsiornermi avatangiisinut, pinngortitamut silallu pissusianut tunngasunik naliliisarpoq aalajangiisarlunilu, ilisimatuussutsikkut avatangiisinik allanut pituttorsimanngitsunik suliffeqarfinnit, ataatsimit arlalinnilluunniit siunnersorneqarneq tunngavigalugu. Avatangiisinut Aqutsisoqarfiup Aarhus Universitet-ip ataaniittoq Nationalt Center for Miljø og Energi aamma Pinngortitaleriffik ukiuni arlalinni atuuttussani suleqatigiinnissamik isumaqatigiissuteqarfigai.
Ulloq qinnuteqarfissaq kingulleq xx november 2020. Oqaloqatiginninnerit qinnuteqaatit takkussuunneri naapertorlugit ingerlanneqassangatinneqarput. 

Paasissutissat sukumiinerusut:
Atorfik pillugu paasisaqarnerorusukkuit aqutsisoqarfimmi pisortaagallartoq Kell Svenningsen telefon +299 34 68 38 imaluunniit e-mail: kell@nanoq.gl aqqutigalugit attaveqarfigisinnaavat.
Aatsitassanik Suliassaqarfinnut Avatangiisinut Aqutsisoqarfik uani nassaarisinnaavat www.asaa.gl
Aatsitassanut tunngasut  Aatsitassanut Oqartussaqarfiup nittartagaani uani takusinnaavat www.govmin.gl

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugit
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut aqutsisoqarfinnullu arlalinnut agguataarsimasut.
Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit

http://www.naalakkersuisut.gl/job
 
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Qinnuteqartumut naleqqussorisatsinnut, ukiorpassuarni misilittagaqarsimanerminik uppernarsaasinnaasumut, ukununnga tunngasuni:
  • Suliassaqarfimmut tunngasut
  • Susassaqarfiit akimorlugit ataqatigiissaarinermik atorfeqarneq
  • Qullersat suliassaqarfimmut tunngatillugu siunnersorneqarneqartarneri
nalilersueqqissaarneq tunngavigalugu immikkut siunnersortitut atorfinitsitsineq pisinnaassaaq.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut
Grønlands Multi Rengøring
Grønlands Multi Rengøring
Nuuk
Kommune Kujalleq
Qaqortoq
Namminersorlutik Oqartussat
Nuuk