sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Aatsitassanut Inatsisillu Atuutsinneqarnerannut Naalakkersuisoqarfiup ataani Ujarassiornermut Immikkoortortaqarfimmut pisortaq

Namminersorlutik Oqartussat

Nuuk
Ikkunneqarpoq: 18-05-2022
Piffissaq atuuffissaa naassaaq: 21-06-2022
Suliffissamut ID normut: LJA-83625605
Atorfeqarnermi atugassarititaasut: Tamakkiisoq
Suliassaqarfik: Aqutsineq

Aaqqissuussaanermi nunani tamalaani sunnersimaneqartumi sulinissamik piumassuseqarpit? Kalaallit Nunaanni aatsitassanut ujarassiornikkut periarfissaqarfiusup pilerisaarutigineqarnerannut peqataarusuppit aammalu nunani tamalaani aatsitassarsiorfinnut suliffissuarnut periarfissaqarfiusut paasissutissiissutigalugit? Taava Nuummi Ujarassiornermut immikkoortortaqarfimmut pisortatut atorfik ilinnoortuusimassaaq.

Atorfimmut nassuiaatit
Atorfimmi suliassaq pingaarneq tassaavoq, Ujarassiornermut immikkoortortaqarfimmi sulisunut aammalu Naalakkersuisoqarfimmi sulisunut allanut aqutsinissaq, allaffissornikkut aqutsinissaq aammalu suliatigut isumasioqataanissaq. Immikkoortortaqarfimmi ineriartorneq, ingerlaavartumillu aatsitassaqarfinnut, qarasaasiatigut paasissutissaasivinnut tunngatillugu suliassat ingerlaavartut, isumagisarissavatit, kiisalu aatsitassanut periusissiamut akuerineqareersumut tunngatillugu ilisimatusarnermut suliassaqarfik nassuiassallugu.

Suliassat allaffissornermut tunngassuteqarput

  • Ujarassiornermut immikkoortortaqarfimmi sulinermut missingersuusiorneq.
  • Immikkoortortaqarfimmi sulinermut ukiumoortumik pilersaarutinik suliaqarneq taakkualu nalunaarusiortarneri.
  • Geofysiskini, geologiskini aammalu aatsitassarsiorluni misissuinermi qulequttat pillugit apeqqutinut akissuteqaatinut ataqatigiissaarineq suliarinninnerlu.
  • Immikkoortortaqarfiup paasissutissaataanik suliffiup iluani avataanilu suleqatinut paarlaasseqatigiinnernik ataqatigiissaarineq, kiisalu aatsitassarsiorluni misissuinerni paasissutissanik nalunaarusiornernut pitsaassusaannillu qulakkeerinernut suleriaasissanik inissisimasoqarnersoq qulakkeernissaa.
  • Ujarassiornermut nalunaarusianik, ujarassiornikkut nakkutilliinernik, nittarsaassinernik, geofysik/geologi-nik tamanut paasissutissiinernik il.il. suliaqarneq.
  • Taamatuttaaq suleqatigisartakkanik avataaneersunik suleqateqarnerup ataqatigiissaarneqarneranut tunngatillugu suliassaqassaaq.
Naatsorsuutigaarput Ujarassiornermut immikkoortortaqarfimmi aatsitassarsiorluni misissuinissamut akuersissutinik suliarinninnermi paasisimaarinnissasutit, ilanngullugit suliassat suliatigut teknikkinut isumannaallisaanermullu tunngassuteqartut suliarinissaat. Tamatuma saniatigut Kalaallit Nunaanni aatsitassanik periarfissaqarfiusunik immikkoortortaqarfiup nittarsaassineranut peqataasussaassaatit, kiisalu suliffiup iluani avataanilu suleqatigiissitaliani assigiinngitsuni peqataassallutit.

Ilisarnaatit
Ujarassiuumik/geofysikerimik tunniusimalunilu pikkorissumik aammalu ujarassiornermik/geofysiskinut attuumassutilinnut misilittagalimmik sulisussarsiorpugut, ilanngullugu Kalaallit Nunaanni ujarassiorneq pillugu misilittagaqarneq annertuunillu ilisimasaqarneq kiisalu
  • minnerpaamik pinngortitalerinermi ilinniagartuutut allagartaqarneq,
  • teknikkikkut allaffissornikkullu aqutsinermik misilittagaqarneq
  • ineriartortitsinermut suliniutinullu sammisumik sulinermi aaqqissuussinissamut piginnaasaqarluartoq,
  • suliaqartunik assigiinngitsunik suleqateqarnissamik piumassuseqartoq piginnaasaqartorlu,
  • tuluttut allattariarsorlun oqaluinnarlunilu piginnaaneqarluartoq,
Ujarassiornerup, aatsitassarsiorfiit imaluunniit uuliasiornermik inuussutissarsiutit iluanni allaffissornikkut aaqqissuussaanermi sulinermit misilittagaqaruit iluaqutaassaaq. Kalaallit Nunaanni avataanilu angalasarnissaq naatsorsuutigisariaqarpat, aammalu ilinniaqqinnerni attuumassutilinni ilaanissaq piareersimaffigissavat.
 
Kalaallit oqaasii kulturiallu ilisimasaqarfigigukku iluaqutaassaaq. Qinnuteqartunut Kalaallit Nunaata avataaneersunut sungiusimasanit allaanerusuni kulturikkut atugaqarluni sulinissap inuunissallu piginnaasaqarfiginera, piumassuseqarfiginera kajumigineqarneralu pingaartinneqassaaq.
 
Uagut pilluta
Ujarassiornermut immikkoortortaqarfiup Aatsitassanut Inatsisillu Atuutsinneqarnerannut Naalakkersuisoqarfimmi inissisimanerani ilaatinneqarput:
  • Kalaallit oqartussaasuinut ujarassiornikkut siunnersuineq.
  • Aatsitassarsiorluni misissuinermut attuumassutilimmik ilisimatusarnermik suliaqarneq aammalu paasissutissanik qaffasissumik pitsaassusilinnik nutaanik pissarsititsineq.
  • Kalaallit Nunaanni aatsitassanut periarfissaqarfiusunut nittarsaassineq.
Naalakkersuisoqarfimmi sulisut 20-it missaanniippugut. Tamatuma saniatigut Naalakkersuisoqarfiup ataani immikkoortortaqarpoq, Aatsitassanut Aqutsisoqarfik. Atorfik aaqqissuussaanermi Ujarassiornermut immikkoortortaqarfimmiippoq, tassaniillutik ujarassiuut pisortaat 1 aammalu ujarassiuut 8. Ujarassiornermut immikkoortortaqarfiup Aatsitassanut Aqutsisoqarfik, De Nationale Geologiske Undersøgelser for Danmark og Grønland (GEUS), aamma Kalaallit Nunaanni nunanilu allani kattuffiit allat qanimut suleqatigai.  
 

Akissarsiat atorfeqartitaanermilu atugassarititaasut:
Atorfik akissaateqarfimmi LR 38-mi maanna inissisimavoq.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia