sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

AC fuldmægtig- Qitiusumik Naatsorsuuseriffimmut

Namminersorlutik Oqartussat

Nuuk
Ikkunneqarpoq: 19-07-2019
Piffissaq atuuffissaa naassaaq: 10-08-2019
Suliffissamut ID normut: LJA-74496704
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq

Qitiusumik Naatsorsuuseriffik (DcR) atorfimmut pissanganartumut unammillernartumullu misissueqqissaarnermut pikkorissumik suleqatissarsiorpoq, Kalaallit Nunaanni Namminersorlutik Oqartussat aningaasaqarnikkut nalunaarusiortarnerannik ineriartortitsinermut illit immikkut tapersiisussaassaatit.

Qitiusumik Naatsorsuuseriffik Aningaasaqarnermut Sulisoqarnermullu Aqutsisoqarfimmi immikkoortortaavoq aammalu Namminersorlutik Oqartussani nunap karsiata naatsorsuutaanut taanna akisussaanerpaajuvoq. DcR 40-nik sulisoqarpoq aamma pingasunik allaffeqarfeqarpoq kiffartuussinermullu immikkoortortaqarluni; Akiligassaqarfigisanik- aamma Akiligassalinnik Naatsorsuuseriffik, Aningaasaqarnermut Tunngasunik- aamma Immikkut Ittumik Naatsorsuuseriffik, Naatsorsuutinik ineriartortitsinermut allaffik Naatsorsuuserinermillu kiffartuussivik

Aningaasaqarnermut Sulisoqarnermullu Aqutsisoqarfik, ulluinnarni ASA-mik taagorneqartoq, Kalaallit Nunaanni Namminersorlutik Oqartussat ataatsimoorussamik kiffartuussinermut sullissivigaat. Maannakkut ASA 140-t missaanniittunik sulisoqarpoq ilaatigut naatsorsuutit saqqummiunneqartarnerannut, pisiortornermi politikkimut, isumaqatiginninniarnernut tunngasunut, aningaasarsiaqarnermut sulisoqarnermullu politikkimut, Sulisoqarnermut immikkoortortap ineriartortinneranut, nutserisoqarnermut kiisalu illuutit ingerlanneqarnerannut akisussaasuulluni.

ASA-mi anguniagaq: Isumalluutinik Kalaallit Nunaanni inuiaqatigiit ineriartortinnerinut atorneqarsinnaanngortitsinissaq.
Makku ataqqineqarluta ilisarnaatigerusuppavut:

  • Ataatsimut isiginnilluni aaqqiissuteqartarneq
  • Pisariunngitsumik aaqqiissuteqartarneq
  • Tatiginnilersitsineq
Suliarisartagassatit
Kalaallit Nunaanni Namminersorlutik Oqartussat aningaasaqarnikkut nalunaarusiortarnerannik ineriartortitsinermut tapersiisinnaassuseqassaatit.
Tamatumani ilaatigut nassatarisussaavaa, Namminersorlutik Oqartussani suliassaqarfinni assigiinngitsuni, qaammatit pingasukkaartumik missingersuutinik qitiusumiit malitseqartitsisarneq kiisalu Nunatta karsiata naatsorsuutai pillugit qaammatikkaartumik nalunaaruteqartarneq. Tamatuma saniatigut nalunaarusiortarnermut, atortulersuutit naleqqussarnerannut aamma nakkutilliinermut attuumassuteqartumik ineriartortitsinermik aamma misissueqqissaarnermik suliassat ingerlanneqarnerannut tapertaasinnaassaatit.
Aamma pisiortornermut tunngassuteqartunik misissueqqissaarnernut tapersiissuteqartassaatit kiisalu  pisiortorneq pillugu misissueqqissaarnermut atortulersuummi BuboINVOICE-mi paasissutissat pitsaassusiannik qulakkeerinninnermut peqataasassallutit aamma Aningaasaqarnermut Sulisoqarnermullu Aqutsisoqarfimmi suliassaqarfinni assigiinngitsuni aningaasaqarnikkut kisitsisitigullu piginnaasaqarnerit atorlugit nalinginnaasumik taperseeqataasassallutit.
Namminersorlutik Oqartussat naatsorsuuserissummut nutaamut ikaarsaariartorput. Aammattaaq soqutiginartunik arlalinnik suliassaqarpoq, naatsorsuuserissummut nutaamut suleriaatsit pitsaasut atortussanngortissallugit iluarsisassat.
Suliatigut piginnaasassatit
  • Naatsorsuuserinermi aamma/imaluunniit aningaasaqarnermut tunngasuni akunnattumik sivisussusilimmik imaluunniit sivisuumik ilinniagaqarsimaneq
  • Nalilersuilluni misissuisarnermut piginnaassuseqarneq kisitsisinillu paasisimasaqarluarneq
  • Excelip atornissaanut pitsaasunik piginnaasaqarneq
  • ITmik soqutigisaqarlunilu piginnaasaqarneq
  • Oqallorinneq allallaqqinnerlu
  • Namminersorlutik Oqartussat pillugit ilisimasaqarluarneq.
  • Kalaallisut allassinnaallutillu oqalussinnaaguit iluaqutaassaqaaq.
Inuttut piginnaasassatit
  • Akisussaaffeqarluarneq nammineerlunilu sulisinnaassuseqarneq
  • Aaqqissuussaasumik suleriaaseqarputit, tamakkiisumillu isiginnissinnaassuseqarluartuuvutit.
  • Sulisunik assigiinngitsunik tunngaveqartunik suleqateqarnissamut suleqateqarusussuseqarneq
  • Akuersaartoq aammalu suliffiup iluani avataaniillu atassuteqarfinnik pilersitsisinnaassuseqartoq
Ilinnut neqeroorutigisinnaasavut:
  • Pissanganartunik unammillernartunillu suliaqarfiusoq
  • Suleqatit pitsaasut
  • Suleqatit pikkorissut aallussilluartullu
  • Suliassatigut ilisimannilluarfiusoq qaffasissumillu akisussaaffilik
  • Akisussaaffilimmik kiffaanngissuseqarneq
Paasissutissat sukumiinerusut:
Apeqqutissaqaruit naatsorsuuserinermut pisortaagallartumut attaveqarsinnaavutit Mathias Laurits Mathiasen-imut oqarasuaammut uunga  34 58 64 imaluunniit mail-ersinnaavutit uunga mamm@nanoq.gl.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia