sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

AC-fuldmægtig

Kommune Kujalleq

Qaqortoq
Ikkunneqarpoq: 13-10-2021
Piffissaq atuuffissaa naassaaq: 03-11-2021
Suliffissamut ID normut: LJA-82802967
Atorfeqarnermi atugassarititaasut: Tamakkiisoq
Suliassaqarfik: Allat, Allaffik & allaffissorneq

Aqutsisunik kiffartuussivimmi AC-fuldmægtigi.


Kommune Kujalleq AC-fuldmægtigimik novembarip aallaqqaataani 2021-imi imaluunniit isumaqatigiissut malillugu inuttassarsiorpoq.


AC-fuldmægtigip suliassai tassaapput missingersuusiorneq, malitseqartitsineq kiisalu politikkikkut ataatsimiititalianut, aqutsisunut missingersuusiornernilu akisussaasunut nalunaaruteqartarnerit aqqutigalugit aningaasaqarnermut tunngasut pingaarnersiuinerillu paasisimaneqalersissallugit saqqumisumillu ingerlanneqartilissallugit, ulluinnarnilu qitiusumik naatsorsuuseriviit suleqatigissallugit, ullumikkullu nakkutilliisut tallimaapput naatsorsuusersutullu sulisut arfiniliullutik.

Aningasaqarnermut ingerlatsiviup makkorpiaat akisussaaffigai:

Kommunimi ajutoorfiusinnaasunik aningaasaqarnermillu aqutsineq kiisalu paasissutissanik pinngitsoorneqarsinnaanngitsunik aqutsineq aaqqissuutissallugit.

·Missingersuutit, missingersuutinik killiffissiuinerup naatsorsuutillu pilersaarusiornissaat suliarineqarnissaallu akisussaaffigissallugit.

·Aningaasaqarnikkut misissueqqissaarnernik aamma periarfissanik ujarlerfissianik kiisalu ajutooratarsinnaanermut aamma aningaasaqarnikkut kinguneqaatissanik suliniuteqarnissamut siunnersuutinik suliaqarneq


AC-fuldmægtigitutallaffissornermi suleriutsitta ineriartortinneranut pingaarutilittut inisisimassaatit, taakkualu atorneqarnissaat atuisunut pitsanngorsaavigiuartarpavut eqaallisartarlugillu.  


Suliassat:

  • Aningaasaqarnermik aqutsineq pitsaanerusoq kiisalu allaffissornikkut suleriaatsinik suliassanilu aalajangersimasuni suleriaatsit pitsanngorsarnissaat siunertaralugu aningaasaqarnikkut suliniutinik pilersaarusiussalluni, aaqqissuissalluni ingerlatsissallunilu.
  • Aningaasaqarnermut tunngasutigut kisitsisitigut paasissutissanik suliaqarnermi ataqatigiissaarineq.
  • Suliassaqarfinni aalajangersimasuni allannguinermi, ineriartortitsinermi ingerlatsinermiluunniit nalunaarsuineq/killiffinnik misissueqqissaarneq, kiisalu aningaasaqarnermik ingerlatsivimmi suliniutit kingunerisinnaasannik misissueqqissaarneq.
  • Naatsorsuutinik nalunaarusiornerni, ukiumoortumik naatsorsuusiornerni missingersuusiornernilu kisitsisitigut aningaasatigullu ilisimasanik aningaasaqarnermik ingerlatsivimmi aqutsisunut ikiuunneq.
  • Aqutsisut aqutsisutut nakkutiliineranni pitsaassutsimillu qularnaarinninneranni ikiorlugit, tamatumani nakkutilliisut qanimut suleqatigalugit.
  • Aningaasaqarneq pillugu paasissutissanik pingaarutilinnik aqutsisunut/ataatsimiititalianut suliaqarneq.
  • Missingersuutit pingaarnerusutigut malinnaavigineqarnerat.
  • Aningaasaqarnikkut killiffik pillugu nalunaarusiorneq.
  • Missingersuutinik nalunaarusiornermi aaqqissuussineq.
  • Aningaasaqarneq pillugu ilitsersuusiorneq siunnersuinerlu.


Piginnaasassat:

·Ilinniagartuutut naleqquttumik ilinniagaqarsimassasutit.

  • Nammineerlutit, aaqqissuulluakkamik anguniakkannillu aalajangiussisimalluartuullutit sulisinnaassasutit.
  • Suliassanik siuariartortitsinissamut akisussaaffeqarnissannut aamma suliassat suliarineranni pitsaassutsimik qularnaarinninnissannut piareersimassasutit.
  • Pitsaasumik attaveqalersitsisinnaassuseqarluartutit, sulisinnassuseqarluarlutit sunniuteqaqataasinnaassuseqarluassasutit.
  • Kalaallisut danskisullu allattarissanik oqaluinnarlutillu erseqqissuliorsinnaassasutit.
  • Suleqatigiuminartuussasutit.
  • Sulinermut suleqatinullu sungiussiasumik kiinnerartumillu pissuseqassasutit.


Akissarsiat atorfinitsitaanermilu atugassarititat, tamatumunnga ilanngullugit atorfininnermi soraarnermilu akiliunneqarluni angalaneq aamma pisattat nuunnerinut akiliunneqarneq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit pissapput.


Atorfinitsinneqanermut atatillugu inissaqartitsisoqarsinnaavoq, malittarisassat atuuttut najoqqutaralugit ineqarnermut akiliutit allallu akilerneqartartussamik.


Atorfik pillugu paasissutissat sukumiinerusut Aningaasaqarnermut Pisortaq Kim Rosendahl oqarasuaat 64 53 30, imaluunniit e-mail: kird@kujalleq.gl atorlugu saaffigalugu pissarsiarineqarsinnaapput.


Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri il.il. PDF-filinngorlugit kommunip nittartagaatigut tunniunneqariissapput kingusinnerpaamik novembarip ulluisa pingajuat 2021.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia