Atorfimmut ussassaarummut oqaatsinut allanut nuunniarlutit tooruk

Malugiuk atorfimmut allagarsiissutaasumut matumunnga piffissaliussaq naareerpoq!

Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

AC-fuldmægtigimik attaveqaqatigiinnermut suliniutinullu ingerlatsinermut / AC-fuldmægtig inden for kommunikation og projektstyring

Qeqqata Kommunia

Maniitsoq

Ikkunneqarpoq: 24-01-2025

Piffissaq atuuffissaa naassaaq: 15-02-2025

Suliffissamut ID normut: 331601748

Atorfeqarnermi atugassarititaasut: Tamakkiisoq

Suliassaqarfik: Allaffik & allaffissorneq, Pisortani allaffissornikkut aqutsineq

Atorfiup taaguutaa: Konsulent

Ilinniagaq: Kontor, all round (lærl.)

Misilittakkat - Annertunerusumik: Kommunikation,

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

AC-fuldmægtigip ingerlatsivinni ineriartortitsinermilu akimortumik suliniutinik, kiisalu kommunimi suliniutinik pilersitsinissanik qulakkeerinnissaaq.

Suliassat akisussaaffiillu:

Attaveqarnermut siunnersorti suleqatigalugu attaveqarnermut suliassanut akisussaaqataallunilu aaqqissuusseqataaneq kommunalbestyrelsip ataatsimiittarneranut atatillugu paasissutissiisarnerit, tusagassiutinut nalunaarutit, nittartigassanut suliaqarneq, illoqarfiit aviisiinut ilanngutassiorneq, nutaarsiassat, nittartagaq aamma inuit attaveqartarfii
Kommunip immikkoortortaani Maniitsumi nunaqarfinnilu nutaarsiassanik ujartuineq, ingerlatitseqqiinerlu, illup iluani avataanilu attaveqaqatigiinnerni suliassanik ineriartortitsinermi ikiuunneq aamma suleqatigisanut innuttaasunullu atuilluartuunissakkut eqqarsartariaaseqarnerup ingerlateqqinnissaa
Akimortumik atuilluartuunissakkut suliniuteqarnernik pilersitassanik pilersaarusiorneq piviusunngortitsinerlu
Aatsitassanut teknikkeqarfimmilu tunngasunik sulianik suliarinninneq
Najukkami Ataatsimiititaliamut allatsitut kiffartuussineq
Avataani oqartussaqarfiit, kattuffiit suliffeqarfiillu peqatigalugit aaqqissuussat ineriartortitsinermut aamma suleqatigiinnermut suliniutinut peqataaneq, pisortaqatigiinnullu siunnersueqataaneq
Kommunip peqqinneq pillugu pilersaarutaani ”Akisussaaqatigiitta – Fællesansvar”-imi suliniutinut aamma suleqatigiinnut peqataaneq
Pisortaanerup sulisui suleqatigalugit suliassat takkussuuttut suliaralugit
Suliassat takkussuuttut nalinginnaasut

Piginnaasaqarfiit:

Ilinniagartuutut, tusagassiortutut, attaveqaqatigiinnermut imaluunniit attuumassutilimmik ingerlaqqiffiusumik ilinniagaqarsimasuusutit kalaallillu inuiaqatigiivini pissutsinut ilisimasaqartuusutit
Allaffissornikkut suliniutinillu ingerlatsinikkut aamma nutaaliornikkut ineriartortitsinikkullu suliniutinik misilittagaqartuussasutit
Aaqqissuussaanermi politikkikkut aqutaasumi sulinermi ilisimasaqartutit
Allatanik aaqqissuussineq, nittartagalerineq, assiliineq videoliornerlu kiisalu ilusilersuineq ilanngullugit attaveqaqatigiinnerup iluani misilittagaqartutit
Tamanik takunnillaqqissuseqartuusutit, suliassanik aallartitsisinnaassuseqartutit, iliuuseqallaqqissuusutit sungiussiasuusutillu
Suleqateqallaqqissuusutit avatangiisinillu sunniisinnaassuseqartutit
Marluinnik kultureqarluni avatangiisilimmi anguniagalimmik sulisinnaassuseqartutit
Oqaatsitigut allattariarsornikkullu attaveqaqateqallaqqissuusutit
Kalaallisut ajornanngippallu arlarlinnik qallunaatut aamma tuluttut oqaaseqartuusutit

Akissarsiat atorfininnermilu atugassarititaasut:

Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Namminersorlutik Oqartussat kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.

Inissamik innersuussisoqarsinnaavoq malittarisassat sukkulluunniit atuuttut malillugit akilerneqartussamik.

Atorfik allaffissornikkut Maniitsumi inissisimavoq Maniitsumilu Ineriartortitsinermut pisortap ataani inissisimalluni.

Atorfinitsitsinerup ullua, isumaqatigiissuteqarnikkulluunniit

1. marts 2025 isumaqatigiissuteqarnikkulluunniit sulilertoqassaaq.

Paasissutissat allat

Atorfik pillugu paasissutissat annertunerusut, Maniitsumi ineriartortitsinermut pisortamut Sofie Jessen-imut, oqarasuaat (+299) 81 78 49-imut imaluunniit e-mail: soje@qeqqata.gl-imut saaffiginninnikkut pissarsiarineqarsinnaapput, imaluunniit Sisimiuni pisortaanerup sulisuinut pisortamut Mette Berthelsen Rydbjerg, oqarasuaat (+299) 86 73 02, e-mail: mbbe@qeqqata.gl

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik nassiunneqassaaq.

Pisortaanerup sulisui pillugit

Qeqqata Kommuniani Pisortaanerup sulisui tassaapput; pisortaanerup sulisuinut pisortaq 1, ineriartortitsinermut pisortaq 1, AC-fuldmægtigi 1, atuilluartuunissamut siunnersortit 3, suliniummut aqutsisoq 1, suliniummut siunnersorti aamma attaveqarnermut siunnersorti 1.

Pisortaanerup sulisui tassaapput Qullersaqarfiup ataani akimortumik suliaqartut. Pisortaanerup sulisui Sisimiuni arfineq-marlunnut Maniitsumilu marlunnut agguataarsimasunut sulisunut qulinngiluanut amerlassusiligaavoq. Pisortaanerup sulisui ingerlatsivinnut ineriartortitsinermillu suliassanik illup iluani avataanilu akimortunik suliaqartuupput. Suliassat ilaat politikkikkut soorluttaaq allaffissornikkut suliassiissutaasarput.

Kommunip iluani sulinermut atatillugu angalasoqartarpoq.

Kommunip nittartagaani www.qeqqata.gl/ansat , kommunimi sulisut assigiinngitsut pillugit atuarsinnaavatit.