sullissivik.gl
Atorfimmut ussassaarummut oqaatsinut allanut nuunniarlutit tooruk

Aatsitassanut Suliffeqarnermullu Naalakkersuisoqarfik piffissami aalajangersimasumi Projekt Database Geologissarsiorpoq

Namminersorlutik Oqartussat

Nuuk
Ikkunneqarpoq: 17-11-2019
Piffissaq atuuffissaa naassaaq: 16-12-2019
Suliffissamut ID normut: LJA-77534571
Atorfeqarnermi atugassarititaasut: Tamakkiisoq
Suliassaqarfik: Ingeniøri & pinngortitalerineq
Attaveqarfissamut paasissutissat

Namminersorlutik Oqartussat

Julie Hollis 
Imaneq 1A 201
Oqarasuaat +299 34 68 26

Paasissutissanik toqqorsivilerinermik aammalu GIS suliarinissaanut kiisalu Kalaallit Nunaanni aatsitassarsiornerup iluani ineriartortitsinermik soqutigisaqarpit? Taava Nuummi Aatsitassanut Suliffeqarnermullu Naalakkersuisoqarfiup ataani Geologimut Immikkoortortaqarfimmi Geodatabase projektgeologitut atorfik ilinnut tulluarpoq.

Atorfininneq pissaaq 1. Januar 2020 (imaluunniit isumaqatigiissuteqarnerup kingorna) 31. december 2020-ip tungaanut (isumaqatigiissuteqarnikkut sivitsorneqarsinnaavoq).

Geologimut immikkoortortaqarfik pillugu
Aatsitassanut Suliffeqarnermullu Naalakkersuisoqarfiup ataani Geologimut Immikkoortortaqarfiup qitiusumik suliai ilaatigut ukuupput:
 (a) piiaasinnaanermut aammalu misissuinermut atatillugu ujarassiornermut tunngassutilinnik Kalaallit Nunaanni oqartussaaffinnut siunnersuutinik aammalu ilitsersuutinik tunniussisinnaanissaq
 (b) Kalaallit Nunaanni aatsitassanik ilimanaateqarnermut atatillugu paasissutissat qaffasissumik pitsaassusillit anguniarlugit misissueqqissaarnernut aningaasaliissutit ikorfartornissaannut ujarassiornermi ilisimatusarnermi misissueqqissaarnerit ingerlannissaat aammalu
 (c) Kalaallit Nunaanni aatsitassarsiornikkut ilimanaatit pillugit avammut nittarsaassinerit

Suliniut pillugu
Immikkut siunnersortitut nakkutilliisoqarfitsinni ujarassiornermut atatillugu ilisimatusaatit aammalu toqqorsivilerinermi kiisalu digitalimik GIS atortorissaarutit pioreersut aammalu nutaat ineriartortinneqarnissaat isumagissavatit. Immikkut GIS / toqqorsivilerinerlu suliassatut tigummissavatit

  • Aatsitassanut Suliffeqarnermullu Naalakkersuisoqarfiup GIS siaruarteriviani tamanut saqqummiussassaasunik Kalaallit Nunaanni oqaluttuarisaanerup iluani ujarassiornikkut nunap assingini nalunaarsorsimasut nussorneqarnissaat isumagissavatit.
  • Suliffeqarfiit aatsitassarsiornermik ingerlatsiviusut paasissutissaataannik ujaqqat sananeqaatai pillugit paasissutissanik ineriartortitsineq
  • Kiisalu ujarassiornermut tunngatillugu paasissutissanik toqqorterinermi ineriartortitsinerit aammalu pitsanngorsaanerit allat.

Kinaassutsit
Naatsorsuutigaarput:
  • Minnerpaamik geologimi kandidatitut ilinniarsimassasutit
  • Ujarassiornermi paasissutissanik toqqorsivilerinermi aammalu software allat attuumassutillit (Visual studio, C#, Visual basic aamma SQL) misilittagaqarfigissagitit, sapinngisamik Kalaallit Nunaanni aammalu aatsitassarsiornermik suliassaqarfinnut innersuunneqarsinnaasunik.
  • Kalaallit Nunaanni Namminersornerullutik Oqartussat ataanni misilittagaqassasutit
  • Arlalinnik assigiinngitsunik ilinniagaqarsimassasutit aammalu suliassat assigiinngitsut arlallit suliarisinnaassagitit.
  • Attaveqaqatigiinneq pikkoriffigissagit, allattariarsornikkut aammalu oqaluttariarsornikkut.
  • Eqinnaatsumik sulisinnaassuseqartutit aammalu suleqateqallaqqissuullutit.
  • Torersumik tulleriiaarisinnaassusilimmillu suleriuseqartutit, namminersorsinnaassuseqarlutit kiisalu anguniagaqallaqqissuullutit.
  • Kalaallisut, qallunaatut aammalu tuluttut oqaatsinik atuillaqqissuussasutit.


Uagut pilluta
Aatitassanut Suliffeqarnermullu Naalakkersuisoqarfimmi 20-t missaanni sulisoqarpugut. Taassuma saniatigut Naalakkersuisoqarfiup ataani Aatsitassanut Aqutsisoqarfik inissisimavoq, ilaatigut Aatsitassanut Aqutsisoqarfiup Teknikkikkut, Nakkutilliinermut aammalu Akuersissutinut Immikkoortortaqarfia inissisimavoq. Atorfik suliffeqarfiup ilusilersugaanerani Ujarassiornermut Immikkoortortaqarfiup ataani inissisimavoq, tassani Chefgeolog ataaseq aammalu Ujarassiuut arfinillit atorfeqarlutik. Ujarassiornermut Immikkoortortaqarfik Aatsitassanut Aqutsisoqarfik, De Nationale Geologiske Undersøgelser for Danmark og Grønland (GEUS), kiisalu Kalaallit Nunaanni nunanilu allani misissueqqissaarnermut aammalu teknikkikkut suliniaqatigiiffiit allat qanimut suleqatigai.

Naalakkersuisoqarfik pillugu www.naalakkersuisut.gl aqqutigalugu nittartakkakkut paasisaqarnerugit, aammalu ujarassiorneq pillugu www.govmin.gl aqqutigalugu paasisaqarnerugit. Nuummi inissisimavugut, sunngiffimmi pinngortitami assigiinngitsorpassuarnik sammisaqarnissamut periarfissaqarluartumi, soorlu: piniariarneq, aalisariarneq, angalaarneq, nunakkut pisuttuarneq, sisorarneq allatigullu pinngortitami sammisassat. Illoqarfimmi inuit 17.000-iusut piorsarsimassutikkut assigiinngitsorpassuarnik sammisassaqartitsivinnik neqerooruteqartuupput, premierertarfimmik filmertarfeqarlutik, kulturikkut illorsuaqarlutik golfertarfeqarlutik, naluttarfeqarlutik, assigiinngitsorpassuillu - www.sermersooq.gl, www.greenland.com aamma www.naalakkersuisut.gl iserfigalugit paasisaqarnerugit.


Paasissutissat annertunerusut
Atorfik pillugu annertunerusumik paasisaqarusukkuit Immikkoortortaqarfimmi pisortaq Julie Hollis attaviginissaanut tikilluaqqusaavutit oqarasuaat +299 586170 e-mail: juho@nanoq.gl
 
Kalaallit Nunaat pillugu annertunerusumik paasisaqarusukkuit www.naalakkersuisut.gl aqqutigalugu nittartakkakkut suliffissarsiortunut paasissutissat iserfigalugu paasisaqarnerusinnaavutit

Qinnuteqaat
Qinnuteqaat Aatsitassanut Suliffeqarnermullu Naalakkersuisoqarfiup kingusinnerpaamik 9. december 2019 tigoreersimassavaa.
Oqaloqatiginninnerit qinnuteqarfissap qaangiusimalernerani ingerlanneqarnissaat naatsorsuutigaarput.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Qinnuteqaaternut allakkianik ilanngussinngilatit. Taamaakkaluartoq qinnuteqaatit nassiunniarukku "Ok" tooruk, imaluunniit "Taamaatiguk" tooruk aammalu qinnuteqaqqilinnginnarni allakkiat ilanngutikkit.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia