sullissivik.gl
Atorfimmut ussassaarummut oqaatsinut allanut nuunniarlutit tooruk

AC-fuldmægtigi

Namminersorlutik Oqartussat

Nuuk
Ikkunneqarpoq: 08-11-2018
Piffissaq atuuffissaa naassaaq: 03-12-2018
Suliffissamut ID normut: LJA-67620733
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq
Attaveqarfissamut paasissutissat

Namminersorlutik Oqartussat

Lisbeth Møller Jensen 
Imaneq 1A - 801
Oqarasuaat +299 34 52 58

Nunanut Allanut Naalakkersuisoqarfik 1. januar 2019-imiit imaluunniit piaarnerpaamik isumaqatigiissuteqarnikkut atorfinitsinneqartussamik AC-fuldmægtig-imik pissarsiorpoq.

Atorfimmi siunertaasoq tassaavoq nunani tamalaani suleqatigiinnermi nunani tamalaanilu oqalliffinni arlalinni Kalaallit Nunaata soqutigisaanik isumaginninnissanik ingerlatsisarneq.  Tassunga atatillugu pingaartumik NP-iip imavimmut isumaqatigiissutaanut, taakkununnga ilaallutik Nunaviup toqqaviata ataneratigut suliniutinut tunngasutigut suliassanut, ilaatigullu ukiumoortumik Nunanut allanut tunngasutigut naalakkersuinikkut ingerlatsineq pillugu nassuiaataanik suliarinninnissamut ikiuuttussamik AC-fuldmægtigimik pissarsiorpoq. Taamatuttaaq naatsorsuutigineqarpoq atorfimmut atatillugu suliassaqarfiit allat ilanngunneqarumaartut, sulinissannili misilittakkatit piginnaasatillu matumani apeqqutaajumaarput.
 

  • Nunat allat suliniutinut aningaasaliissutit pillugit qinnuteqaatinik Nunanut Allanut Naalak-kersuisoqarfiup suliarinnittarnerinut akisussaasuuneq.
  • Nunani tamalaani imavimmut isumaqatigiissummut, tassungalu ilanngullugu Nunaviup toq-qaviata ataneratigut suliniutinut tunngatillugu Kalaallit Nunaanni Namminersorlutik Oqartus-sat soqutigisaasa ingerlannissaat.
  • Kalaallit Nunaata niuernikkut politikkimut pillugu suliassat
  • Ukiumoortumik Nunanut allanut tunngasutigut naalakkersuinikkut ingerlatsineq pillugu nassuiaataanik, Nunat allat pillugit najoqqutassiamik, assigisaannillu suliarinnittarnerinut akisussaasuuneq.
  • Nunanut allanut Naalakkersuisoqarfiup suliassaanut atatillugu suliassat attuumassutillit sulia-rinissaat, soorlu naalakkersuisumik sullissineq, suliat misissueqqissaarnermut tunngasut kiisalu nunat tamalaat suleqatigiinnerannut peqataasarneq.
  • Naalakkersuisoqarfiup suliaanut tunngatillugu ingerlatsinermut suliassat aaqqiiffiginissaannut aamma oqartussaasut nalinginnaasumik suliarinninnerannut peqataaneq.
  • Suliffeqarfiup iluani avataanilu tusarniaanerni ataqatigiissaarineq akissuteqarnerlu.
  • Nunanut allanut politikkikkut nalinginnaasumillu suliassaagallartut assigiinngitsut.
Nunanut allanut Naalakkersuisoqarfik
Nunanut allanut Naalakkersuisoqarfik Namminersorlutik Oqartussani qitiusumik oqartussaqarfiuvoq, Kalaallit Nunaata nunani tamalaani soqutigisaanik suliassanillu isumaginnittuuvoq kiisalu suliatigut naalakkersuisoqarfiit nunani tamalaani ingerlataannik ataqatigiissaarisoq.  Namminersorlutik Oqartussat nunani avannarlerni issittumilu suleqatigiinnerni suleqataasuupput tassunga ilanngullugit Issittumi Siunnersuisoqatigiit kiisalu NP ingerlatat soorlu Inuit pisinnaatitaaffii pillugit siunnersuisoqatigiit aamma NP Nunat Inoqqaavisa pillugit suliassanut oqallittarfik (Permanent Forum).  Namminersorlutik Oqartussat aamma Kalaallit Nunaannut attuumassuteqartuni illersornissamut sillimaniarnikkullu politikkikkut apeqqutinut tunngasunut pimoorussilluni peqataapput.  USA-mik suleqateqarneq siullermik Joint Committeemi aamma Permanent Committeemi ingerlanneqarpoq.

Illit piukkunnaatitit piginnaasatillu
  • Ilinniagartuutut attuumassutilimmik ilinniagaqarneq (Cand.jur., Cand.polit., Cand.Scient.adm., Cand.Scient.pol, Cand.soc., Cand.Mag assingusumilluunniit).
  • Politikkikkut aqunneqartuni suleqatigiiffinni sulinermik misilittagaqarputit.
  • Nunani tamalaani suliffinni suleqatigiiffinnilu aamma/imaluunniit nunani allani sulinermik misilittagaqarputit.
  • Kalaallinut inuiaqatigiinnut taakkualu kulturiannut ilisimasaqarluaruit iluaqutaalluassaaq.
  • Naliliilluarsinnaavutit pitsaasunillu angusaqarsinnaallutit. 
  • Kalaallit, danskit, tuluit allallu oqaasiinik ilisimasaqarneq iluaqutaalluassaaq.
  • Immikkoortunut suliassaqarfiusunut misilittagaqarputit, ilisimasaqarlutit soqutigisaqarlutillu.
  • Naalakkersuisoqarfimmi, Namminersorlutik Oqartussani suleqatinik aamma Danmarkimi oqartussanik suleqateqarnissamut pitsaasumik nammineersinnaallutillu akisussaasinnaavutit.
Uku neqeroorutigivavut
Nunanut Allanut Naalakkersuisoqarfik suliffeqarfiuvoq nukissaqarluartoq, taamaattumik suleqatinik inussiarnersunik nuannaartunillu neqerooruteqarsinnaalluta.

Nunanut allanut suliassanut Naalakkersuisoqarfiup akisussaaffigisai tassaapput ilaannikkut ulapiffiu-sinnaasut, suliassaqarfiillu tamaasa matussusernissaannut siunersioqatigiillutalu suleqatigiittarluta, tassunga ilanngullugu angalanerni.

Sulisut ataasiakkaat pingaartinneqartutut misiginissaat aamma suliartornerup isumaqarneranik misi-ginissaat sulissutigaarput. Inuttut suliatigullu ineriartoqqinnissamut ilinniaqqinnissamullu ataasiakkaat pisariaqartitaat tapersersorpavut.

Atorfinitsitaanermi atugassarititaasut
Akissarsiatigut atorfininnermilu piumasaqaatit, tassunga ilanngullugit atorfininnermi soraarnermilu angalanissamut pigisallu nuunneqarnissaannut pisinnaatitaaffiit, Namminersorlutik Oqartussat aamma suleqatigiiffiup isumaqatigiinniarsinnaatitaasup pineqartup akornanni isumaqatigiissutaat piffissami atorfininnermi atuuttut naapertussavai.
Sapaatip akunneranut piffissaq sulliffiusoq tassaavoq nalunaaquttap akunneri 40-it.  

Ineqarneq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik inissaqartitsisoqarsinnaavoq. Qinnuteqartorli Namminersorlutik Oqartus-sani atorfeqarnini aqqutigalugu sulisutut ineqareersimaguni sulisunut inissiamik innersuussiffigineqarsinnaanini attatiinnassavaa.
Inissiamut innersuunneqartumut maleruagassat qaqugukkulluunniit atuuttut malillugit ineqarnermut akiliummik qularnaveeqqutinillu akiliisoqassaaq.
Ineqarnermut akiliutit inissiallu qanoq ittuuneri inissiap pisoqaassusaa, piginnittut il.il. apeqqutaallutik allanngorarsinnaapput. Sulisunut inissiaq atorfeqarnermut pissutsit atorunnaarpata qimanneqassaaq.
Sulisutut inissamik innersuunneqarnissaq sivisuumik utaqqinarsinnaavoq, taamaattumik inimik utaq-qiisaagallartumik najugarisassamik atugassiisoqarsinnaasarpoq, tassunga ilanngullugu najugaqati-giiffinnut minnerusunut imaluunniit akunnittarfiup inissiaataanut inissiisoqarallarsinnaalluni.

Paasissutissat sukumiinerusut
Atorfik pillugu annertunerusumik paasisaqarusukkuit tikilluaqquneqarputit attavigissallugu Allaffimmi pisortaq Uiloq Mulvad Jessen, oqa. +299 34 68 51 imaluunniit irum@nanoq.gl

Ulloq qinnuteqarfissaq kingulleq
Qinnuteqaat kingusinnerpaamik 2. december 2018 tigoreersimassavarput.
Naatsorsuutigaarput sapaatip akunnerani 49-mi oqaloqateqarnissat ingerlatissallugit.

Atorfininnissamut ulloq tassaavoq 01.01.2019 imaluunniit piaarnerpaamik isumaqatigiissuteqar-nikkut.

Qinnuteqaat ilinniagaqarneq siusinnerusukkullu suliffigisimasat pillugit paasissutissartalik, soraarum-meernermi uppernarsaatit assigisaasalu assilineri ilanngullugit ugguuna nittartakkakkut “qinnuteqaat nassiuguk" toorlugu nassiunneqassapput.

E-mail-ikkut qinnuteqaatinik tigusineq ajorpugut.

 

Qinnuteqaaternut allakkianik ilanngussinngilatit. Taamaakkaluartoq qinnuteqaatit nassiunniarukku "Ok" tooruk, imaluunniit "Taamaatiguk" tooruk aammalu qinnuteqaqqilinnginnarni allakkiat ilanngutikkit.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia