sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Aatsitassanut Suliffeqarnermullu Naalakkersuisoqarfimmut ikiorti ilinniartoq

Namminersorlutik Oqartussat

Nuuk
Ikkunneqarpoq: 07-11-2019
Piffissaq atuuffissaa naassaaq: 14-11-2019
Suliffissamut ID normut: LJA-77257241
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq

Aatsitassanut Suliffeqarnermullu Naalakkersuisoqarfik naalakkersuisoqarfiup Aatsitassanullu Aqutsisoqarfiup aatsitassanut suliffeqarnermullu tunngasunik allaffissornikkut suliaqarnerani ikiuuttussamik ilinniartumik pikkorissumik ikiortissarsiorpoq.

Aatsitassanut Suliffeqarnermullu Naalakkersuisoqarfik periusissianik tunngaviusussanillu ineriartortitsinissamut kiisalu aatsitassanut suliffeqarnermullu tunngasut inatsisilerinermut tunngasortaannut akisussaasuuvoq. Aatsitassanut Aqutsisoqarfiup akuersissutinik piginnittut attaveqarfiginerat isumagalugulu sulianik ingerlatsinermik eqaatsumik naammassisaqarfiusumillu pilersitsiniarluni Namminersorlutik Oqartussani immikkoortunik allanik ataqatigiissaarinermik suliaqarpoq. Uatsinni sulininni naalakkersuisoqarfimmi aqutsisoqarfimmilu assigiinngitsunik ilinniagalippassuit suleqatigisassavatit, tassani ujarassiuut, inatsisilerituut, aningaasarsiornermik ilinniagartuut, ingeniørillu ilanngullugit.

Makku suliarisarnissaat ilimagissavat:

  • Innuttaasut saaffiginnissutaannik akissuteqarneq
  • Nittartakkakkut quppernermik nutarterineq
  • Toqqorsivimmut ilioraaneq digitalinngorsaanermillu suliaqarneq
  • Nutsigassat annikinnerusut
  • Naatsorsueqqissaarnernik suliassat annikinnerusut
  • Suliassat allat 
Naatsorsuutigaarput illit:
  • Kandidatinngorniarnermi ilinniartutit bacheloritulluunniit ilinniakkamik naammassinningajalersutit
  • Ingerlatsinermik sulianik suliaqarusussuseqarlutillu piginnaasaqartutit
  • Paasinnillaqqillutillu misissuinermik piginnaasaqarluartuusutit
  • IT-mik atortorissaarutinik databasinillu suliaqarneq soqutigalugulu piginnaasaqarfigigit
  • Isumagissaartuusutit persuarsiunngitsumillu allanut periuseqartuusutit
  • Kalaallisut/qallunaatut marluinnik oqaaseqartuusutit aammalu tuluit oqaasii ilisimasaqarfigigukkit pitsaassalluni
Neqeroorutigaavut:
  • Suliffik pissanganartoq ineriartortuartoq
  • Suliffik qiimmisaarfik pisortanik qanittumik suleqateqarfiusoq
  • Aatsitassanut suliffeqarnermullu tunngasunik aqutsinermik ilisimaarinniffiusoq
  • Namminersorlutik Oqartussani sulianik ingerlatsinermik misilittagaqalerneq

Paasissutissat erseqqinnerusut
Atorfik pillugu annertunerusumik paasisaqarusukkuit, immikkoortumut pisortamut Nadja Vedsted Sembach, navr@nanoq.gl imaluunniit 346823 attaveqarnissamut tikilluaqqusaavutit.
Kalaallit Nunaat Namminersorlutillu Oqartussat pillugit annertunerusumik paasisaqarusukkuit www.naalakkersuisut.gl, atorfiit ataanni paasissutissat annertunerusut nanisinnaavatit. Uagutsinnut tunngasut nittartakkakkut quppernermi www.govmin.gl annertunerusumik atuarsinnaavatit.

Qinnuteqarnissamut killiliussaq: 13. november 2019
Atorfininnissaq sapinngisamik piaarnerpaamik isumaqatigiissuteqarnikkulluunniit pissaaq.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Piffissaq suliffiusussaq ilinniarnerpit ingerlannera apeqqutaatillugu sapaatip akunneranut 10 – 15 tiimiussaaq. Misilitsinnissanut assigisaannullu tunngatillugu eqaatsumik periuseqarnissarput neqeroorutigaarput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia