sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

AC-fuldmægtigeq/konsulenti Siusinaartumik Iliuuseqarneq pillugu nukittorsarneqarnissaanut

Namminersorlutik Oqartussat

Nuuk
Ikkunneqarpoq: 21-10-2021
Piffissaq atuuffissaa naassaaq: 10-11-2021
Suliffissamut ID normut: LJA-82851543
Atorfeqarnermi atugassarititaasut: Tamakkiisoq
Suliassaqarfik: Isumaginnittoqarfik

Isumaginninnermut Aqutsisoqarfik AC-fuldmægtigimik/konsulentimik projektlederitut siusinaartumik iliuuseqarnermik sulianut tunngasunik ilisimasalimmik misilittagalimmillu sulisussarsiorpoq. Suliffeqarfiit akimorlugit suleqatigiinnissamik ataqatigiissaarisussaq taavalu ilaqutariit naartusortalinnut siusinaartumik iliuuseqarneq ineriartortitsinissaanut.

Atorfik pillugu
Projektlederitut atorfeqassaatit Siusinaartumillu Iliuuseqarneq ataqatigiissarneqarnissaanut ineriartortinnissaanullu akisussaaffigissavat. Siusinaartumik Iliuuseqarneq pillugu suliaq danskit Kalaallit Nunaallu suleqatigiinneranni initiativini ilaavoq.  
 
SIF (Kalaallit Nunaanni innuttaasut peqqissusaannik ilisimatusarfik) Siusinaartumik Iliuuseqarneq ilaqutaariit naartusortalinnut suleriuseq maannangaaq nalilersorpaat (ukiakkut 2019-imi aallartinneqarpoq). Nalilersuinerup inerneri aallaavigalugit Siusinaartumillu Iliuuseqarnermik suliaqartut peqatigalugit suleriuseq Siusinaartumik Iliuuseqarneq tamaat isigalugu naleqqussarneqassaaq ineriartortinneqarlunilu. Suliffeqarfiillu akimorlugit suleqatigiinneq qanoq nukittorsarneqarsinnaaneranik iliuusissanik ineriartortinneqassalluni. 
 
Ingerlaavartumik Siusinaartumik Iliuuseqarneq suleriuseq ataqatigiissarneqarnerani suliap imarisaasa ilagivaat suliffeqarfiit akimorlugit suleqatigiinneq nuna tamakkerlugu najukkanilu ataqatigiissarneqarnera. Projeklederi suleriuseq suliarineqarnerani ilaqutariinnut sanngiinnerusunut tunngatillugu piumasarineqartut naammassineqarnisssaat anguniarneqarneranut qulakkeerinneqataassaaq. Tassani projektlederip sulianut tunngasunut ilisimasani aallaavigalugit ilaqutariit sanngiinnerit meerartaarneranni meeraq inuunermik aallartilluarnissaannik peqataaffigissavaa.   
 
Suliffeqarfiit akimorlugit suleqatigiineq ataqatigiissarnissaa ataatsimiisitsinissamik workshopertitsinissanillu  pilersaarusiornermik tapersersuinermillu imaqarpoq, ataavartumillu suleqatigiinneq ineriartortinneqassalluni. Projektlederip suliassaasa ilagissavaat avataaneersunik arbejdsgruppinik udvalginillu pilersitsinissaq, tamanna nuna tamakkerlugu, nunap ilaanut najukkanilu suliamut tunngasumut ataqatigiissaarineq pitsanngorsarnissaanik qulakkeerinneqataassammat.  
 
Projektlederip suliamut tunngasumut aqutsisoq Paarisamilu pisortaq suleqatigalugit Siusinaartumik Iliuuseqarneq suleriuseq akisussaaffigissavaa. Aamma akisussaaffimmiippoq initiativet tassunga attuumassuteqartut atuutilersinneqarnissaat, politikkikkut aningaasatigullu sinaakkutit malinneqarnissaat, suleriuserlu suliamut tunngasumut piumasaqaatit anguniarneqartut naammassineqarnissaat. Pingaartumik projeklederip ilaqutariit naartusortallit pillugit suliamut tunngasumut ilisimasani atorlugit, suleqatigiinni peqataasut ilaqutariit angajoqqaanngulersut pitsaasumik inuunermik aallartiffeqarnissaat qulakkiissallugu.      
 
Suliassat:

  • Siusinaartumik Iliuuseqarnermi suleriutsip imarisaa iluarsaanneqarnissaa, tassani suliffeqarfiit akimorlugit suleriusissaat allaaserineqassalluni. 
  • Nuna tamakkerlugu siunnersuisarfiup atuunnerata sinaakkutissaa allaaserissallugu, siusinaartumik iliuuseqarneq atuutinneqalernissaanut tapersersuineq pitsanngorsarumallugu.
  • Suliap ineriartortinnissaa pillugu immersorneqarnissaanut peqataatsitsinissarlu pillugit siusinaartumik iliuseqarnissaq pingaartillugu najukkani seminareqartitsineq/workshopeqartitsinerlu ingerlanneqartassaaq
  • Siusinaartumik Iliuseqarneq pillugu suliniummi ingerlaavartumik pilersaarutimik ataqatigiissaarineq aamma atuutsitsilerneq.
  • Suliat akimorlugit suleqatigiinnerit ataqatigiissaaralugit, ilaatigut Siusinaartumik Iliuseqarneq pillugu peqataasut suliaq akimorlugu suliffillit suleqatigalugit.
  • Suliamut tunngasumik allattariarsornikkut tulluarsaasinnaaneq/malinnaasinnaaeq ilaatigut nalunaarusiornikkut aamma oqaaseqaatiliornikkut.
  • Suliniutinik nutaanik suliap iluani ineriartortitsineq.
  • Paarisa-mut Siuisiinaartumik Iliuseqarnermi saaffiginnissutinik isumagisaqarsinnaaneq.
  • Isumasioqatigiinnerni, ataatsimiinnerni il. Il. pilersaarusiorneq kiisalu ingerlatsineq
  • Ilisimasanik katersineq aamma paasissutissiiineq, suliamut tunngasunik ilisimasalinnut Siusiinaartumik Iliuseqarneq pillugu siunnersuisinnaaneq soorlu ernisussiortunut, meeraaqqerisunut aamma perorsaasunut.

Suleqatissarsiorpugut ukuninnga piginnaanilik
  • Naleqquttumik diplom, master imaluunniit kandidat-itut ilinniaqqissimanissaq iluaqutaassaaq
  • MANU aamma Siusinaartumik Iliuseqarneq pillugit ilisimasaqarluartoq
  • Projektimik ineriartortitsinermillu suliaqarnermik misilittagalik
  • Ineriartortitsiinermi, atuutsitsinermi, malinnaanermi aamma naliliinermi suliassanik pimoorussilluartoq, ukkassilluartoq aamma aaqqissuussaassumik sulisinnaasoq
  • Aaqqissuussamik sulisinnaasoq aamma naammassisaqarnissamik ukkataqartoq
  • Suliamut tunngasumik eqaatsoq kiisalu paasiniaasoq
  • Allattariarsornikkut oqaatsitigullu attaveqatigiinnikkut piginnaasaqarluartoq
  • Qarasaasialerinikkut piginnaassaqartoq
  • Suliamut tunngasut akimorlugit suleqatiginnilluarsinnaasoq
  • Sulinermi atatillugu angalasaqariarnermi piareersimanissaq
  • Marlunnik oqaaseqartuusoq qallunaatut kalaallisullu

Naalakkersuisut kiisalu qallunaat naalakkersuisui oktober 2019-imi isumaqatigiissuteqarput Kalaallit Nunaanni meeqqat inuusuttullu immikkut pisariaqartitsisut pillugit suleqatigiinnertik annertusarniarlugu kiisalu suliamut tassunga tunngasumut suliat akimorlugit suleqatigiissitamik pilersitsissallutik. Suliap kingunerivaa initiativit 16 innersuussutigineqarnerisigut, ilaatigut nammineq kajumissuseq tunngavigalugu meeqqanik suliaqarnermi atugassarititaasut pitsanngorsassallugit. Atorfik kalaallit-qallunaallu suleqatigiissuteqarneraniit aallaaveqarpoq tunngaviatigullu 2023-p naaneranut killeqarluni, kisianni sivitsorneqarsinnaanera periarfissaalluni.

Atorfik Isumaginninnermut Aqutsisoqarfik suliat akimorlugit pinaveersaartitsinermi immikkoortortaqarfimmi Paarisa-mi inissisimavoq. Paarisap ilaatigut kommune-t suliffeqarfiillu allat qanimut suleqatigalugit peqqissuunissaq anguniarlugu ineriartortitsilluni atuutsitsiniarlunilu suliaqartuuvoq. Immikkoortortami suliat pingaarnerit ilagivaat suliat akimorlugit qanoq iliuseqarnissaq sulisunut aamma innuttaasunut saaffiginnittoq.

Suliffik piffissaq tamakkerlugu suliffiuvoq sap. ak. akunnerit 40-llutik.

Ulloq sulilerfissat
Ulloq sulilerfissaq tassaavoq 1. december 2021 imaluunniit isumaqatigiissuteqarnikkut.

Isumaginninnermut Aqutsisoqarfik pillugu
Isumaginninnermut Aqutsisoqarfik Naalakkersuisuni aqutsisoqarfiuvoq ukuninnga arfinilinnik immikkoortortaqartoq: Pitsaaliuinermut immikkoortortaq Paarisa, Meeqqanut inuusuttunullu ulloq unnuarlu paaqqinniffiit, Sullissisunik Siunnersuisarfik, Innuttaasunut immikkoortortaqarfik, Inunnut innarluutilinnut immikkoortortaqarfik, Aningaasaqarnermut immikkoortortaqarfik aamma Allattoqarfik. Immikkoortortaqarfiit qanimut suleqatigiittarput, suliffiuvorlu suliassanut tunngatillugu amerlasuunik unammilligassaqarfiusoq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Paasissutissat allat
Atorfimmut tunngatillugu paasissutissanik amerlanerusunik pisariaqartitsiguit Paarisa-mi Immikkoortortaqarfimmi pisortaagallartoq Tina Evaldsen saaffigisinnaavat tiev@nanoq.gl /oqa. +299 34 23 94

Qinnuteqarnissamut killissarititaq: Pingasunngorneq 10. november 2021 nal. 12.00 (nunatsinni nalunaaqutaq malillugu)

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia